الاثنين، 20 أبريل 2009

نصيحة أب لإبنته ليلة زفافها




نصيحة أب لإبنته ليلة زفافها
الموضوع المره دى يمكن يكون مختلف شويه
بس فى نفس الوقت أعتقد انه ممكن يفيد ناس كتير
لأنى تقمست دور الأب بالرغم من صغر سنى
لكن وجهت بعض النصايح
بس على فكره النصايح دى من وجهة نظرى الشخصيه جدا
يعنى اللى مش موافق يرفع ايده
واللى موافق يرفع ايده برده
نبدأ بسم الله





نصيحة أب لابنته ليلة زفافها





حبيبتي بنتي .. ياللى في جوازك الكــون لفرحي مـا يكفنيش


اليوم زفافك لبيت عريسك عـــن جو طبعــه مـا تعرفيش

وعشان يحبك وتكوني زوجته وغاليـة عنده ما ترخصيش

حاقول نصيحة بس أسمعيها وحياة عنيكى ما تقاطعنيش

عشان يا بنتي من غير مشاكل في بيت راجلنا عايزين نعيش

خليكى دايما وياه قنوعة وكوني راضية ما تطمعيش

وشئ ما يقدر عليه بلاش وأي مرهق ما تطلبش

وقولي دايما نعم وحاضر وفى المطالب ما ترفضيش

وفى كل ساعة أوامره طاعة وعنه نفسك ما تفضليش

عشان يا بنتي من غير مشاكل في بيت راجلنا عايزين نعيش

وكوني دايما أجمـل جميله وفى الـمرايه ما تهمليش

وأن شوفتى شكلك ما يكونش رايق قـدام عيونـه ما تظهريش

وتخللي ريحتك ريحة جناين والعطر عــندك ما تكسليش


وأتزوقى له 00 وأتعطرى له مدام لجوزك ما يضركيش

عشان يا بنتي من غير مشاكل في بيت راجلنا عايزين نعيش

وأكلـــه دايما تجهـــزيه له وعن ميعاده متأخريش

أحسن يا بنتي الجوع ده مؤلم والبطن فاجرة ما بتختشيش

وأن نام شويه يرتاح له ساعة في وقت نومه ما تهيصيش

مش هو يبقى شقيان عشانك وفى وقت نومه ما تريحيش

عشان يا بنتي من غير مشاكل في بيت راجلنا عايزين نعيش

والبيت تحافظي عليه بعنيكى وفى كتر ماله ما تبعزقيش

وان جبتي منه عيال راعيهم وعـلميهـم ما تجهليش

وسره أوعى تقوليه لأبوكى عشان في عينه ما تصغريش

وبره بيته لأهم طارئ من قبل أذنه ما تخرجيش

عشان يا بنتي من غير مشاكل في بيت راجلنا عايزين نعيش

وان شوفتى جوزك زعلان شويه في هم وشه ما تفرحيش

وان كان مفرفش وجوه رايق فى صفو جوه ما تعكريش

بادليه تمللى ظروف حياته وكوني منه ما تفرقيش

وبين حماتك وأخت جوزك كوني محبه ما تكرهيش

عشان يا بنتي من غير مشاكل في بيت راجلنا عايزين نعيش

وان حد قالك كلام في حقه من غير عنيكى ما تصدقيش

وان غيرتي غيري عليه شويه مش غيرة نارها ما تنطفيش

ولو مشيتي في نور كلامي حاتعيشى طبعا وزعل مفيـش

والله يبارك ليكى في جوزك وتجينى زايره ما تغضبيش

وأنا تحت أمرك و أقول معاكى في بيت راجلنا عايزين نعيش

ولازم نعيش

************************

كلمات الشاعر الحزين
علاء الدين

هناك 77 تعليقًا:

عاشقه الرومانسيه يقول...

اوووووول تعليق
كده خالصين
هههههههههههههههه

عاشقه الرومانسيه يقول...

حلوه قوى النصايح دى
وكتبتها بشكل جمييييييييييل
تسلم ايدك ياعلاء

مهندس / على درويش يقول...

أخد انا التعليق التالت مش مهم

أصل احنا عايزين نعيش

الكلام جامد شويه وشويتين وأكتر من شويتين بكتير شويه


طبعا الكلام أتنقي بعناية

والكلام جميل

بس انا هأستني منك قصيدة تانية

وتكون بعنوان

نصيحة أم لأبنها ليلة الزفاف

::::::::::::::::::::::
انا في الأنتظار

تحياتي ودمت بكل خير

ساره يقول...

حاضر يا بابا
بحاول
بس يا بابا طلباتك كثيره شويه :)

بقولك يا علاء
استني منك قصيده من اب لابنه ماشي

على فكره انا زعلانه منك :(
اسلت لك ايميل وطنشتني .. ماكنش العشم .. أهي أهي أهي

(Joudy) يقول...

نصايح هايلة بطريقة سهلة لو كل أب ينصح ولاده من غير تشديد بجد كلنا هنسمع الكلام . . . . . رائـــعــــة
وهتصبح أب هايل ربنا يوفقك

تقبل مرورى

♥..~*شـــوشـــو هـــانــم*~..♥ يقول...

هههههههههههه
حسستني ان عندك 50 سنه
بس نصايح حلوة وكلها صح فعلا
تنفع أب
بس بردو لازم الراجل هو كمان يعمل كدا مش هيا بس

طريقتك حلوة في الكتابة
دمت مبدعا
تحيتي..

fnoonh يقول...

ايه ده ايه ده

لا لا مش ممكن مشاء الله تبارك الله

كلام جميل يبقى تغيب تغيب وفي الاخر تطلع كلام رائع زي ده

حقيقي نصايح اكتر من رائعة ياسلام لو كل اب يديها لبنته

تكون الحياة حلوة والله

وياريت بقى تكتبلنا نصيحة ام لولدها ليلة زفافه

وماتنساش انا هستناها اوك

تقبل خالص تحياتي

فكرة من الزمن ده يقول...

ماشاء الله ماشاء الله
ايه ده يا علاء
واللله تحفة بجد
تسلم الايادي بقى تبيع جرجير ده احنا اللي نقفل ولا نبيع لا جرجير ولا فجل حتى ونستخبى والله كلام مفيد وموزون كمان ومية مية
بس في كام حتة ضحكوني

وأن شوفتى شكلك ما يكونش رايق قـدام عيونـه ما تظهريش

ما اظهرش طيب اروح فين ادخل في الدولاب مثلا؟
هههههههههه



وان غيرتي غيري عليه شويه مش غيرة نارها ما تنطفيش

جميلة جدا
لكن الغيرة دايما بتكون نار لكن الطرف اللي بيغير مايقدرش يخفي غيرته غصي عنه بيغير




وأن نام شويه يرتاح له ساعة في وقت نومه ما تهيصيش


هههههههههههههه هع هع
حلوة ما تهيصيش يعني اجيب طبلة واطبل بعيد ؟ حاضر

هههههههههههههههه
والله جميلة ومالهاش حل والمفروض تتبعت ميل لكل واحدة تيجي تتجوز وانا اول واحدة ابعتها لصحابي اللي بيتجوزوا وماتخافش انا حاقول انك المؤلف اصلي بقيت سوابقة في خطف القصايد من الناس انت وتركيب بلوج لكن بانسب الفن لاهله

حياه بلا عنوان يقول...

السلام عليكم بجد مدونه جميله ورقيقه والبوست كمان فى نصايح حلوه كتير وكمان تنسيق النصايح جمده ياريت تقبل مرورك للبوست وتقبل رئى كمان شكرا ليك تحياتى
حياه بلا عنوان

غروب يقول...

انا عن نفسي برفع ايدي بالموافقه

لانها عجبتنى

عمرو جويلى يقول...

الشاعر الحزين
السلام عليكم
أنا من الذين رفعوا أيديهم ومعجب جدا بنصائحك الرائعة
وفى إنتظار المزيد
دمت بكل الخير

وحي القلم يقول...

ههههههههههههههههه
أنا سمعت النصايح دي قبل كده
بس من أم لابنتها
نفس القافية ونفس الطريقة
بس بصراحة نصايح حلوة
بس ياريت تراعي النقل
تقبل تحياتي

MǿиY El-Shreef يقول...

الله عليك ياعلاااء

بجد والله العظيم جااااامده جدا القصيده دي

عجبتني اوي والنصايح الي فيها دي لو اي بنوته سمعتها كل البيوت هتبقى زي الفل

وماشاء الله عليك رتبتها وجبتها صح

تسلم ايدك يا بابا علاء هههههههههه

الأمير يقول...

جميل جدااا اخى علاء

وتعرف ان كل ده متلخص فى الشرع
والله الاسلام عمره ما ساب حاجه فيها خير الا لما امرنا بيها والعكس الا لما امرنا بالعكس

تسلم ايدك اخى ..
دمت فى امان الله ..؛؛

غير معرف يقول...

ايه دا كله ايه دا كله

طبعا المواهب دي ظهرت عليك بعد ما اتثقفت من مدونتي الخطيررررة انت هتاكل الجو مني ولا ايه

نصائح جاااااااااامدة موووت وقولتها بشكل ظررريف

تصدق بقى بعد البوست دا انا ندمت على فسخ الخطوبة بنتي خسرت انسان عاقل ورزين ههههههههههه

تعال اخطبها تاني وانا مش هوافق طبعا هههههههههههههه

بجد تسلم ايدك

هااااااااااايل

ربنا يسعدك

فراشة يقول...

حلو قوى يا علاء
بس مش عايز تنصح ابنك يوم زفافه بأى حاجه من الحاجات دى
ماهو برده لازم يحس بيها فى وقت زعلها ووقت فرحها ووقت تعبها
يعنى لما تتعب ميطلبش منها اكتر من طاقتها وحاجات كتيرة
ماهو نجاح الاسرة على الاتنين مش هى بس
بس بصفة عامة النصايح فى محلها لو كل بنت فى بداية حياتها عملت بيها حتعيش سعيدة

بس ايه التجديد الجميل قوى ده
تحياتى لفكرك المتنوع

همسه يقول...

دمك سكر
واسلوبك روعة
تحياتى لك

ريمان يقول...

السلام عليكم

انا جيييييييييت


ازيك

يا ريت بجد كل الاباء بينصحوا بناتهم بكده

يا رييييييييت

كلماتك جميله اوى

وبوست جديد من نوعه

والبوست مليان تشبيهات جميله ورقيقه

ده غير اللسجع ممظبوط وتمام ومخلى الصيده حلوه

على فكره انا مش دايما بحب القصائد العاميه انما فى القصيده دى مش حسيت بالملل او اى شىء لانها بجد جميله اوى وكنت موفق كده فى ترتيب الفاظها وتناسق عبارتها مع بعض واستعمال السجع استعمال جيد


تحياتى ليك

دومت مبدعا ومتألق كده

وانا كمان يا رب

ههههههههههه

بدعى لنفسى فيها حاجه؟

طـائر الليــل الحـزين يقول...

علاء
بجد تحفة النصايح دى
تعرف لو فعلا نعمل بيها فى مشاكل كتيير هتنتهى فعلا
وكمان اللى يشوف النصايح دى هيفتكر حضراتك كبير فى السن
بس تعرف ده دليك على نضج دماغك
بصراحة ومن الاخر تسلم ايدك
وانا عن نفسى هحفظ النصايح دى عن ظهر قلب

مـجـنـووون يقول...

بجد تسلم ايدك علي الكلمات والنصائح الغاليه

وكمان انت اتكلمت في موضوع قليل تلاقي حد بيتكلم فيه وخصوصا انه من اب

تقبل مروري
مجنووون

بـسـمـــة صـــــلاح يقول...

رافعة إيدي من بدري ووجعتني
أنا هنزلها بقى هههه
مش عارفة أقولك ايه
يخرب بيت شياطينك تجنن من كل النواحي والله ابدعت أوي ربنا يباركلك في موهبتك
::......
دا بكرة فرح وحدةصحبتي وقدي ياريت بإيدي ابعتهالها
ربنا يسعدها ويسعد كل العرايس
على فكرة مش العروسات بس اللي يتنصحوا العرسان كمان
مودتي سيدي

الشاعر الحزين يقول...

عاشقة الرومانسيه


ماشى يا ست الكل كده خالصين

ومتشكر قوى على تعليقك الجميل

وسعيد جدا ان نصايحى عجبتك

الشاعر الحزين يقول...

مهندس / على درويش

ربنا يكرمك يارب شويات كتار قوى

متشكر جدا والله على تعليقك الجميل

وان شاء الله ربنا يسهل وأكتب نصائح للعريس

نورتنى

الشاعر الحزين يقول...

ساره الغاليه

ايه ده ؟؟؟؟

أنا أقدر أطنشك برده طيب تيجى ازاى؟؟؟؟؟؟

والله أنا مش شوفت أى ايميل ومش عارف فين وصل ومش عارف أى حاجه عن الموضوع ده خالص

قوليلى بس أنتى أرسلتى الايميل فين وأنا أدور عليه أو أعمل اعلان وان شاء الله اللى هيلاقيه هيوصله


عموما ده ايميلى

alaaelking_r@yahoo.com

وطبعا زيارتك ليا بتعلم فيا

والله نورتينى جدااااااااا

الشاعر الحزين يقول...

(Joudy)

أنا أب هايل ؟؟؟؟

يسمع منك ربنا

متشكر قوى جدا خالص والله

ربنا يخليك

والله منورانى

الشاعر الحزين يقول...

الشيماء صلاح*shosho*

شوشو 50 سنه مره واحده ؟؟؟؟

عموما بسيطه 23 من خمسين مفرقتش كتير الأيام بتجرى

هههههههههه

والله أنا سعيد جدا جدا ان نصايحى نالت اعجابك

وبجد منورانى دايما

الشاعر الحزين يقول...

fnoonh

فنونه الجميله


ايه الكلام ده كله ؟

ربنا يخليك يارب

وكويس انها عجبتك بس أنتى اعملى بيها

هههههههههههههههههههههه

متشكر قوى والله على الزياره الدايمه الجميله دى

دايما كده بتنورينى والله

الشاعر الحزين يقول...

فكرة من الزمن ده

ههههههههههههههههههه
هههههههههههههههه

مش عارف أقولك ايه

بس والله تعليقك ده جميل قوى

دا أنا فضلت أضحك لحاد ما عنيا دمعت من كتر الضحك

دمك زى العسل والله

ربنا يخليك يارب
ودايما تنورينى كده بزياراتك الجميله دى

الشاعر الحزين يقول...

حياه بلا عنوان


ربنا يكرمك ويبارك فيك

أنا سعيد جدا بمرورك الأول لمدونتى

وأتمنى مش يكون الأخير

ودايما تنورينى بتعلقك الجميل

الشاعر الحزين يقول...

غروب

نزلى ايدك بقى كفايه

كده ايدك هتوجعك

هههههههههههه

ربنا يخليك يارب

ومتشكر جدا على الزياره الرقيقه دى

منورانى والله

الشاعر الحزين يقول...

اللؤلؤة

أخى الكريم

والله والله والله بمجرد اعجابك بالقصيده يبقى خلاص شهادة نجاحها اتكتبت خلاص

ربنا يكرمك والله أنا بكون سعيد جدا جدا جدا بزيارتك الغاليه ليا

ودايما منورنى

الشاعر الحزين يقول...

مصعب صلاح

أستاذنا الصحفى الكبير

أكيد يا مصعب أنت عارف ان فيه سرقه علنى على النت

وأنا من أكتر الناس اللى اتسرقت منى خواطرى

وكان حصلى موقف للأسف كان تعبنى جدا

لأنه كان من أصعب المواقف اللى ممكن يقابلها انسان فى حياته

المهم أنت والله منورنى

وياريت تبعتلى اللينك اللى قرأت عليه النصايح يمكن أكون أنا اللى كنت منزلها على منتدى

أصل دى مش أول مره أنزلها على النت

سعيد جدا والله بتعليقك يا أستاذنا

الشاعر الحزين يقول...

مونىىىىىىىىىىىىىىىىى

صباح الفل يا قمر

ايه الكلام الجميل ده ؟؟

أنا مش قده ؟؟؟

بس بابا ؟؟؟؟؟؟

كبيره عليا شويه بابا دى

منورانى يا قمر والله

الشاعر الحزين يقول...

الأمير

أخى الفاضل

زيارتك ليا كأنها بمثابة وسام شرف على عنقى

والله أسعد جدا جدا جدا بزيارتك الغاليه

وربنا يكرمك ويبارك فيك

وطبعا الشريعه الاسلاميه لم تترك شيئا

ولك منى كل الشكر والتقدير

الشاعر الحزين يقول...

ঔღঔ نـــوارة ঔღঔ

طبعا طبعا مدونتك ليها فضل كبير عليا

لكن بالنسبه لبنتك فالخطوبه مش اتفسخت ولا حاجه ده كان كلام عيال
أنا مقدرش أخطب غيرها
بس هى تيجى بس وكل شئ يتحل

منورانى والله يا




حماتى من تانى

الشاعر الحزين يقول...

فراشه

متشكر قوى يا فراشه على الزياره الغاليه دى

وان شاء الله ربنا يسهل وأكتب نصيحه للعريس

بس أنتى ادعيلى

زيارتك دايما والله بتسعدنى

وبشكرك قوى على الكلام الرقيق ده

الشاعر الحزين يقول...

همسه

بشكرك جدا جدا على تعليقك الرقيق

وزيارتك الاولى لمدونتى
وأتمنى مش تكون الأخيره

على فكره أنا زرت مدونتك
وبجد جميله قوى لكن مقدرتش أكتب فيها تعليق مش عارف يظهر عندك مشكله فى التعليقات لأنى حاولت أكتب تعليق لكن واجهتنى مشاكل أتمنى تحليها عشان نقدر نعبر عن اعجابنا بكلماتك الجميله

منورانى والله

الشاعر الحزين يقول...

ريمان

أنا مش هقولك أى حاجه غير

زيارتك ليها مذاق مختلف بالنسبالى

الشاعر الحزين يقول...

طـــائر الليــــل الحـــــزين


متشكر قوى على الكلام الجميل ده

والله أنا مش عارف أقولك ايه

دايما تعليقك بيوقفنى عاجز عن الرد

لكن أنا بجد متشكر جدا جدا جدا جدااااااااا

ولكى كل التقدير

والله العظيم منورانى دايما

الشاعر الحزين يقول...

مـجـنـووون

أنا بجد سعيد جدا جدابزيارتك الغاليه
والأولى وأتمنى مش تكون الأخيره

وسعيد جدا انها نالت اعجابك

وأشكرك جدا على زيارتك الجميله

الشاعر الحزين يقول...

بـسـمـــة صـــــلاح

هههههههههههههههه

أوكى يا بسومه
نزليها بقى كفايه كده عشان مش توجعك

بس بجد مش عارف أقولك ايه

كلامك أخجلنى وفى نفس الوقت حسيت انى فعلا كتبت حاجه حلوه

ربنا يخليك يارب

وألف مبروك لصاحبتك وعقباااااااااااااالك يارب

منورانى والله يا بسومه

ساره يقول...

ايوه هذا الايميل اللي ارسلت عليه

alaaelking_r@yahoo.com

على العموم حصل خير

جوجو يقول...

السلام عليكم

طب والله بوست جميل جدااا

على الرغم من انه غريب جدا ومتنوع جداا

تحياتى

زهرة الياسمين يقول...

درر يا بابا
و في بيت راجلنا عايزين نعيش

تنفع اغنيه عالقصيده*.*

ثانكس عالنصائح

شاب كــ طخين ـــــا يقول...

يا علا يا جاااااااامد اوى
والله بوست تحفة تسلم ايدك يا فنان
هو صحيح فيه شويه نصايح حاسس انهم مش هيتنفذو ابدا بتاتا البته بس كلمات واسلوب ولا اجمل
عايز اقولك فكرتنى بأمين الديب ربنا يديه الصحه
بجد تسلم ايدك يا فنان

شيماء جمال(شيمو القمر) يقول...

ايه ده بقى ده بقى ده


ايه الكلام الجامد ده
نتجوز بس واحنا نعمل اكتر من كده كتير

وده شبه نصائح ام لابنتها كنا درسناها فى سنة من السنين

طريقتك حلوة قوى فى الكتابة

تحياتى دمت مبدع
شيمو القمر

وحي القلم يقول...

بص يا شاعر
ف البداية الخواطر دي مش بالظبط اللي انت كاتبها
هي تشبها شوية نفس القافية والوزن بس
ومشفتهاش ف منتدى
أنا سمعتها من واحد
ثانيا :
أنا باحسدك على كونك شاعر
تعرف ان الشعر أبو الأدب ، لأن الشاعر بيكون مرهف الاحساس والعاطفة عنده ممتازة
دا غير انه بيعرف يطوع الكلمات لصالحه
طبعا أنا مليش في الشعر خااااااالص
ثالثا ودا الأهم :
انت ليه مش بتنشر ديوان وأهو تضمن الحقوق الملكية
تقبل تحياتي

ايمان روحي يقول...

اوووووووووووول تعليق
ايه رايك بقي
هههههههه
اسفه بجد
بس بصراحه البوست يجنن والله رووعه
ياابوا البنات
ههههههه
بس بصراحه رائع لا يعلي عليه
النصايح حلوة كتير
جد تسلم انا ملك يامبدع المنصورة
بتمنالك التوفيق
تحيـاتي

منــار فايد يقول...

وااااو
جميله جدا جدا
سلمت يداك ياشاعر
بجد ابدعت وحسيت انك اب بجد وبتوصي بنتك
بعتذر جدا عن قله المرور والتعليقات لظروف غريبه عندي

في انتظار روائعك ياصديقي

الشاعر الحزين يقول...

ساره الغاليه

ياريت ترسلى لو حتى رساله قصيره أعرف منها ايميلك عشان أقدر أرد عليكى

وبعدين ده منتهى الشرف ليا طبعا


ومتشكر جدا جدا جدا على اهتمامك الرائع


لكى كل الشكر والتقدير

الشاعر الحزين يقول...

جوجو

عليكم السلام

أهلا بيكى وأنا بكون سعيد جدا والله بزيارتك

ومتشكر جدا على التعليق الجميل

ويارب تكونى بخير وتمام فى المزاكره كده

شدى حيلك الامتحانات قربت


لكى كل الشكر والتوفيق

الشاعر الحزين يقول...

مجرد نقطه

فيييييييييينك يا قمر ؟؟؟؟

ميرسى كتير كتير على الها الطله الرائعه

وتعليقك الجميل

ميرسىىىىىىىىىىىىىىىىىى

الشاعر الحزين يقول...

أمبارح كان عمرى عشرين

منورنى يا نجم والله

وايه الكلام الجامد ده ؟ أنا مش قد الكلام ده بعدين أتغر

متقلقش البنوتات محترمين وهيسمعوا كلام باباهم فى كل النصايح


وبعدين أنت بجد فكرتنى بإنسان أنا بحبه جدا جدا جدا أمين الديب بجد ربنا يشفيه

أخر شريط ليه كان ملوش حل


وبجد والله نورتى جدا جدا جدا يا نجم

الشاعر الحزين يقول...

شيمووووو القمر


منورانى يا قمرايه والله

وان شاء الله هتتجوزى وهبعتلك النصايح دى فى البوسطه

هههههههههههههههههه

بس أنتى اعملى بيها

هههههههههههههههههه

ربنا يخليك يا قمر

بجد والله دايما منورانى يا قمر

الشاعر الحزين يقول...

مصعب صلاح

يا أستاذنا الغالى ربنا يخليك يارب

بس والله أنا عن نفسى مسعتش عن حاجه شبها قبل كده بس والله كويس ان أنا كتبت حاجه تشبه لحاجه كتبها شاعر بجد

وبعدين ربنا يخليك يارب أنا مش شاعر ولا حاجه يا أستاذنا أنا بس مجرد كاتب أحاسيس

دا أنا بتعب قوى عشان أظبط الوزن والقافيه مع بعض

نورتنى والله وبشكرك جدا جدا على اهتمامك الغالى

الشاعر الحزين يقول...

ايمان روحى


خليكى فاكره دى رابع مره

هههههههه

أنا بعدلك ويمكن أخلى المره باثنين

عشان تجمدى كده شويه وتشدى حيلك

وعلى فكره أنا عايز أطلب منك طلب صغير

ياريت تغيرى القالب بتاع مدونتك

هو جميل قوى وكل حاجه لكن متقلها قوى وأنا بعانى لما أدخل عليها

أوكى يا قمر ؟؟؟؟؟

ومتشكر جدا على الكلام الرقيق اللى قولتيه فى حقى بس لازم تعملى بالنصيح ها ؟؟؟


نورتينى يا قمر

الشاعر الحزين يقول...

شباك موارب

ربنا يخليكى يارب على تعليقك الجميل ده

ويكفى بس زيارتك الغاليه عندى

دى لوحدها وسام على صدرى

وربنا يارب يفك عنك ظروفك الغريبه وتكونى فى أحسن حال ياااااااااااااارب


لكى خالص شكرى وتقديرى

الفراشة الصغيرة يقول...

الله الله يا علاء

طب والله كلامك حكم

خدوا الحكم من افواه العقلاء

الى زى علاء

ساره يقول...

ارسلت لك يا علاء والعنوان اسمي

aidy يقول...

جميلة النصايح دى

بس فين نصايح بقى الاب لأبنه

لازم تتقمس دور ابو العريس كمان

تحياتى ليك وكلماتك جميلة جدا

دمت مبدع

الشاعر الحزين يقول...

الفراشه الصغيره

ههههههههههه

قصدك خذوا الحكم من أفواه المجانين

أوكى يا فراشه

ميرسى قوى على تعليقك الجميل قوى ده

وبجد والله أنتى منورانى

الشاعر الحزين يقول...

ساره الغاليه

أنا والله فتحت ايميلى لكن موصلش أى حاجه يظهر ان فيه خطأ فى حاجه معينه

عموما ياريت تمسحى الاميمل وتضيفيه تانى

ممكن يكون فيه خطأ

alaaelking_r@yahoo.com

وبجد متشكر جدا على اهتمامك وأنا بجد أتمنى انى أضيفك عندى عشان أزداد شرف
وأتعلم من خبراتك الجميله

منورانى جدا جدا جدا

الشاعر الحزين يقول...

aidy

حاضر من عنيا ان شاء الله هكتب نصايح للعريس

ومتشكر جدا جدا على المرور الجميل ده


وبجد نورتينى ونورتى المدونه والله

Lady E يقول...

جميلة جدا النصايح دي

المفروض العروسة تبقى خارقة علشان تقدر تعمل كل ده

تفائلت بصراحه هفضل في بيت بابا احسن من بيت راجلنا اللي لازم يعيش ده

=وان غيرتي غيري عليه شويه مش غيرة نارها ما تنطفيش=

الغيرة اصعب حاجة في الدنيا بالنسبة لي
بحس ان الغيرة بتاعتي شبه غيرة السيدة عائشة رضي الله عنها
في الغيرة بغير غيرة نارها مبتنطفيش للأسف :((((

ايمان روحي يقول...

لا دي التانيه
مليش دعوة
حرام عليك انا هعيط
ااااااااااااااااه
لا ربنا يخليك يامستر خلي الوحده بوحده
هههههههههه
انا معرفش اعمل حاجه في المدونه يامستر
ههههههههههه
انا اكتب وانشر بس معرفش غير كده والله
انا اديت الباس ورد لانسان وعملي القالب وزبطلي كل حاجه
انا والله معرفش اعمل حاجه باي حاجه
ههههههههههه
علي فكره يامستر
متشكرنيش
دنا اللي اشكرك علي النصايح اللي بجد رووووووووووعه
انت عارف فكرتني بنصيحة اعرابيه لبنتها ليلة زفافها
معرفش اذا بتعرفها
بس بصراحه
تبعتك بتجنن كتير
شي مش غريب عليك
عودتنا ددايما علي كل شي جديد ومبدع وحلوا كتير
مبسوطه انك شوي خففت من الحزن
دايما يارب
تحيــــاتي

موجة يقول...

ازيك ياعلاء
فين الشيكولاتة بقى
ولا اقولك الشيكولاتة عليا انا

بقولك ايه
بالنسبة للنصايح يعنى
فانا عن نفسى لما اجى اتجوز هقراها تانى
او هحفظها لبابا عشان يوم فرحى يقولهالى
بس عندى اعتراض
عاوزة نصايح من الام لابنها يوم فرحة
ولا بلاش
اصل ممكن كان كتب نصايح للولد يوم فرحة
فى بوست التهنئة بجواز صحبتة
فخلاص هى كدة اكتملت

تسلم ايدك يا عبقرى

Bant EL7ag Dracula يقول...

حاضر يابابى
ههههههههههه

جاااااااااامدين اخر حاااااااجه


بس للهيتجوز بقا ههههههههههههههه

بجد تسلم ايدك

احساس طفلة محبة للرومانسية بس واقعية يقول...

نصائع تحمل الكثير من الحكمة

روعه بجد ومؤثره جدا

تسلم ايدك يا شاعر

شكرا ليك

تقبل مرورى

yoyo يقول...

صباحك سكر
بابا علاء ههههههههه

انا جوا عيونى هاشيله
وبعمرى و قلبى افديه
دا حياتى وكل ما ليافى الدنيا دى
يا بابا نصايحك هتكون هى طريقى
بيها هابنى وأسس أحلى وأجمل بيت
هننام ونصحى على حب فى حب
دى حياتنا هتبقى كلها حب فى حب

نصايح هايلة تسلم ايدك
واتمنى ان يقابلها نصائح للرجل

دمت بالف خير
تحياتى
يويو

الشاعر الحزين يقول...

Lady E

ليه يا ستى ولا خارقه ولا حاجه

دى حاجات بسيطه والله وصدقينى أنا متأكد ان أنتى أول واحده هتعملى النصايح كلها بالكامل بما فيها الغيره

بس انوى أنتى بس الاول وملكيش دعوه

نورتينى والله

الشاعر الحزين يقول...

إيمان روحى

حاضر يا ستى هعد بالراحه بس أنتى برده لازم تشدى حيلك شوفى أنا بعمل ازاى فى مدونتك

أنا قربت أخلص على الشيكولاته كلها

هههههههههههههههههه


والله كفايه بس ان أنتى بتنورينى يا قمر

الشاعر الحزين يقول...

موجه

عبقرى مره واحده ؟؟

دا كتير عليا قوى والله

ومتشكر قوى على الكلام الجميل ده مش عارف أقولك ايه صراحه

بس بقولك ايه أنا سمعتك بتجيبى سيرة الشيكولاته

وكمان قولتى انها عليك

أنا بقى بموت فى الشيكولاته ومقدرش أرفض الهديه

هى فين بقى ؟؟؟؟؟؟

أنا مستنيها

مستنيهااااااااااااا

الشاعر الحزين يقول...

Bant El7ag Dracula

قمر والله بالرغم من الدراكولا بس والله قمر

هههههههههههههههه

هتتجوزى متقلقيش دا أنتى بالذات لازم تتجوزى

ومش أى حد دا أنتى هتتجوزى واحد من أفلام الرعب بتاعتك عشان تعيشوا وسط الدماء براحتكوا
ههههههههههههههههه

نورتينى والله يا ندى

الشاعر الحزين يقول...

احساس طفلة محبة للرومانسية بس واقعية

ربنا يكرمك يارب ويبارك فيك

ويكفى انها حازت على اعجاب مبدعه زيك

بجد أنا فى قمة السعاده بزيارتك الغاليه دى

وبجد فعلا والله منوره المدونه كلها

الشاعر الحزين يقول...

yoyo

لالالالالالالالالالالالا

الموضوع كبير والله
أنا احساسى أبدا ميخيبش
أنتى لازم بتعيشى أحلى لحظات حياتك صح ؟

أكيد صح

عقبالى يارب

أصل مايكتبش الكلام الرقيق قوى ده اللا اللى عايش فيه

ربنا يسعدك كمان وكمان يا قمر

وبجد والله منوره المدونه دايما

zainab يقول...

أخى علاء

ايه النصايح الجميله دى بجد ماشاء الله عليك

بس كله كوم و موضوع الأكل ده كوم تانى

انت عارف انى مخطوبه و شايله هم الأكل ده ربنا يستر يارب

تحياتى

الشاعر الحزين يقول...

zainab

لالا متقلقيش ان شاء الله هتتعلمى هتبقى طباخه ماهره صدقينى كله بيجى واحده واحده

وربنا يتتم ليكى على خير يارب

ونورتى المدونه والله