الجمعة، 25 سبتمبر 2009

عوده + اعتذار + مناسبه

بسم الله الرحمن الرحيم
0
الحمد لله الذى هدانا لهذا وما كنا لنهتدى لولا أن هدانا
0
لأول مره هتكلم بالعاميه على مدونتى
0
وده لأنى حاسس انى عايز أوصل رسالتى دى
0
لكل أصحابى وأهلى فى عالم التدوين
0
عايز أوصلها من قلبى بلغه سلسه بسيطه تدخل القلب علطول
0
لأنها فعلا خارجه من صميم قلبى
0
أولا هو الإعتذار بعتذر جدا لكل أصدقائى الغاليين جدا
0
على انقطاعى المفاجئ وبدون سابق انذار
0
بس ده لأنى كنت مفكر إنى كان ممكن ألاقى وقت فى رمضان
0
أدخل فيه ع النت لكن اكتشفت ان فى رمضان مفيش وقت حتى أفتح الجهاز
0
عموما أنا كنت ناوى أرجع فى العيد عشان أقول كل سنه وأنتوا جميعا بخير
0
لكن اكتشفت ان بعد العيد فيه مناسبه تانيه فانتظرت أضمهم على بعض
0
المناسبه التانيه أنا مش عارف ان كانت سعيده ولا لأ لكن هى
0
عيد ميلادى انهارده يعنى البقاء له فى السنه اللى عدت
0
بحلوها ومرها بخيرها وشرها ويارب أكون كسبت منها أكتر ما خسرت
0
معلهش أنا عارف انى طولت فى الرغى شويه لكن كان لازم أعتذر
0
وكان لازم أقول كل سنه وأنتم جميعا بخير وسعاده يارب
0
إن شاء الله البوست الجديد قريبا جدا
0
دمتم أحبتى فى رعاية الله
0
والسلام عليكم ورحمة الله وبركاته
0

هناك 80 تعليقًا:

(Joudy) يقول...

هعلق الأول وأسيب بصمتى وبعدين أقرأ وأرجع على طول

(Joudy) يقول...
أزال المؤلف هذا التعليق.
(Joudy) يقول...

وطلع عيد ميلاك النهاردة كمان لا بجد انا أول حد يقولك كل سنة وانت طيب مش معقولة دى معجزة وكمان مش متأخرة لا دى معجزة أكبر كل سنة وانت طيب ويارب الجاى يكون أحلى من اللى راح ويارب تبقى سعادة وهنا وراحة بال ورضا وربنا يرضى عليك

مش عارفة مبسوطة علشانك ومش لاقية كلام أقوله

دمت بكل الخير والسعادة

الشاعر الحزين يقول...

جودى


أحلى كل سنه وأنت طيب على الصبح كده على غير ريق

ربنا يكرمك ياجودى يارب

وأنتى طيبه يارب وبكل خير وسعاده وهنا

والله فرحان قوى قوى بزيارتك دى وفرحان أكتر بإنك أول تعليق

بجد والله نورتينى بعد طول غياب

دمتى بكل الخير يارب

ساره يقول...

عـــــــــــــــــلاء
الحمدلله على السلامه اولا
ثانيا كل سنه وانت طيب بمناسبه العيد وبمناسبه يوم ميلادك

على فكره انا مواليد 25 سبتمبر :)
وعدت سنه من عمرنا يا علاء ويارب السنه الجايه تكون سنه خير علينا كلنا

جوجو يقول...

السلام عليكم

كل سنة وانت طيب وبخير دايما

حمدلله على سلامتك نورت البلوج بتاعك

تحياتى

fL0weR-giRL يقول...

هلا وغلا فيك وبعودتك

حمدالله ب السلامه يالي راجع من رمضان هههههههه


وكل سنه وانت طيوب

وعيد ميلاد سعيد جدا وان شاء الله تكون سنه سعيده عليك

** تقبل مروري **


^_^

بنت الأسلام يقول...

عودا أحمدا
وكل اعام وانت إلى الله اقرب وعلى طاعة أدوم
بنت الأسلام حاليا وهمسه سابقا

نهر الحب يقول...

السلام عليكم ورحمة الله وبركاته
حمد الله على السلامة,بجد قلقت عليك,الحمد لله انك بخير.طمنى دايما عليك.
وكل عام وكل عيد وانت بخير وسعادة وهنا وحب وفرح يارب.


ولى عودة قريبة ان شاء الله.


خالص تحياتى

نهر الحب

ريمان يقول...

السلام عليكم

يااااااااااه

طولت الغيبه

حمد الله ع السلامه

وكل سنه وانت طيب وعقابل ميت سنه



منتظرينك ومنتظرين مواضيعك

غير معرف يقول...

كل سنه وانت طيب ياعلاء

عقبال مليون سنه يا جميل

حنين

Pink Dreams يقول...

المه انك رجعت للتدوين تانى

احنا قلقنا بس عليك

ونورت اخواتك مره تانيه

وكل سنه وانت طيب

وعقبال 100 سنه يا رب

ويا رب تكون سنه سعيده عليك

تحياتى

عاشقه الرومانسيه يقول...

كل سنه وانت طيب ياعلاء
حمد الله على السلامه
قلقتنا عليك ياراجل
مش تغيب تانى بقى هه
اتمنى لك سعاده ابديه

ماء تشرين يقول...

كل سنه وانت طيب ياعلاء فين يابنى التورت والجاتو ياعنى في عيد ميلاد اوديحي كده ماشي ياله

عموما كل سنه وانت طيب يارب وعقبال مليوووووون سنه كده ومتغبش تانى

الشاعر الحزين يقول...

ساره الغاليه

يادى النور يادى النور

دا المفروض أنا بقى اللى أقولك كل سنه وأنتى طيبه بس متأخر شويه

يارب يارب تكون سنه خير عليك وعلينا يا ساره بجد كل سنه وأنتى طيبه

وطبعا منورانى جدااااااااااا

دمتى بالخير

الشاعر الحزين يقول...

جوجو

عليكم السلام ورحمة الله وبركاته

وأنتى طيبه يارب ربنا يكرمك

البلوج منور بيك

نورتينى جدا

دمتى بالخير

الشاعر الحزين يقول...

fL0weR-giRL

يا أهلا بيك ربنا يخليك ويبارك فيك

ايه بس الزياره الجميله دى

الله يسلمك يارب وأنتى طيبه

نورتينى جداااااا والله

دمتى بالخير دوما

الشاعر الحزين يقول...

بنت الأسلام حاليا وهمسه سابقا

ربنا يخليك يارب وأنتى طيبه

ويارب يتقبل منا ومنك صالح الأعمال

طبعا منورانى جدا

دمتى بالخير

الشاعر الحزين يقول...

نهر الحب

عليكم السلام ورحمة الله وبركاته

ربنا يكرمك يارب ايه بس كل الكلام الحميل ده

بجد يكفى مرورك الغالى ده

متشكر جدا على التعليق الجميل ده

ونورتينى جدا ودمتى بالخير

الشاعر الحزين يقول...

ريمان

عليكم السلام ورحمة الله وبركاته

معلهش يا ريمان أنتى عارفه بقى رمضان والوقت فيه بيكون ضيق جدا

الله يسلمك يارب وأنتى طيبه

ربنا يكرمك يارب


ان شاء الله قريب قوى موضوع جديد

نورتينى جدا طبعا

دمتى بالخير

الشاعر الحزين يقول...

7annen

وأنتى طيبه يا جميله

ايه بس النور ده

نورتينى جدا والله يا حنين

دمتى بالخير

الشاعر الحزين يقول...

Pink Dreams

ربنا يبارك فيك يارب

معلهش انا عارف انى اتأخرت كتير بس كان غصب عنى والله

وطبعا عالم التدوين ده هو مكان راحتى والمكان اللى بلاقى فيه نفسى بيكوا ومعاكوا

نورتينى جدا بتعليقك الجميل ده بجد

دمتى بالخير يارب

الشاعر الحزين يقول...

عاشقه الرومانسيه

وأنتى طيبه يا دودو ربنا يخليك يارب

بس سعاده أبديه ؟؟؟؟

كتير قوى يا دودو ربنا يبارك فيك يارب

وان شاء الله مفيش غياب تانى

نورتينى جدا

دمتى بالخير

حـــلـــم كـــان يقول...

كل سنه وانت طيب ياشاعر

ويارب تكون السنادى احسن من السنه اللى فاتت

وتحقق كل حاجه انت عايزه

وكل سنه وانت طيب بمناسبه العيد كمان
وعارفه انك خلعت من العيديه
يلا بقا تنزل المردى

معتش تطول الغيبه تانى

الشاعر الحزين يقول...

ماء تشرين

وأنتى طيبه ربنا يخليك

بس تورتات وجاتوهات وبعدين ملاقيش هدايا يبقى مش هينفع

هات وخد

أيون لكن أجيب التورته وتاكلوا كده وتتبسطوا وبعد كده محدش يجيبلى هديه

يبقى نخليه أورديحى أحسن ولا ايه رأيك ؟؟؟؟؟؟

نورتينى والله بتعليقك الجميل ده

دمتى بالخير دوما

الشاعر الحزين يقول...

حـــلـــم كــــان

وأنتى طيبه وسعيده يارب ربنا يخليك

وعديتك فى الحفظ والصون متقلقيش

العيد الكبير لسه فاضل عليه حاجه بسيطه ان شاء الله نجمع العيديتين على بعض

نورتينى والله وسعيد جدا جدا بزيارتك الجميله دى

دمتى بالخير

طـائر الليــل الحـزين يقول...

كل سنة وانت بكل خير يارب دايما
ويارب السنة دى تكون احلى وتحقق كل اللى بتتمناه
وصدقنى مش انت بس اللى انقطعت بدون اسبق انذار
تحيااااااااااتى

>>> يقول...

عودة محمودة

وكل سنة وانت طيب

أتمنى ماتطولش الغياب مرة تانية

لأن قلمك بيوحشنا

تحياتي ياغالي

ايمان روحي يقول...

السلام عليكم ورحمة الله وبركاته

وحضرك بخير وسلامه يامستر

انشاء الله تكون احسن من الاول



وكل سنه وحضرتك طيب

وعمر مبارك باذن الرحمن

تحيــــــــــاتي

رحلتنا في الحياة يقول...

حمدلله على السلامة وكل سنة وانت طيب ومعلش هى متاخرة بس لسه شايفة البوست حالا

طوبه فضه وطوبه دهب يقول...

kol sana wanta yarab fa7san sa7a watam 7al walf 7amdllah 3la el salama ya rab daymn mnor el tadwen

حياه بلا عنوان يقول...

السلام عليكم ورحمه الله وبركاته
اهلا بالعوده وكمان العوده فيها منسبه جميله وهو عيد ميلادك
لالا كل سنه وانت طيب عقبال مليونين سنه ياربويارب السنه الجايه تحقق كل اللى بتحلم بيه يارب
تحياتى

حفيدة البنا يقول...

السلام عليكم:
سعدت بعودتكم
حمدا لله على سلامتكم
وكل سنه وحضرتك طيب وبخير
وعام جديد ملىء بالسعاده وليس الحزن
وتقبل الله منا ومنكم رمضان
ننتظر جديدكم
تحياااتى

منــار فايد يقول...

علاء بمناسبه كل المناسبات السعيده
كل سنه وانت بخير
وعذرك معاك
وماعلكشي ملامه
اهم حاجه تكون بخير

فراشة يقول...

اولا انا عايزة اقولك انى من يومين دخلت عشان اقولك كل سنه وانت طيب بس والله الجهاز راح مندل وقفل خالص
معلش بقه دلوقتى حقولهالك متأخرة
ثانيا ازاى بتقول ان عيد ميلاك خبر يا اما حلو يا لأ
طبعا ده خبر جميل وعقبال 100 سنه
ولا شويه عايز اكتر
هههههههه
ثالثا بقى انا بخير الحمد لله وانشاء الله حكون متابعة كل جميل حتتكتبه بس رجوعى لسه شويه معلش مش عايزة ارجع دلوقتى
بس بجد يكفينى سؤالكم كلكم عنى مهما قلت ده بالنسبة لى ايه مش حقدر اعبر
رابعا بقى القصيدة التحفة اللى تجنن اللى كتبتها عندى دى عايزالها مدونة لوحدها
ربنا يكرمك يا علاء دى بقى فاقت كل اللى قبلها
كل سنه وانت طيب

نبض الحياة يقول...

وكل عام وانت بألف خير
وكل عام وانت الى الله اقرب وعلى طاعته ادوم وعن المعاصى ابعد .
ويارب دايما يجنبنا المعاصى والذنوب .
انا سعيدة لعودتك .
دمت اخى بخير .

غير معرف يقول...

ولا يهمك يا شاعرنا :)
المهم انك رجعت بألف خير ..

كل سنه وانت طيب
وياااارب السنه الجايه تكون الي واجمل من اي سنه عدت قبلها ..


تحياتي

aidy يقول...

حمد الله على سلامتك أولا

ثانيا بقى كل سنة وانت طيب وعقبال مليووووووووووون سنة

ويارب يكون العام جديد خير عليك وتحقق فيه كل احلامك

منتظرين البوست الجديد

ليس فقيرا من يحب يقول...

يلهوووووووووووووووى

دا انا اتاخرت خالص

ليس فقيرا من يحب يقول...

بس ملحوقه حطيت ريدر وهاسترفبلك

بعد كده

هههههههههههههههه بما انى عيدت عليك قبل كده

فكل سنه وانت طيب بمناسبه عيد ميلادك

واكيد يعنى هو يوم سعيد

عقبال 85 سنه وكفايه كده هههههههه

والف حمد الله على السلامه

miroooo يقول...

كل سنه وانت طيب يا اجمل شاعر فى الدنيا مع انها جت متاخره اوى بس معلش اعذرنى وحمد الله على سلامتك مستنين بوستاتك الجميله وماتنساش تزورنى سلام

الشاعر الحزين يقول...

طـــائر الليــــل الحـــــزين


وأنتى بكل خير يارب وسعاده

ربنا يكرمك

بس أتمنى بجد بجد ترجعى بسرعه والله قلمك ى منتهى الجمال ومن المدونات اللى بنتظر جديدها دايما عشان أستمتع معاها وبيها

دمتى بالخير

الشاعر الحزين يقول...

بَرَاء

وأنت بالصحه والسلامه

متشكر جدا ع الزياره

دمت أخى فى حفظ الله

الشاعر الحزين يقول...

ايمان روحي

عليكم السلام ورحمة الله وبركاته

وأخيرا شوفت ايمى منوره مدمنتى من تانى

بجد أنا سعيد جدا والله بتعليقك ده

وأنتى طيبه يارب وبكل صحه وسلامه وحب وسعاده

طبعا نورتينى جداااااااااااااااا

دمتى بالخير

الشاعر الحزين يقول...

آيوشة

وأنتى بكل سحه وسلامه يارب

مش مهم متأخره المهم انها وصلت ويكفينى شرفا ان عملاقه من عمالقه التدوين بتضع بصمتها فى مدونتى

بجد أنتى عملاقه من عمالقه التدوين وبتشرف جدا بزيارتك

دمتى بالخير

الشاعر الحزين يقول...

طوبه فضه وطوبه دهب

وأنتى يارب بكل خير وسعاده دايما يارب

ربنا يخليك بجد زيارتك بتسعدنى جدا


بجد متشكر جدا على التعليق الجميل ده

ويارب دايما تنورينى


دمتى بالخير

الشاعر الحزين يقول...

حياه بلا عنوان

عليكم السلام ورحمة الله وبركاته


وأنتى طيبه يارب وبكل خير وسعاده دايما

ربنا يكرمك يارب

نورتينى والله

دمتى بالخير

الشاعر الحزين يقول...

حفيدة البنا

عليكم السلام ورحمة الله وبركاته

ربنا يبارك فيك ويكرمك ويتقبل منك يارب

أنا اللى بكون سعيد لما أكون فى وسط أخواتى وأصدقائى وأحبائى فى عالم التدوين

متشكر جدااااااااا

دمتى بالخير

الشاعر الحزين يقول...

شباك موارب/منار


بمناسبة كل المناسبات السعيده ؟؟

حلوه والله

بس تعرفى ايه أسعد مناسبه فيهم ؟؟

هو وجودكم لأنكوا انتوا اللى بتدونى الدافع انى أرجع وأكون معاكم

وكل سنه وأنتى يارب بكل خير وسعاده

دمتى بكل الخير

الشاعر الحزين يقول...

فراشة

أنا اللى عايز أقولك متعرفيش قد ايه حسيت براحه نفسيه كبيره قوى لما شوفت تعليقك ده

أيوه كد يا دكتوره طمنينى عليك

أنتى مش عارفه وجودك وجودك بيسعدنا قد ايه

بس ياريت بقى ترجعى بسرعه بجد وحشنا قوى قلمك الرااااااااااااااائع

وبعدين أنتى كده خلفتى مواعيد الدروس انتى ناسيه انى تلميذك وبنتظر الدرس دايما ؟

وبعدين أنتى خليتى الكلمه البسيطه جدا اللى كتبتها عندك قصيده ؟؟

خليتيها قصيده مره واحده ؟؟

ربنا يخليك يارب دا أنا والله نفسى أكتب قصيده بجد عنك وأنزلها فى المدونه بس خايف تكون قليله عليك لأنى فعلا مش هقدر أكتب اللى يليق بيك

فراشه

أنا فى غاية السعاده برجوعك

دمتى بكل الخير والسعاده

الشاعر الحزين يقول...

نبض الحياة


وأنتى بكل خير يارب وسعاده

ربنا يكرمك يارب

متشكر جدا على الدعاء الجميل قوى ده

ويارب يتقبل منا ومنك

دمتى بكل الخير

الشاعر الحزين يقول...

hager za3bal

وأنتى بكل خير وسعاده دايما يارب

ويارب يتقبل منك يارب


متشكر قوى يا هاجر على الزياره الجميله دى

بس أتمنى ان أنتى كمان متغيبيش علينا

لأن قلمك فعلا رااااااااااااائع لأبعد الحدود

نورتينى جدا ودمتى بالخير يارب

الشاعر الحزين يقول...

aidy

الأميره نهاد عندنا ؟ يامرحبا يامرحبا


وأنتى طيبه يارب وبكل خير وسعاده

وربنا يتقبل منك يارب


نورتينى والله


دمتى بالخير

الشاعر الحزين يقول...

ليس فقيرا من يحب


ههههههههههههههههههه

ربنا يكرمك والله بجد فرحان قوى وأنا بقرأ تعليقك ده

وبعدين تتأخرى أو متتأخريش مش مهم المهم ان أنتى وصلتى وده كفايه


وبعدين كفايه قوى الـ 85 سنه ده حتى كتير قوووووووووووى

طبعا نورتينى

دمتى بالخير

الشاعر الحزين يقول...

miroooo

يادى النور على أحلى ميرو فى الدنيا

وأنتى طيبه وبكل خير وسعاده وحب يارب

حتى لو متأخره برده جميله وزى العسل

نورتينى جدااااااااااا والله

دمتى بكل الخير

fnoonh يقول...

كل سنة وانت طيب عارفه انها متاخرة بس والله ظروف ومشاغل الحياة مابتتقطعش
عموما ترجع بالف سلامة وتنزل بوستات جميلة كعادتك ديما باذن الله
تقبل خالص تحياتي وتقديري

الشاعر الحزين يقول...

fnoonh

وأنتى طيبه يا فنونه يارب وبكل خير وسعاده دايما

أنا عارف ان أنتى كانت عندك ظروف صعبه

وطبعا يارب يرحم عمك ويدخله فسيح جناته يارب

والحمد لله على عودتك من جديد

أنا عارف ان أنتى قويه وهترجعى بسرعه

ياللا بقى مستنيين جديدك بسرعه


دمتى يارب بكل خير

غير معرف يقول...

مكسووووووووووفة

مكسووووووووووووووووووفة

:(

انا وحشة بجد

:(

والله حقك عليي بس مش مركزة خالص وايامها كنت باجازة من النت كله

معلش بقيت بتاخر عنك :(

كل سنة وانت طيب يارب

والله ليك وحشة وفرحت لما قرات تعليقك عندي

ربنا يجعلها سنة سعيدة عليك يارب

ولسه بنتي محجوزة ليك

مع انك شكلك نحس ومش هتيجي بسببك :]

هههههههههههههههه

الشاعر الحزين يقول...

ঔღঔ نـــوارة ঔღঔ


والله أنا كنت لسه هروح عندك وأقولك أنا زعلالالالالالالالالالالان

بس أنتى سبقتينى ولحقتى نفسك

وعشان كده أنا خلاص مبقتش زعلان

بل بالعكس فرحان جدا جدا بزيارتك بجد

حمدا لله على السلامه يا ست الكل

وأنتى يارب طيبه كده وبكل خير وسعاده

بالنسبه للبنوته أنا فعلا شكلى نحس والله بس برده عندى أمل كبيييييييييييييير قوى انها هتوصل قريب قوى قوى

أنتى بس قولى يارب

طبعا نورتينى جداااااااااااااا

دمتى بكل الخير

موجة يقول...

اولا كل سنة وانت طيب بمناسبة السنة اللى عدت ودلوقتى بقى عندك كم سنة بقى
اما بالنسبة للاعتذار
فهو اعتذار غير مقبول
غلاسة بقى
منورنا والنعمة

وحي القلم يقول...

السلام عليكم
عودٌ أحمد واعتذار مقبول وكل سنة وانت طيب يا أستاذ يا شاعر يا همام

غير معرف يقول...

الحمد لله طلعت برااااءة :]

ايه يادب مش هتيجي تحتفل معنا بعيد نوارتي :(

يلا منتظرررررررراك

فكرة من الزمن ده يقول...

علاء عيب كده ارجع بقى
طيب عدي قول ها مين هناك

الشاعر الحزين يقول...

موجة

وأنتى طيبه يا رب وبكل خير دايما

ولو الغلاسه منك فهتكون أحلى غلاسه فى الدنيا

والله أنتى اللى منورانا ومنوره الدنيا كلها

بس كفايه غياب بقى ماشى ؟؟


نورتينى طبعا جدااااااااااا

الشاعر الحزين يقول...

مصعب صلاح

عليكم السلام ورحمة الله وبركاته

أخويا وحبيبى الغالى

الحمد لله انى اطمنت عليك بجد واحشنى جدا والله

وأا عارف انى مقصر معاك قوى لكن غصب عنى والله أتمنى تسامحنى

دمت أخى بالخير

الشاعر الحزين يقول...

ঔღঔ نـــوارة ঔღঔ

أنتى دايما براءه

حفله ؟؟ حفلة ايه ؟؟؟ طيب أنا طياره وهكون هناك

نتقابل هناك بقى ياللا سلالالالالالالالالالالالالام

الشاعر الحزين يقول...

فكرة من الزمن ده

على فكره يا فكره أنا اللى كنت زعلان منك وكنت والله هروح أقولك أنتى نسيتينا بقى ومبقيتيش تزورينا وكلام كده

لكن زيارتك دى غيرت كل حاجه

أنا طبعا قبل ما أكتر ردى ده كتبتلك تعليقى هناك وأكيد أنتى شوفتيه

عموما نورتينى جدا والله وأنا كمان نورتك صح ؟؟

أيوه صح

دمتى بكل خير يا رب

ابتسامة حزن يقول...

مستنين كتاباتك واشعارك الجامده
حمد الله على السلامه

فراشة يقول...

ازيك يا علاء عامل ايه انا جيت اسأل واطمن عليك انت كمان اختفيت ليه
طب انا وخلاص وفى اجازة شويه
انت بقى اختفيت ليه
وفين بقى الجديد الممتع
يارب تكون بخير وسعادة
تحياتى لكابتن الشعراء

M.a.r.y.o.o.o.m يقول...

شوفت بقي انت كمان كنت غايب مش انا لوحدي ربنا هو الاعلم بالظروف متفتكرش اني فرحانه اني مش هكتب تاني بس تعرف اللي مزعلني اووووي اوووووووووووووووووي انه الناس مبقتش تدخل زي زمان لانه حتي انا مش بلاحق ادخل واشوف عندهم مع اني بحبهم كلهم اووووي اوووي وبعتبرهم اكتر من العائلة بتاعتي انت عارف انا كنت كتبت ورق كتير خالص وحطيته كله في الدرج وقفلت عليه وقولت اني خلاص مش هدون تاني خلاص معلش طولت عليك وده كان تعليقي في البوست عند مدونتي
7
7
7
7

ازيك يا علاء عامل ايه والله انا مش عارفه حتي الكتابة مبقاش ليه نفس ليها خالص حتي الناس اللي بتدخل المدونة مبقتش تدخل حسيت اني قصرت في حقهم جامد جدا وكمان مش عارفه اركز خالص خالص مع ان جوايا حاجات كتير ومواضيع اكتر بس الحمد لله ربنا يستر هسيبلك التعليق ده كمان عندك في مدونتك

نسيت اقولك كل سنة وانت بالصحة والسلامه

miroooo يقول...

انت غايب عننا بقالك كتير اوى ياترى فى ايه؟ لعل المانع يكون خير ياريت تبقى تطمنا عليك دمت بالف خير يارب

الشاعر الحزين يقول...

ابتسامة حزن

الله يسمك يارب

وسعيد جدا بزيارتك الأولى وأتمنى متكونش الأخيره

دمتى فى رعاية الله

الشاعر الحزين يقول...

فراشة

الحمد لله يا فراشه أنا بخير والله

بس مش عارف حاسس انه التدوين فى غيابك مش هيكون ليه شكل

أنا بصراحه كنت مستنى بوست ليكى الأول وبعدين أنزل واحد بعديك علطول

لكن خلاص بناءا على رغبتك وطلب الجمهور ان شاء الله هنزل واحد فى القريب العاجل

دمتى بكل الخير يارب

الشاعر الحزين يقول...

M.a.r.y.o.o.o.m

بغض النظر عن الكلام اللى قولتيه ده كله الا انى برده شايف ان البعد عن التدوين مش هيكون لصالحك حتى لو قصرتى فى حق الناس حتى لو الناس قصرت فى حقك فده مش سبب يخليكى تمتنعى عن حاجه انتى بتحبيها واحنا كمان بنستناها منك

حاولى تفكرى شويه وتاخدى القرار الصح

خلاص يا ست الكل ؟

هستنى بقى بوست جديد ماشى ؟؟؟؟؟؟؟

دمتى بكل الخير يارب

الشاعر الحزين يقول...

miroooo

أنا عارف انى مقصر كتير وبتأخر كتير لكن غصب عنى والله

المهم انى بطمن عليكوا دايما والحمد لله ان انتى بخير ويارب دايما بخير

وان شاء الله فيه بوست جديد قريب قوى

نفرتارى يقول...

ما اجمل هذه الكلمات الرقيقة بجد حلوة اووووووووى .

دمت بكل تألق ،،

نفرتارى

Light of my eyes يقول...

ايه يامان الكلام الجامد ده انت وقعت والا ايه
هههههه

M.a.r.y.o.o.o.m يقول...

انا كمان قولتلك حتي الكتابة مبقاش ليه نفس ليها خالص

غير معرف يقول...

هل تريد تصميم شيق وسريع لموقعك او موقع لشركتك؟
هل انتى مصممة مواقع محترفة ..
تفضل بزيارة موقعنا

همسة ايمان يقول...

واو رقيقة اوى الكلمات بجد

تسلم ايدك عليها

وفى انتظار المزيد

تقبــ مرورى واحترامى ـــــل