الأحد، 26 أبريل، 2009

مكالمات لم يرد عليها

مكالمات لم يرد عليها


مكالمات لم يرد عليها


*


البوست ده أنا نزلته قبل كده


*


لكن أنا حسيت ان دلوقتى جه وقته


*


فى ظل الحاله اللى أنا عايشها دلوقتى




*




مكالمات لم يرد عليها


حين يضربك القدر بشده على وجهك وتصرخ ولا تجد من يرد عليك


فإنها مكالمة لم يرد عليها


حين يستمتع الآخرين بذبح مشاعرك وتصرخ ولا يسمعك احد


فإنها مكالمة لم يرد عليها


حين تمر بمعركة فتخسرها وتتحطم آمالك وتصرخ من داخلك ولا تجد من يسمعك


فإنها مكالمة لم يرد عليها


حينما تشعر بان الدنيا تمشي وانك واقف حيث انت تتأمل الماضي والحاضر..ولا تجد من يشعر بك


فإنها مكالمة لم يرد عليها


عندما يستهويك في الدنيا حلم صغير ليس بالمستحيل ولكنه اقل شي مـن حقك في الدنيا وحينها تقف الدنيا أمامك بكلمة لا لن أعطيك حلمك الصغير..وفي نشوة معركتك معها لا تجد من يساندك..فتصرخ مـن داخلك


فإنها مكالمة لم يرد عليها


حين تصدم من شخص له مكانة كبيرة في قلبك


فإنها مكالمة لم يرد عليها


حين يتجاهلك قريب لك ولا يشعر بك


فإنها مكالمة لم يرد عليها


حين يستغفلك الآخرون طيبة قلبك وتسامحك الدائم


فإنها مكالمة لم يرد عليها


حين تهتم بشخص لا يقدرك ويراك في آخر زاوية من زوايا حياته


فإنها مكالمة لم يرد عليها


حين تشعر بضيق وتبحث عن ذاك الصدر الحنون ليضمك وترمي إليه أثقالك ولا تجده في زحمة الحياة وتراه لاهيا عنك


فإنها مكالمة لم يرد عليها


عندما تتعب وتتعب كي تريح الطرف الأخر ولا تجد كلمة شكر


فإنها مكالمة لم يرد عليها


عندما تضع موضوع جديد ولا تجد الردود المقنعة


فإنها مكالمة لم يرد عليها


تستعجب من هذه المواقف فلطالما مررت بها ولم تجد من يساندك أو يقف بجوارك
و لطالما وجدت في حياتك مكالمات لم يرد عليها


*******


كلمات الشاعر الحزين

علاء الدين

الاثنين، 20 أبريل، 2009

نصيحة أب لإبنته ليلة زفافها




نصيحة أب لإبنته ليلة زفافها
الموضوع المره دى يمكن يكون مختلف شويه
بس فى نفس الوقت أعتقد انه ممكن يفيد ناس كتير
لأنى تقمست دور الأب بالرغم من صغر سنى
لكن وجهت بعض النصايح
بس على فكره النصايح دى من وجهة نظرى الشخصيه جدا
يعنى اللى مش موافق يرفع ايده
واللى موافق يرفع ايده برده
نبدأ بسم الله





نصيحة أب لابنته ليلة زفافها





حبيبتي بنتي .. ياللى في جوازك الكــون لفرحي مـا يكفنيش


اليوم زفافك لبيت عريسك عـــن جو طبعــه مـا تعرفيش

وعشان يحبك وتكوني زوجته وغاليـة عنده ما ترخصيش

حاقول نصيحة بس أسمعيها وحياة عنيكى ما تقاطعنيش

عشان يا بنتي من غير مشاكل في بيت راجلنا عايزين نعيش

خليكى دايما وياه قنوعة وكوني راضية ما تطمعيش

وشئ ما يقدر عليه بلاش وأي مرهق ما تطلبش

وقولي دايما نعم وحاضر وفى المطالب ما ترفضيش

وفى كل ساعة أوامره طاعة وعنه نفسك ما تفضليش

عشان يا بنتي من غير مشاكل في بيت راجلنا عايزين نعيش

وكوني دايما أجمـل جميله وفى الـمرايه ما تهمليش

وأن شوفتى شكلك ما يكونش رايق قـدام عيونـه ما تظهريش

وتخللي ريحتك ريحة جناين والعطر عــندك ما تكسليش


وأتزوقى له 00 وأتعطرى له مدام لجوزك ما يضركيش

عشان يا بنتي من غير مشاكل في بيت راجلنا عايزين نعيش

وأكلـــه دايما تجهـــزيه له وعن ميعاده متأخريش

أحسن يا بنتي الجوع ده مؤلم والبطن فاجرة ما بتختشيش

وأن نام شويه يرتاح له ساعة في وقت نومه ما تهيصيش

مش هو يبقى شقيان عشانك وفى وقت نومه ما تريحيش

عشان يا بنتي من غير مشاكل في بيت راجلنا عايزين نعيش

والبيت تحافظي عليه بعنيكى وفى كتر ماله ما تبعزقيش

وان جبتي منه عيال راعيهم وعـلميهـم ما تجهليش

وسره أوعى تقوليه لأبوكى عشان في عينه ما تصغريش

وبره بيته لأهم طارئ من قبل أذنه ما تخرجيش

عشان يا بنتي من غير مشاكل في بيت راجلنا عايزين نعيش

وان شوفتى جوزك زعلان شويه في هم وشه ما تفرحيش

وان كان مفرفش وجوه رايق فى صفو جوه ما تعكريش

بادليه تمللى ظروف حياته وكوني منه ما تفرقيش

وبين حماتك وأخت جوزك كوني محبه ما تكرهيش

عشان يا بنتي من غير مشاكل في بيت راجلنا عايزين نعيش

وان حد قالك كلام في حقه من غير عنيكى ما تصدقيش

وان غيرتي غيري عليه شويه مش غيرة نارها ما تنطفيش

ولو مشيتي في نور كلامي حاتعيشى طبعا وزعل مفيـش

والله يبارك ليكى في جوزك وتجينى زايره ما تغضبيش

وأنا تحت أمرك و أقول معاكى في بيت راجلنا عايزين نعيش

ولازم نعيش

************************

كلمات الشاعر الحزين
علاء الدين

الأربعاء، 15 أبريل، 2009

تاج لكن مختلف

تاااااااج وأمرى لله


فى البدايه
أحب أشكر جدا المدونه المتميزه والغاليه
جودى صاحبة مدونة كلمات من ذهب
على اهائها هذا التاج لى
فلها خالص الشكر والتقدير
فلنبدأ بسم الله
/\


/\

/\




بسم الله :

* من أنت ؟وما الذي تفعله هنا ؟

أنا مجرد انسان
أفعل هنا ما لم أستطع فعله فى أى مكان أخر
وهو التعبير عن ما بداخلى بصدق



* إسرائيل تقصف كل جنوب ممكن بحثا عنك ، أي شمال ستقصد ؟

الشمال الذى سوف أقصده
هو اللجوء الى الله سبحانه وتعالى

* أنت مكلف بحذف حرف من حروف اللغة العربية .. أيها ستختار ولماذا ؟

كيف أستطيع حذف حرف تمت كتابته فى القرآن الكريم
وهو من نزله الله سبحانه وتعالى كيف ؟؟


* لو قدر لك أن تدخل السجن فما هي القضية التي تتمنى ان تدخل بها إليه؟

قضية قتل كل ظالم ومفسد فى الارض

* بالمناسبة.. منذ متى اكتشفت نفسك؟

اكتشفت نفسى منذ أن علمت أنى أقوى من الدنيا
نعم أنا أقوى من الدنيا بدون تعجب

* على مفترق طريق لافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟

طبعا سوف أسلك طريق الى ما لم يحلم به البشر
لأنى أعتقد أن ما لم يحلم به البشر
أكثره سعاده فلعلى أستطيع أن آتى بجزء منها
الى البشر

* نحن لا نعيش حياتنا بل نتعلم فيها كيف نعيش» ما تعليقك؟

طبعا كلمه فى منتهى الصحه
لأننا لا نعرف ما هى الحياه حتى نعيشها
ولكن نتعلم كيف نستطيع أن نقدر على التعايش مع متغيرات الحياه


* بجملة واحدة فقط أكتب تعريفاً لكل كلمة من الكلمات التالية:-

الوطن

المكان الذى قدر الله لى أن أسكنه وأحبه مهما فعل بى

الأم

رمز العطاء الدائم المستمر بلا حدود

الليل

معشوق الشعراء والمحبين

الحب

لو كان بمعناه الحقيقى
يكون أنقى وأطهر ما فى الوجود

أمريكا

زوجة الأب الشريره

المرأة

نصف المجتمع وربما تكون أكثر من النصف

الصمت

لغه أعمق وأدق من لغة الكلام

الإنترنت

عالم جديد مميز لمن يحسن استخدامه

المسنجر

سبب فى قرب الأصدقاء من بعضهم رغم بعد المسافات

*أخترمنصباً واتخذ قرارا.

رئيس جمهورية مصر العربيه
وقرارى تطبيق الشريعه الاسلاميه بالكامل


*قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟

لم يكن تغيبا ولكنه كان حياءا وذلك الذى أعلا مكانتهن

*أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟ علل

أن أكون مطلوبا للخروج من الحب
أفضل من أكون مرغما على الدخول فيه

*إلى أين تمضي كلمات الحب .. بعد أن نقولها؟

إن كانت مخلصه
فهى تمضى حيث طريقها الى من أرسلت اليه
أنا ان كانت غير مخلصه
فهى تمضى ولكن تتبخر قبل أن تصل الى من أرسلت اليه

*هل تجد علاقة بشكل أو بآخر بين المرأة وقطاع الطرق ؟

نعم هناك علاقه فقطاع الطرق يقطعون طريقك ليسرقوا مادياتك
أما المرأه تقطع طريقك لتسلب معناوياتك اما بالحب أو بالشقاء


*هذا فراق بيني وبينك .. متى ولمن تقولها ؟

أقولها للدنيا حيث يأتى أمر ربى عندى

*كيف هو غداً ؟

غدا أشبه باليوم وبالأمس وأتمنى أن يأتى يوما ويتغير الغد

لمن تمرر التاج ؟؟

بما إنى يصعب عليا إجابة مثل هذه التيجان
فلا أود ارساله لأحد الا ان كان يريد أن يأخذه


ولكن أتمنى وأقول أتمنى أن نتشجع جميعنا ونحاول الإجابه عليه
فهو حقا مفيد جدا وجديد ومختلف

وختاما أرجو المعذره

لأنى أعلم جيدا أن إجاباتى ليست كما يجب أن تكون

فأرجو المعذره أرحو المعذره

والسلام عليكم ورحمة الله وبركاته




الجمعة، 10 أبريل، 2009

أحببتها أحببتها







منعا للإكتئاب


قررت أنزل بوست رومانسى


عشان أرفع راية


الحزن هو الشئ الوحيد الذى يولد كبير

ويصغر مع مرور الوقت


****************************


أحببتها


أحببتها حتى كاد القلب يذوب من الحنين


كلما رأيتها طار قلبي بجناح من الشوق وجناح من الأنين


آه من جمالها فإذا أقبلت فهي الشمس تنثر الرياحين


عيناها كالبحر تتهشم به قواربي أنا المسكين


شفتاها حمراوين كالورد لفم تتصيد به المحبين


لأسنانها بريق الماس وقد تراصت بدقة وتبللت اللآلئ بريق الياسمين


شعرها كسواد الليل حالك يحير ويزيد توه التائهين


انشطر قلبي بعدما فرقته على الجبين


كلما ضحكت أميرتي وتعالى صوتها قطعت قلبي السكاكين


تعالت أصوات اشواقى حتى صرت ثاني المجانين


يبعثر الكبرياء صرخات نداءاتى وتعيدها إلى جبال الحنين


ملئت وجداني وأحلامي وأصبح حبي لها صخر لا يلين


ذات يوم صارحتها بحبي لها وأنى من أشد المعجبين


فلم تجبني لكنها أوحت إلى بنظرة أن الأمر ليس بعار مشين


فازداد تعلقي بها ما أحلى الأخلاق مع جمال أميرة السلاطين


ثم حادثتني وحادثتها أننا معا أمد الأمدين


سألتها هل كنتى بي تتأملين قالت بابتسامة أكل ذلك ليس بجواب مبين


فقد كانت تذوب وكنت أظن أنني المسكين


أحبتني مليكة قلبي


فصرت أمير العاشقين

********************************


كلمات الشاعر الحزين
علاء الدين

الاثنين، 6 أبريل، 2009

هجاوب التاج وأمرى لله






التاج ده وصلنى من كل أصدقائى بالكامل


بصراحه كانوا متفقين عليا


ربنا يسامحهم بقى



أمرى لله هضطر انى أجاوب عليه


بعد إلحاح شديد مع النفس


وده لخمس أسباب


السبب الأول


لأنى مقدرش أرفض طلب أصحابى الغاليين


والسبب التانى


عشان أتعود على اجابات التاجات عشان لو جانى تاج تانى


ودول الثلاث أسباب الرئيسيه لإجابة التاج


ونبدأ


بسم الله الرحمن الرحيم



أسمك؟

علاء الدين

المشهور بيه وسط صاحبك؟

الحزين للأسف

سنك؟

23 سنه اييييييييييييييه دنيا ياللا حسن الختام

مجال دراستك؟

كلية الدراسات الاسلاميه قسم أصول الدين (جامعة الأزهر )

أسم مدونتك؟

الشاعر الحزين

صورتك الرمزية في المدونة بتعبر عن أيه؟

ببساطه بتعبر عنى

هل فكرت في أغلاق المدونة؟ والسبب؟

للأسف مبقتش أقدر أقفلها لأنها بقيت من أهم أركان حياتى

أيه رد فعلك لو حد قل أدبه عليك في تعليق؟

هسكت قوى بس هتعب نفسيا قوى

أسوء مدونة؟

مدونة واحد مسيحى اسمها المسيح الهى للأسف بيسب فيها المسلمين

هيحصل أيه للإيميل بعد ما تموت؟

الايميلات مرتبطه بحياتى بمجرد ما تنتهى حياتى هتنتهى ايميلاتى

أديت الباسوورد لحد قبل كده؟

للأسف لسه مديتش الباسوورد لأى حد بس بفكر أديه لأغلى وأعز أصدقائى

السفر بالنسبة لك؟

للأسف أنا انسان بيتوتى يعنى أغلب وقتى بقضيه فى البيت
وغالبا على السطح بكتب خواطر أو فى البلكونه
لكن السفر يعنى عادى

المود بتاعك ايه؟

مقدرش أقول غير الحمد لله على

على فكره ده هروب من الإجابه

بتعمل أيه في وقت فراغك؟

يا بكتب خواطر يا قاعد على الاب توب

الأكلة المفضلة؟

هى مش أكله هو مشروب بجد بموت فى كوكتيل الموز والفراوله باللبن
بس بشرط يكون أنا اللى عامله
أنا ست بيت محترمه قوى قصدى راجل بيت بعرف أطبخ كل حاجه الحمد لله


الصفات التي أخذتها عن والدك؟

تقريبا كل حاجه الشكل والعند وهى دى أهم صفه العند
أنا عنيد جدا للأسف

الصفات التي أخذتها من والدتك؟

للأسف برده طيبة القلب الزايده
على فكره هم اللى بيقولوا كده مش أنا

اكثر ست حاجات بتحبهم؟

الله
محمد صلى الله عليه وسلم
أمى وأبى
أهلى
النادى الأهلى
للأسف الحــــــــــــــــــــــب

اكتر ست حاجات بتكرههم؟؟

الكذب
الكذب
الكذب
الكذب
الكذب
الخيانه
لأن لو الكذب اتوجد هيتوجد أى شئ قبيح فى الدنيا

شخصيتك نوعها أيه؟

عنيد قوى

لماذا دخلت عالم التدوين من الأساس؟

لقيت عالم التدوين ده عباره عن بيت صغير وأسره كبيره
وأحلى ما فيه ان كلنا بنحب بعضنا ومنكدبش على بعضنا

أحلى جملة قيلت في وصف مدونتك؟

أحلى جمله هى كل جمله اتكتبت عندى فى التعليقات

أهمية التعليقات بالنسبة لك؟

هى اللى بتدينى العزيمه انى أكتب تانى
وبتزرع فى قلبى سعاده كبيره قوى

احلى بوست كتبته؟ وضع اللينك ثم أذكر السبب؟

بصراحه أحلى بوست كتبته أنا لسه منزلتوش فى المدونه
وأعتقد انى مش هنزله لأسباب معينه

افضل مدونة قرأتها؟

كل مدونه كتبت فيها تعليق هى أحلى مدونه

أفضل بوست قرأته؟

كتير قوى قوى بس بجد أغلب المدونات اللى علقت عندها بتكون مواضيعها جميله قوى

الشغل بالنسبة لك؟

شغلى هو كرة القدم ولو سألتونى عن كرة القدم هقولكم حياتى

الأنترنت بالنسبة لك؟

العالم الأخر

تمرر التاج ده لمين؟

لالالالالالالا كفايه كده خلينى أنا أخر واحد يكتب التاج ده
عشان محبش انى أتعب الناس معايا كفايه الى هم فيه

===
=====
=========
=====
===


فى النهايه أكيد لازم أعتذر على اجاباتى الممله دى
بس والله أنا مكنتش حابب انى أجاوب على أى تاج
لكن مقدرش أرفض طلب أغلى أصحاب عندى
بعتذر بعتذر بعتذر

ومع السلامو عليكواااااااااااا