الاثنين، 4 يناير 2010

اطمئنان وبشرى












بسم الله الرحمن الرحيم


فى البدايه طبعا مش عارف أتكلم


ولا عارف ازاى أشكركم جميعا على دعائكم ليا


ووقوفكم جانبى فى شدتى


أنا الحمد لله جيت أطمنكم وأبشركم


بالنسبه للإطمئنان فأنا الحمد لله بقيت كويس الى حد ما


أما بالنسبه للبشرى بقى فأنا ببشركم بخبر


الخبر يمكن يكون حلو جدا لناس ووحش جدا لناس تانيه


الخبر هو انى من غياب لغياب


يعنى أنا غصب عنى وخارج ارادتى هغيب عن التدوين تانى


حوالى شهرين تقريبا ومش التدوين بس


التدوين والنت والبيت والبلد وربنا يستر


عايز أقول كلمه أخيره صغيره


أقسم بالله العظيم انى من قلبى بحبكم جدا فوق ما تتخيلوا


لأنكوا أصحاب فضل كبير جدا عليا


ولأنكوا أكتر من أصحابى وأخواتى


أتمنى محدش يزعل منى


كلمه أخيره


=

-

=

-

=


الدنيا مدرسه


ناظرها الزمن


وأستاذها القدر


وتلاميذها نحن البشر


نتقابل غرباء


ونعيش أصدقاء


وان حان موعد الفراق


فلا تقل وداع ...


قل إلى اللقاء


فى الجنة إن شاء الله...


هناك 30 تعليقًا:

هيثــم رمضـــان يقول...

حمد الله علي سلامتك يا شاعر وأتمني لك التوفيق وإن شاء الله ترجعلنا بألف سلامه.

إلي اللقاء

حياه بلا عنوان يقول...

السلام عليكم ورحمه الله وبركاته
حمدالله على سلامتك ويارب دايما تكون بخير
وياربت ترجع بالف مليون سلامه
ومنتظرينك بالجديد ان شاءالله
تحياتى

فراشة يقول...

الف حمدالله على السلامه يا علاء
وربنا يكملك الشفا على خير
طبعا غيابك اكيد مش بشرى ابدا لأن التدوين حيفتقد مؤقتا روح مبدعة شاعرة دايما بتمتعنا بأجمل الكلمات
وارق العبارات

بتمنالك ان شاء الله كل الخير والسعادة
وترجع ومعاك دواوين من اشعارك الرائعة

اما بالنسبة للحكمة الجميلة اللى كتبتها فهى بالفعل رائعة
واجمل ما فيها

(فلا تقل وداع ... قل إلى اللقاء)

ترجع بالسلامه وبالف خير
سلام مؤقت يا كابتن الشعراء

عاشقه الرومانسيه يقول...

وانت بتسمى غيابك بشرى؟
طيب ابقى فكرنى ازعل منك على الكلمه دى
لان دلوقتى لازم اقولك حمد الله على السلامه
هتوحشنا ياعيلاء

saragebaly يقول...

الف حمدلله على السلامة
ويارب يتم شفاؤك على كل خير

ولعل سبب الغياب خير ان شاء الله

وان شاء الله ترجع بالف سلامة

تحياتي

سارة

الحــ ــزين يقول...

حمدلله على السلامة يانجم
أهلا.أهلا أهلا.أهلا أهلا أهلا أهلا بأعز الحبايب.
ألف حمدلله على السلامة ياععم الحج

ساره يقول...

وزعلا منى لاني جيت مصر ولا قلت
طب انا زعلانه منك لانك فاكر ان غيابك يسعدنا

المهم ان شاء الله ترجع بالسلامه
والله يحفظك

جوجو يقول...

السلام عليكم

الحمدلله انك بخير ويارب دايما تكون بخير

ربنا معاك ان شاء الله

ترجع بالسلامة

تحياتى

(Joudy) يقول...

ماشى يا سيدى خبر حلوة إنك بقيت كويس الحمد لله لكن انت رايح فين وسايبنا بقى

عموما ربنا يوفقك وترجع لنا ببشرى بجد مش بشرى زى دى ماشى

دمت بكل الخير والسعادة

الشاعر الحزين يقول...

هيثــم رمضـــان

الله يسلمك يارب ويكرمك

متشكر جدا والله على سؤالك

نورتنى جدا جداااااااا

الشاعر الحزين يقول...

حياه بلا عنوان

وعليكم السلام ورحمة الله وبركاته

الله يسلمك يارب ويبارك فيك

وطبعا متشكر جدا جدا على سؤالك عنى

نورتينى جدا

دمتى بكل الخير

الشاعر الحزين يقول...

فراشة

ااااااااااااه جالك الموت يا تارك الصلاه

أهو ده بقى الكلام اللى الواحد مبيعرفش يرد عليه

( روح مبدعه شاعره ) وكمان أجمل الكلمات وأرق العبارات ؟؟؟

أقولك ايه بس الكلام ده كبير جدا والله وأنا مش قده

عموما طبعا الله يسلمك ويكرمك ويبارك فيك

وطبعا كالعاده مش عارف أشكرك على الكلام الجميل ده

نورتينى جدا والله ودايما منورانى

دمتى بكل الخير

الشاعر الحزين يقول...

عاشقه الرومانسيه

احم احم

مين ؟؟؟ الكلام ده ليا ؟؟

أعتقد انه مش ليا لأنى عارف ان دودو قلبها طيب قوى ومش هتزعل منى صح ؟؟؟

أيون صح


الله يسلمك يا دودو متشكر جدا والله على سؤالك ده

وطبعا منورانى جداااااااااااااااا

الشاعر الحزين يقول...

saragebaly

الله يسلمك ويبارك فيك يارب

متشكر جدا جدا والله على السؤال

ويارب دايما تنورينى


دمتى بكل الخير

الشاعر الحزين يقول...

الحــ ــزين

أهلا

هههههههههههههههههههههههههه

عسل والله

الله يسلمك يا حبيبى ربنا ميحرمنيش منك أبدا ولا من نصايحك اللى موديانى فى داهيه

هههههههههههههههههه

صباح الفل يا نجم

نورتنى والله

الشاعر الحزين يقول...

ساره

لا يا ساره دى تختلف كتير جدا عن دى

وبعدين مين قال انى زعلان منك أنا بس واخد على خاطرى



عموما طبعا متشكر جدا على السؤال الغالى ده

نورتينى جدا ويارب دايما منورانى يا غاليه

الشاعر الحزين يقول...

جوجو

عليكم السلام ورحمة الله وبركاته

الله يسلمك ويبارك فيك يارب

متشكر جدا جدا على سؤالك

نورتينى جدا والله

دمتى بكل الخير

الشاعر الحزين يقول...

(Joudy)

الله يسلمك يارب ويكرمك

بالنسبه لرايح فين دى فأنا رايح لقضايا

هههههههههههههههههه

ادعيلى بس يا جودى

وبعدين هو فيه بشرى أحلى من كده على الأقل هترتاحوا منى شويه

نورتينى والله يا جودى

مي يقول...

مش عارفة اقول ايه فرحت انك جيت وزعلت انك ماشى
يووووه لابقى طب ابقى طمنا عليك المهم انك بقيت كويس والف سلامة عليك

miroooo يقول...

حمد الله على سلامتك يا علاء ايوة كده منور المدونه وعالم التدوين كله بس هيضلم تانى هى دى البشرى اللى انت جايبها كتر خيرك والله انا قولت هتتجوز ولا حاجه ده كلام هههههههههه على العموم ترجع بالف سلامه ان شاء الله واحنا فى انتظارك
الى اللقاء

shoshta_ joker يقول...

السلام عليكم....
علااااااااء الف حمدلله ع السلامة بجد لييييييييك وحشة اوووووى والحمدلله اننا اطمنى عليك
بس ايه بشرى دى دى مش ليها اى مكان فى البوست غيبك ممكن تسميه خبر وحش ومش بشرى بجد زعلانه منك اوووووى
وحتوحشنى لحد مترجع تانى
متغبش وطمنى عليك
فى رعاية الله
shemo

ابتسامة حزن يقول...

حمد الله على سلامتك ويلا متتاخرش علينا مستنينك

El_Tahan يقول...

حمد الله على سلامتك ياعلاء انت من المنصوره احنا طلعنا بلديات على فكره انا كمان من المنصوره

الشاعر الحزين يقول...

مي

الله يسلمك يا مى

ومتزعليش نفسك

ان شاء الله هرجع تانى بس ادعيلى

ربنا يخليك يارب يا مى وميحرمنيش من زيارتك الغاليه دى

نورتينى جدا والله

الشاعر الحزين يقول...

miroooo

الله يسلمك يارب يا ميروووو


ربنا يخليك يارب


هههههههههههههههه

أتجوز ايه بس مش لو فيه واحده أصلا ترضى بيا ؟؟

نورتينى والله ميرووو ربنا ميحرمنيش من تعليقاتك الجميله دى

دمتى بالخير

الشاعر الحزين يقول...

shemo

ربنا يخليك يارب يا شيمو بجد مش عارف أرد على تعليقك الجميل ده بجد والله ربنا يخليك وميحرمنيش من كلامك الجميل ده

وبجد والله أنتوا اللى هتوحشونى فوق ما تتخيلى

بجد ربنا يكرمك يارب

نورتينى والله يا شيمو

دمتى بالخير

الشاعر الحزين يقول...

ابتسامة حزن

الله يسلمك ويبارك فيك يارب

ادعيلى بس وان شاء الله أرجع تانى


نورتينى جدااااااااااا

الشاعر الحزين يقول...

El_Tahan


متشكر جدا على زيارتك الغاليه دى

وطبعا شرف كبير جدا ليا ان أنت تكون بلدياتى على كده بقى لازم نتعرف أكتر من كده لكن ان شاء الله بعد ما أرجع من السفر بإذن الله

نورتنى جدا جدا جدا أتمنى تكرر الزياره

دمت بكل الخير

جايدا العزيزي يقول...

علاء الدين


لا حياة مع الياس ولا يأس مع الحياة


لماذا تترك قصرا شيدته بعزيمه يداك


عد لقلمك واحتضنه


وستشعر فى تلك اللحظه بالامان

Ms Venus يقول...

كلمات جميلة رغم حزنها

تكلمت بلسان حالى كثيرا

تحية لك