الخميس، 4 يونيو، 2009

خايف ليه ؟؟؟

خايف ليه ؟؟؟؟؟؟؟؟؟؟؟؟







خايف ليه ترجع وتقول


إنك ظلمت القلب اللي حبك


ولإمتى هتفضل كده على طول


تظلم وتجرح ويقسى قلبك


دنا وعيوني وقلبي المشغول


كنا نتمنى بس قربك


لكن خنتني وإنت المسؤول


عن جرح قلبي اللي تألم من غدرك


بعتني وسبتني في طريق مجهول


لا قادر أرجع ولا قادر أنسى حبك


وهفضل كده ما هو مش معقول


ارجع واقولك كلمه بحبك


دي كلمه قلتها وهيفضل على طول


قلبي يندم إنه قالها لقلبك


يا قلبي إقسى وعذرك مقبول


ما دام اللي حَبك دمر حُبك


وخلي جراحه امطار وسيول


عشان يحس بمرارة جرحك


وإنسى وإتمنى إن همك يزول


وإحلم بالفرح ييجي يضمك


لا الحزن دايم ولا الليل بيطول


وهييجي يوم ويتولد فرحك


*********


كلمات الشاعر الحزين
علاء الدين

هناك 79 تعليقًا:

yoyo يقول...

صباحك سكر

دا من حظى ونصيبى بقى

أول تعليق
لـــــ
يويو

الشاعر الحزين يقول...

يظهر ان احنا هننافس بعض فى التعليق الأول

مبرووووووووووووك عليكى يا يويو

yoyo يقول...

ازاى يا قلبى تخاف وانت الحب ضمانك ؟!!
من ايه يا عمرى تخاف والكون كله أمانك ؟!
ازاى باسم الحب نجرح ونخون ؟!
هو الجرح بالسهل يكون ؟!

كلمة بحبك قولتها وحستها لقلب مش قدرها
اديتك حب و حنية ورديتهم ليا جرح وآسية
اصحى من وهمك وفوق دا انا مهما يكون مش ممكن هاحن فى ليك
انت فى ايدك اثر الجرح اللى السنين هتقدر يوم تداويه

yoyo يقول...

ومبروك عليك يا علاء

صباحك سكر يا حتة السكر

yoyo يقول...

عجبتى اوى كلماتك يا علاء
عجبنى تشجعيك لقلبك انه ممش يتكسر و يخاف
لا انه يقوى و يكون جواه أمل مش خوف

تسلم ويسلم احساسك الرقيق

دمت اخى بالف خير وصحة
تحياتى
يويو

الشاعر الحزين يقول...

yoyo

مش عارف أقولك ايه

بجد كلماتك هى اللى جملت كلماتى

ايه بس الجمال ده

مش بقولك أنا محظوظ

ربنا يخليكى يارب ودايما تنورينى كده وتشجعينى كده بكلامك الجميل ده


صباحك زى الفل يا ست الكل

ايوشة يقول...

وإنسى وإتمنى إن همك يزول



وإحلم بالفرح ييجي يضمك



لا الحزن دايم ولا الليل بيطول



وهييجي يوم ويتولد فرحك





تسلم ايديك جميلة جدا كلماتها ساعات باستغرب ان الناس بتفضل عايشة فى قصة حب انتهت بحرج معرفش ازاى يتعلق بانسان جرحه بس فكرة البوست ده مختلف
يعنى زى ما بيقولوا من باعك بيعه

ঔღঔ نـــوارة ঔღঔ يقول...

خايف ليه ترجع وتقول


إنك ظلمت القلب اللي حبك


ولإمتى هتفضل كده على طول


تظلم وتجرح ويقسى قلبك


دنا وعيوني وقلبي المشغول


كنا نتمنى بس قربك


لكن خنتني وإنت المسؤول


عن جرح قلبي اللي تألم من غدرك


بعتني وسبتني في طريق مجهول


لا قادر أرجع ولا قادر أنسى حبك


وهفضل كده ما هو مش معقول


ارجع واقولك كلمه بحبك


دي كلمه قلتها وهيفضل على طول


قلبي يندم إنه قالها لقلبك


يا قلبي إقسى وعذرك مقبول


ما دام اللي حَبك دمر حُبك


وخلي جراحه امطار وسيول


عشان يحس بمرارة جرحك


وإنسى وإتمنى إن همك يزول


وإحلم بالفرح ييجي يضمك


لا الحزن دايم ولا الليل بيطول


وهييجي يوم ويتولد فرحك


**********

باحييك على كلماتك الاكثر من رائعة عجبتني جدااااااااا

عند ما يتعانق الابداع والاحساس

يكون الكلام اروع

فانت قمة الروعه

وكلماتك لامست القلب بعذوبتها

وهذا لا ياتى من فراق

فانت كاتب مميز

وصاحب قلم حساس ينبع بالمشاعر وhلاحاسيس

تحياتي ليك

بـسـمـــة صـــــلاح يقول...

علاء متزعلش مني والله تعليقك عندي
هنشره
متزعلش
بأه كدا تزعل مني
والله بجد
انا ادايقت اوي
بجد سوري

بـسـمـــة صـــــلاح يقول...

بجد كلماتك قد ما هي روعه
بس حزينه
تلم ايدك حتى في العامي بتكتب ومش مخلي
هنق وهحسد
بس تبارك الله جميله اوي وعجبتني
وبيقولوا
اللي يبيعك برخيص بيعه بتراب

اوعى تكون ياعلاء زعلان
بس والله تعليقك لسا عندي
رد عليا ياعم

بـسـمـــة صـــــلاح يقول...

انا نشرته خلاص تعالى شوفه

حوراء المقـدسية Jerus Nymph يقول...

خايف ليه ترجع وتقول

إنك ظلمت القلب اللي حبك

ولإمتى هتفضل كده على طول

تظلم وتجرح ويقسى قلبك

دنا وعيوني وقلبي المشغول

كنا نتمنى بس قربك

لكن خنتني وإنت المسؤول

--------------------------

الله المستعان .....

بالتوفيق , يا من يعاتب الامكتوب

و بكلماته يدمي القلوب

الأمير يقول...

بسم الله ...

دا انت كده تتحسد بجد

ولا تكلف واغصاب للكلمات
خرجت محسوسه جداااا


عارف بقى ايه اللى عجبنى اوووووووووى
فى البوست ده ..؟؟

هو قلبك ... اللى صدقنى مش هينفذ تحريضك له انه يجرح ويقسى وبتقوله انه عذره مقبول

عارف مش هينفذ ليه ..؟؟

علشان انت بتقول الكلام ده من ورا قلبك ... لانك بتحب بجد
زى بالظبط الام اللى ممكن تدعى على ابنها .. مع ان قلبها بيقول العكس على طووول " احلى حاجه فيك انك بتفهمنى "

سعيد جدا بكلماتك واحساسك بكل حرف

علاء

تحياتى لك
والسلام عليك

الامير ..؛؛

ايمان روحي يقول...

السلام عليكم ورحمة الله وبركاته
علي فكرة يامستر
القائمه عندي مش مطلعه
انك نزلت بوست
عشان كده تاخرت
انا عرفت صدفه لمدخلت علي مدونة بسمه والله
------------
البوست بجد والله رائع
وتسلم اناملك
وبجد
احساسك رائع
وقوي
------
بجد
تحيــــاتي

فتاة ضائعة في زمن الأوهام والأحلام يقول...

دنا وعيوني وقلبي المشغول
كنا نتمنى بس قربك
لكن خنتني وإنت المسؤول
عن جرح قلبي اللي تألم من غدرك
بعتني وسبتني في طريق مجهول
لا قادر أرجع ولا قادر أنسى حبك

ايه الحلاوة دي امتعنا كمان كلمات اكثر من رائعه


وبعدين إنت مش بتسأل عني ليه ها ماشي ماشي اخلص بس امتحانات

مصعب صلاح يقول...

السلام عليكم

ازيك يا شاعر وحشني شعرك والله

كلماتك ممتازة فعلا وبتدل على احساسك الصادق

ربنا يكرمك ويوفقك وتصدر اول ديوان

تقبل مروري
ولو مش هتتقبله ابعته تاني اصل عاوزة

سلام

جوجو يقول...

السلام عليكم

كلماتك مؤثرة جدا وحزينة جدا

بس اللى يبيعك بيعه

البوست رقيق اوى

تحياتى

فراشة يقول...

بص بقى انا خلاص مش بلاقى كلام اقوله

كلماتك رقيقة جدا رغم الحزن

وإنسى وإتمنى إن همك يزول
وإحلم بالفرح ييجي يضمك
لا الحزن دايم ولا الليل بيطول
وهييجي يوم ويتولد فرحك

حلوة قوى الجزئية دى وخصوصا لا الحزن دايم ولا الليل بيطول

الله عليك سلم قلمك
وسلمت افكارك

(Joudy) يقول...

ليس من السهل أن تجرح بعد حب أخلصت له كان لك كنبتة زرعتها فى قلبك ورويتها بدمك استنزف كل قواك و كنت سعيد بذلك و فجأة تجد من أحببت بكل سهولة يأتى إليك حاملا فى يده خنجر ليقتلع تلك النبتة من قلبك تصارعه و أنت ضعيف تصرخ ولا تجد صوت ينظر إليك بعين تملأوها جمود المشاعر يمقك بنظرة أشبه بالاستخفاف بألمك وبعدما تستسلم قواك له ويغرس هذا الخنجر بداخلك ويقتلع تلك النبتة وتراه وهو يسير مبتعدا عنك ترتسم على وجهه علامات النصر بعدها تقف على قدمك لتبرهن لنفسك شئ أنه لن يؤثر هذا الشئ عليك تسير فى ضعف تقع ومن ثم تقف وتعود لسيرك تقع وتقف وهكذا حتى تستطيع أن تسير بدون وقوع حينها تبتسم قائلا لن أعود إلى عهد الهوى ولكن هذا ليس صحيح وأن الجرح قد دُوى هذا أيضا غير صحيح فإن هذا الجرح قد أخفاه الزمن بغباره ليرقد ساكنا هناك ولكنه يظهر حينما تحب آخر وتجد من نفسك القسوة تقابل حبه رغم أنك تحبه ولكنه ذلك الجرح الذى لطالما اعتقدت أن الزمن قد داواه و أقول لك أن الجرح هذا يبقى لمدة طويلة ولا يذهب إلا بشئ أغرب ما يكون أن تجد ممن أحببت التقدير لألمك ويعينك على نسيانه ففى تلك الحالة يتلاشى الألم شيئا فشيئا وربما ينتهى إلى الأبد

هقولك ايه جميل كالمتعاد بالنبرة الحزينة التى اعتدتها منك التى أرجوا أن ترحل

دمت بكل خير وسعادة

ريمان يقول...

لا حزن بيدوم


ولا فرح بيدووووووووم كمان


بس بجد الخاين مايستحقش ان حد يفكر فيه

ولا كمان يتكتب عنه لانه اقل من كده بكتير



جميله اوى تناسق الكلمات مع بعضها


والعنوان كمان ملفت اوى للنظر ويشوق اللى داخل يقرا البوست


تحياتى

احييك على ذوقك فى اختيار العنوان وفى كتابه الموضوع

شيماء جمال(شيمو القمر) يقول...

ايه يا حزين بجد كلامك حلو قوى خالص كله احساس حلو قوى
كله تحدى وكبرياء وحزن وألم وعلى قد ما فيه حب فيه قسوة

بس أنا لوبحب واتجرحت هتمنى لحبيبى ده يلاقى انسانة غيرى يحبها ويعيش سعيد
مبادئ بقى جنان قصدى

عامة أنت مبدع حقا
تحياتى لك
شيمو القمر

ماء تشرين يقول...

قلبي قل للحب يبعد عن طريقى
كل حب جديد ياويلو ياولو من حريقى

ولا اقولك

لا ياقلبي لا ده الخانك خان شباب الحب خانو وجار عليه

اهدى اليك تلك الكلمات

لاتندم على الاحساس ابدا

فقط من لا يشعر به هو من يستحق ان يندم

تقبل مرورى

بـسـمـــة صـــــلاح يقول...

يعني مش ناوي تحللني
دا انا هغيب شهر
افرض مت ولا حصلي حاجه
وتكون انت زعلان مني
هيحصلي ايه ساعتها
بجد انا اسفه والله نشرت تعليقك حتى تعالى شوفه بنفسك

سلام يا علاء دعواتك
):

طـــائر الليــــل الحـــــزين يقول...

فعلا ياريتنى انسان معدوم الاحساس
مش عارفة ليه
حتى لما ننجرح بنفضل فكرين
وده اللى بيكون تعبنا
الغلط فى ايه
اننا حبنا وحتى لما اجرحنا
فضلنا فاكرين ناس بأيدبهم جرحونا وخانوننا
والا المشكلة مشاعرنا الصادقة فى زمن كداب
تحيااااااااااتى
كلماتك انهاردة جميلة جداااا
لدرجة انى قريتاه اكتر من مرة

الشاعر الحزين يقول...

ايوشة

كلامك طبعا مظبوط

ومتشكر جدا جدا على الزياره الغاليه

منورانى

الشاعر الحزين يقول...

ঔღঔ نـــوارة ঔღঔ

حماتى العزيزه

نفسى قوى أدخل مدونتك هتجنن وأدخل مدونتك والله

بس مش راضيه تفتح معايا مش عارف لييييييييييييييييييه ؟؟

بس طبعا نورك عليا والله مغرقنى

ومش عارف أقولك ايه

ربنا يكرمك يا رب ويخليك

وطبعا طبعا منورانى

حارة سد يقول...

أكاد أجزم أنني لا أستطيع تذوق شعرا او سردا باللغة العامية..والعيب في انا لا فيك...لكن يروق لي الفصيح أكثر

الا أنني تلمس ابداعا في قولك..واعذرني على رايي بخصوص اللغة

الحارة سد

الشاعر الحزين يقول...

بـسـمـــة صـــــلاح

على فكره انتى السبب فى انى أتأخر فى ردى على التعليقات

يعنى الساعه دلوقتى 4 \ 40 دقيقه

بجد والله كنت زعلان جدا بس خلاص
مسامحك بس أوعى تعمليها تانى

أصلى بجد زى مابفرح قوى بتعليقك عندى
بفرح كمان لما أشوف تعليقى عندك

وميرسى جدا على كلامك الرقيق ده

وربنا يخليكى يارب

وطبعا منورانى

الشاعر الحزين يقول...

حوراء المقـدسية Jerus Nymph

تعليقك الوحيد الذى أقف أمامه صامتا بدون كلام

وحقا أكون عاجز عن الرد عليه

أشكرك جدا وزيارتك دائما مميزه

الشاعر الحزين يقول...

الأمير الغالى

أحلى حاجه فيك انك بتفهمنى

اه والله يا أمير فاهمنى قوى

مش عارف أقولك ايه

بس يكفى بس انك دخلت جوايا

ربنا يكرمك يارب ويبارك فيك

الشاعر الحزين يقول...

ايمان روحي

لالالا دى بقه حجه عشان تبررى موقفك عشان التأخير

بس أنا برده مصدقك

وكفايه بس والله نورك للمدونه ده لوحده غالى عليا قوى

ربنا يخليك يارب

وطبعا منورانى

الشاعر الحزين يقول...

فتاة ضائعة في زمن الأوهام والأحلام


أنا مش بسأل عليكى لأنى عارف والله ان انتى عندك امتحانات يعنى مش عايز أعطلك عن امتحاناتك وعن مذاكرتك

الحق عليا ؟؟

بس طبعا مش ناسيكى والله وبدعيلك دايما ربنا يوفقك يا رب

وبجد والله منورانى دااااااااااايما

الشاعر الحزين يقول...

مصعب صلاح
عليكم السلام


ربنا يخليك يا مصعب يااااااارب
وميرسى جدا على كلامك الجميل

وبعدين متقبلهاش ازاى يعنى ؟؟

دى غاليه جدا جدا عليا

منورنى والله

الشاعر الحزين يقول...

جوجو

عليكم السلام


ربنا يكرمك يارب ومتشكر جدا على الكلام الرقيق ده

وطبعا منورانى دايما

الشاعر الحزين يقول...

فراشة

بجد ربنا يخليك يارب

ده من بعض ما عندكم والله

وأنا بكون فرحان وسعيد جدا جدا لما كلماتى بتعجبك والله بحس انى انسان ناجح وبكتب حاجه ليها قيمه

ربنا يخليكى يارب

وتنورينى دايما

الشاعر الحزين يقول...

(Joudy)

أقولك ايه بس ؟؟

والله كلامك دايما هو اللى بيزيد كلماتى جمال

والله العظيم أحلى من كلماتى
داأنا بجد والله بستمتع وأنا بقرأ تعليقك عندى

بجد مش عارف أشكرك ازاى

ربنا يكرمك يارب

ودايما تغذى مدونتى بكلماتك الغاليه

الشاعر الحزين يقول...

ريمان

مش عارف يا ريمان ليه حسيت ان العنوان شدك انك تقرأى البوست

ولما قرأتى البوست حسيتى انه مش على قد قيمه العنوان

ده مجرد احساس على فكره

بس الأهم من كل ده هى زيارتك الغاليه طبعا

وطبعا بتنورينى دايما

الشاعر الحزين يقول...

شيماء جمال(شيمو القمر)

ربنا يكرمك يارب

بس على فكره دى لا مبادئ ولا جنان

دى طيبة قلب زايده قوى

بجد انتى قلبك طيب قوى عشان كده قولتى كده

وبجد منورانى دايما وبسعد بتعليقك عندى

الشاعر الحزين يقول...

ماء تشرين

حاضر من عنيا

وهسمع الكلام

ما انا لازم أسمع الكلام غصب عنى

والله منورانى

الشاعر الحزين يقول...

بـسـمـــة صـــــلاح

بعد الشر عنك يا جميله

أوعى تقولى كده تانى بجد المره دى بقى أزعل ومش أكلمك تانى أبدا

أوعى تقولى كده تانى أبدااا ماشى ؟؟؟؟

وبعدين يا ستى خلاص أنا والله مش زعلان خلاص

وبدعيلك دايما والله ربنا معاكى ويوفقك يارب

الشاعر الحزين يقول...

طـــائر الليــــل الحـــــزين

أنا والله بكون سعيد قوى قوى قوى لما كلماتى بتعجبك لأنك بجد مميزه جدا فى الكتابه وعشان كده بهتم برأيك جدا

ربنا يكرمك يارب ودايما ترفعى من روحى المعنويه

ودايما تنورينى طبعا

الشاعر الحزين يقول...

حارة سد

أولا حمدا لله على السلامه

ثانيا طبعا بالعكس أنا معاك وأنا كمان بحب اللغه الفصحى أكثر

لكن أحيانا لازم أتجه للعاميه غصب عنى

وطبعا بحترم رأيك جدا جدا

وبجد نورتنى

ساره يقول...

علاء الدين

عارفه اني تأخرت عليك
اسفه سامحني
بجد كانت نفسيتي تعبانه
ومش حابه اعلق عند حد
بس انا كنت ازورك كل يوم
لكن مش قادره اعلق

اليوم انا احسن
يوم جديد
وان شاء الله يوم سعيد

واقولك ان قصديك
كل مره اقرائها
اكتشفها من جديد
جميل ومبدع يا علاء

استمر والله يوفقك

اعقل مجنونه يقول...

جميله اوى مدونتك
وجميل اوى البوست
اكيد مش اخر زياره ليه

فراشة يقول...

على فكرة انت كلامك ده بيخلينى اكون محرجة جدا بتحسسنى انك بتتعلم منى يا علاء انا لسه على قدى والله

ده انا لما بنقرا اللى انت بتكتبه بحس انى خيالى بيتعلم من افكارك

والله مش مجاملات بس مش عارفة اقول ايه

قد ايه مبسوطة جدا ان رأيى دايما بيهمك وبيكون له تأثير كويس
ده الواحد بقه حاجه مهمه ومش حاسه
ههههههه
ربنا يخليك يا علاء ودايما مبدع ودايما تجبر بخاطرى وترفع معنوياتى

بـسـمـــة صـــــلاح يقول...

بجد خلاص مش زعلان
الحمد لله
دا انا والله كنت مهمومه ومدايقه ع الاخر وانا والله بفرح بتعليقك جدا
وبعدين لو كنت مسحته كنت قلنا ماشي تزعل بس انا كنت محتفظه بيه في التعليقات
يعني ممسحتهوش ونشرته والله
واسفه تاني وتالت
ويارب مايحصل زعل ابدا

ربنا يسعدك يارب ياعلاء
ويكرمك

ادعيلي عندي امتحان بكره قراءات
وخايفه جدا
امتحان شفوي بأه
وهقرا بقراءة القراء السبعه

تقبل مروري
تحياتي ليك

بـسـمـــة صـــــلاح يقول...

اه صحيح ازاي خليتك تتأخر في الرد على التليقات؟؟؟؟

kimo يقول...

ان سألوك الناس عن ضي جو عيونك
مبيلمعش
مدمعش ولا تبكيش
قولهم العيب مش فيا العيب فى الضي
وان مفضلش معاك غير قلبك
مش حتموت
......
حتعيش

الشاعر الحزين يقول...

ساره

ساره الغاليه

أتمنى تكونى نفسيا مرتاحه فى الوقت الحالى يا رب

ومتشكر جدا جدا على كلامك الرقيق طبعا

وأتمنى ليكى تكونى ارتحتى ومفيش حاجه تزعلك أبدا

نورتينى طبعا

الشاعر الحزين يقول...

اعقل مجنونه

طبعا بشكرك جدا على الزياره الأولى

وأتمنى انها فعلا مش تكون الأخيره

وأنا زورت مدونتك وعجبتنى جدا على فكره

وسعيد جدا ان مدونتى المتواضعه جدا عجبتك

الشاعر الحزين يقول...

فراشة

يظهر ان أنتى مش عارفه قيمة نفسك كويس

عموما مش هقولك غير حاجه واحده بس

ارجعى لمدونتك واقرأى تانى كتاباتك بس اقرأيها بعين القارئ مش بعين الكاتب

وصدقينى هتلاقى ان كلمة مبدعه قليله عليكى

اسمعى انتى كلامى بس وانتى تعرفى قيمة نفسك

ومش عارف أقولك ايه والله على النور الكبيييييييييييير قوى اللى انتى بتورينى بيه فى المدونه

بجد متشكر كبيييييييييييييره جداااااااااااااا

الشاعر الحزين يقول...

بـسـمـــة صـــــلاح

بسومه النعمومه الأموره

والله خلاص مش زعلان

بس أنا محبكيش تتأسفى كده كتير
وبعدين مش أى حد كده تتأسفى ليه

لازم الحد ده يكون يستاهل الأسف بتاعك ماشى ؟؟

اللى أخرنى عن الرد على التعليقات يا ستى

انى كنت متضايق جدا بسبب عدم نشر تعليقى عندك وأنا لما أكون متضايق مش بفتح المدونه ومش برد على حد وأنا متضايق

خلاص بقى صافى يا لبن

وطبعا طبعا طبعا منورانى

الشاعر الحزين يقول...

kimo

متشكر جدا على الاضافه الجميله


ونورتنى طبعا

عاشقه الرومانسيه يقول...

دي كلمه قلتها وهيفضل على طول
قلبي يندم إنه قالها لقلبك
يا قلبي إقسى وعذرك مقبول
ما دام اللي حَبك دمر حُبك
وخلي جراحه امطار وسيول
عشان يحس بمرارة جرحك
*****************************
جميييييل من اروع مايكون
فعلا عجبتنى ولمستنى قوى الكلمات دى

باعتذر بشده على تقصيرى
عارفه انى وحشه قوى مع ناس كويسين قوى
لكن ظروف والله غصب عنى
سماح بقى؟

الشاعر الحزين يقول...

عاشقه الرومانسيه

أخيرااااااااااا نورتينى ونورتى مدونتى

يااااااااااااه دا انهارده عيد بجد

خلالالالالالالاص يا ستى سماح وعذرك مقبول طبعا

وبجد بجد بجد والله نورتينى جدا

بقايا إنسانه .... يقول...

لاسف مش اول تعليق

بس المرة الجاية هاجى بدرى عن كده

بجد يا علاء اعذرنى انى بتأخر فى تعليقى

وده والله لظروف نفسية صعبة يادوب بكتب كلمتين فى المدونة

بس انا سعيده بالبوست ده
ورائع حقا

ودمت بسعادة

سهوره

الشاعر الحزين يقول...

بقايا إنسانه ....
سهوووووووووووره

دا أنا قولت ان أنتى نسيتينا ولا حاجه

عموما أنا مش زعلان لأنى عارف ان أكيد فيه حاجه شغلاكى

بس يارب تكون الظروف النفسيه خلاص انتهت

وان شاء الله تزورينى تانى وتكونى أول تعليق

بجد نورتينى

ابو المفاصل الواصل يقول...

نحن والحق
نحن قوم تخللى عن الحق طواعيةلا بياخده ولا يحب يديه/
ونعادى من يطـــلبه ونعادى اى مكان اتوجد على اراضــيه/
نتكلم عنه كثيرا ولكن لا ندركه ولا نفهم معانيه/
ولنا فيـــــه فهم خاص لا حق الا ما نقــبله وما نرتضيـــــــه/
فالحق نبت صغير يحتاج لمن يعتنى بيه ويرويه/
والتدريب عليه من الصغرلاعطائه لاصحابه والاعتراف بـــيه/
وجعله ثقـــــافة بدل الحماقة التى تستطيع جر اضخم عربيــــه/
وتحطم فى طريقها كل من ينادى بارجاع الحق لاهاليــــــــــه/
=============
ناجح يوسف فهمى

عمرو وجيه يقول...

جميل يا علاء

بس ليه حزين

دي كلماتك مليئة

بالحزن والمعاناة


أول زيارة ليك و

مش الأخيرة ان شاء الله

aidy يقول...

كلماتك بجد اكتر من رائعة

عجبنى اوى معناها

هو جايز حب من طرف تالت بس حب صادق بجد

عجبنى المعنى العام ليه

تحياتى على موضوعك الجميل ده

الشاعر الحزين يقول...

عمرو وجيه

أسعدنى مرورك جدا

وأتمنى فعلا مش تكون الأخيره

ومتشكر جدا على التعليق الرقيق

منورنى

الشاعر الحزين يقول...

aidy

ربنا يخليكى يا نهاد يارب

ومتشكر جدا على الكلام الجميل ده

بس على فكره

دى تعليقات البوست القديم

اصل التعليقات عندى فوق البوست مش تحته
خلى بالك المره الجايه

نورتينى جدا

بقايا إنسانه .... يقول...

kjhjgh

حلـم،، يقول...

اجيت اطمن عليك يابني واشوف علاء عامل في جديدو ااية تقدم ايها الشاعر الجميل

الشاعر الحزين يقول...

بقايا إنسانه ....

إمتى الترجمه هتنزل ؟؟

لما تنزل قوليلى
بس كفايه نورك والله

الشاعر الحزين يقول...

حلـم،،

متشكر جدا جدا على سؤالك

ربنا يكرمك يا رب

بجد نورتنى

الفراشة الصغيرة يقول...

اكيد ان شاء الله

هيجى يوم ويتولد فرحك

الشاعر الحزين يقول...

الفراشة الصغيرة

قولى يا رب يا دكتوره

نورتينى والله يا دكتوره بعد طول غياب

هيثــم رمضـــان يقول...

حب وشجن شوق وألم كلمات جميلة مؤثرة مليانه احاسيس ومشاعر فيها حب وفيها عذاب وكمان موسيقي جميلة بين الابيات وحوار أكثر من رائع بينك وبين القمر عجبني جداً جداً. تسلم إيدك

تقبل تحياتي

7annen يقول...

بصراحه كلماتك رائع وان عبرت على شئ فهى بتعبر عن احساسك الجميل الرائع بجد تسلم ايدك والبلوج كله احساس

حنين

جارة القمر يقول...

للحب لغات كثيرة قد نفهمها وقد نخطئ

علاء

لعل القدر لم يحالفك في الحظ

ولكن بأن الغد دوما ملئ بالأمل

لا تعلم قد يأتيك حب يعوضك عن اخر

وقد تتعالج المشاكل وتعودو كما كنتو واكثر

فقط اعطي لقلبك فرصة

...

علاء انا بسعد جدا بتواجدك عندي

وافرح كثيرا بتعليقاتك

اتمني ان تتواجد دائما هناك

انت فاهم غلط

انت عمرك ماكنت سبب لمشكلة الموضوع مختلف


احترامي

الشاعر الحزين يقول...

هيثــم رمضـــان

طبعا متشكر جدا جدا على زيارتك الغاليه
وأتمنى مش تكون الأخيره

ولك منى كل التقدير

الشاعر الحزين يقول...

7annen

متشكر جدا جدا على التعليق الجميل

ومتشكر أكثر على الزياره الغاليه والأولى وأتمنى فعلا مش تكون الأخير

وسعيد جدا ان المدونه عجبتك

لكى منى كل التقدير

الشاعر الحزين يقول...

جارة القمر

أولا بشكرك جدا جدا على زيارتك الغاليه جدا جدا جدا وعلى تعليقك الجميل

ثانيا أنا والله وأنا بكتب التعليق عندك كنت بتمنى وبدعى ربنا انى أكون فاهم غلط والحمد لله

وبجد سعيد جدا بكلامك ده ومتشكر جدا عليه

لكى منى كل الاحترام والتقدير

جارة القمر يقول...

جارة القمر كانت هنا ....

7annen يقول...

ايه دا انت بتشوقنا لبوستاتك ولا ايه غايب عن البلوج ليه فى انتظار القادم

حنين

7annen يقول...

ايه دا انت بتشوقنا لبوستاتك ولا ايه غايب عن البلوج ليه فى انتظار القادم

حنين

miroooo يقول...

السلام عليكم احب اعرفك بنفسى انا ميرو صديقه جديده وقريت تعليقك عطتنى احساس بالامل مع انك حزين بس نفسى اعرف انت حزين ليه؟؟؟؟؟؟؟؟؟؟؟؟؟ ابتسم للحياه مافيش حاجه تستاهل خلاص اكيد هنراسل بعض وياريت تقبل نصيحتى سلالالالالالالام0

شجن الروح يقول...

دائما لنثرك رونق يجبر من يتصفحه ان يصفق لك من روعته