الاثنين، 11 يناير 2010

إعذرنى يا قلمى ( البوست الأخير )

بسم الله الرحمن الرحيم
فى البدايه أنا المفروض انى مش أكون هنا دلوقتى
لكن سفرى اتأجل ثلاث أيام
عشان كده حد غالى جدا عندى
طلب منى أنزل بوست أخير قبل السفر
بعتذر طبعا لكل الناس على غيابى
وأتمنى منكم بس تدعولى
قولوا ربنا يعدى أيامك على خير يا علاء وبس
أسيبكم مع البوست وأتمنى يعجبكم
الى اللقاء ( فى رعاية الله )
اعذرنى يا قلمى







أعذرني ياقلمي فقد مللت الحياة ..


أعذرني فأنا أريد الرحيل بعيدا ..


أريد أن أرحل لمدن الظلام ..


أريد أن استسلم للوحدة والقسوة ..


أريد أن أحرق مشاعري ..


وأن أمزق قلبي ..


وانتزعه من أحشائي ..


سأدوسه بقدمي ..


فلم أعد بحاجة الى ذلك القلب الرقيق الحساس ..


قلبي الذي أجبرني على الخضوع والهوان ..


أريد أن أعيش حُر نفسي ..


طليق من المشاعر ..


انسان خاوي من الاحساس ..


عديم الوجود ..


أريد أن أعيش مع نفسي وحدةً قاسية ..


أريد من الحزن أن يقتلني ..


ومن الألم أن يغتالني ..


أريد من القسوة أن تستعمرني ..


ومن اليأس أن يسكن ذاتي ..


نعم سأنتزع قلبي المحب بلا حدود ..


سألقي به بعيداً مع بقايا ذكرياتي ..


سأرحل عن عالم البشر ..


أريد أن أعيش ما تبقى من عمري في الحزن والآلام ..


لن أنتظر أحدا .. ولن اشتاق لأيٍ كان ..


ولن أبكي من حماقاتي ..


سأعيش مع نفسي .. ولنفسي ..


لن يهزني الحب مرة أخرى ..


ولن يخضعني الوفاء لمن أحببتهم ..


سأرحل بعيدا ..


سأعيش بين أوراقي ..


سأشرب حزني ..


وأأكل صدقي ..


سأتنفس وحدتي ..


وأسامر آلامي ..


لا أريد أن اخالط البشر مرة أخرى ..


سأعيش في مدينتي لوحدي ...


************************************


كلمات الشاعر الحزين
علاء الدين

هناك 13 تعليقًا:

فراشة يقول...

يا ترى افرح واقول انى اول تعليق

فراشة يقول...

يااااااااه اخيرا انا اول تعليق بجد

فراشة يقول...

الاول طبعا ادعيلك ربنا يكرمك يارب
وان شاء الله ايامك اللى جايه تكون افضل من اللى فاتت
وتعدى بإذن الله ايام غيابك على خير وبسرعه وترجعلنا بالف خير وسلام يارب

الحاجه التانيه مش عارفه اعلق على البوست لأنه حلو قوى بس من ناحيه المعنى مش موفقاك ابدا

بس ححاول اعلق على قد مقدر

فراشة يقول...

ايه اللى انت بتقوله ده يا علاء
عايز تموت قلمك ليه
طب هو ذنبه ايه ذنبه انه بيكتب حلو قوى وذنبه اننا كلنا بنحبه قوى انت بتغير منه ولا ايه

(أريد من الحزن أن يقتلني ..
ومن الألم أن يغتالني ..
أريد من القسوة أن تستعمرني ..
ومن اليأس أن يسكن ذاتي ..)

انت فاكر ان اللى يقول الكلام ده مايبقاش الحزن قتله ليه بتستسلمله كده

(لن أنتظر أحدا .. ولن اشتاق لأيٍ كان ..)
انت قد الكلام ده يا علاء يعنى نقدر نقول انك مش حتشتاق لعالم التدوين والمدونات خالص

(سأعيش بين أوراقي ..
سأشرب حزني ..
وأأكل صدقي ..
سأتنفس وحدتي ..
وأسامر آلامي ..)

الكلمات دى صعبة قوى لاقصى حد ممكن
كيف تستطيع ان تشرب حزنك الهذه الدرجة امتلئك الحزن حتى الذروة
وكيف ستأكل صدقك الهذه الدرجة كان صدقك سبب اذيتك وحزنك
ولماذا ستتنفس بوحدتك الم تجد من يشاركك هذه الوحدة حتى ولو صديق
جعلت سامرك وصديقك هو المك
صعب جدا يا علاء هذه الاحاسيس

اعترف ببراعتك فى صياغه الكلمات والعبارات
ولكنى كنت اتمنى ان تكون مجرد خاطرة للاستمتاع بالكلمات وليست هذه هى المشاعر النابعه من داخلك

اعتذر عن عدم تمكنى فى التعبير عن روعه ما قرأت وعن صعوبه ما قرأت وشعرت به

اتمنى انك تكون بالف خير وترجع لنا بالسلامه وبرده مصرة انى انتظر كل جديد وجميل لديك بإذن الله

سلام يا كابتن ورجاء منك الا تقتل قلمك

هموس يقول...

معذرة سيدي...

من كان له مثل مدادك كيف له ان يحزن وان كنت عكسك تماما أؤمن بمقولة نزار قباني عندما قال:

ان الانسان بلا حزن ذكرى انسان....
الحزن مطلب لرواد عوالم الرومانسية
ودرب جديد لابحار النفس...هل ابعدك مرض؟ فالتجعل قلمك دواء...هل أبعدك وجع من الدنيا؟ ألقي بغضبتك على حرفك
لست وحيد فان لك عالم انت فيك فارس وملك ...وان اغتربت وارتحلت فغربة الدار اهون من غربة النفس...ارتحل وتفاءل وتمنى وعش حلمك فانت تملك الأصحاب ...تملك قلب...ولديك قلم
تحياتي لك واعلم انك في غربتك ستحتاج كثيرا للقلم...كن بخير

ساره يقول...

ترجع بالسلامه يا علاء

نحن وقلمك في انتظارك

لــــ زهــــــراء ــــولا يقول...

ربنا يوفقك يا علاء ويكتب لك الخير والسعاده فى اى مكان
ربنا يرضيك بكل ما هو مقسوك ليك

نيجى بقى للتعليق الكلام قاسى جدا جد واضح انه خرج من قلب مزقته التجارب والالام
بس اكاد اشك ان هذا القلبي وهذا القلم يبحثان عن الامان فى زمن فقد كل ما هو جميل
رغم ذلك اقولك لك ان الشمس طالعه فى كل يوم هو كده طبع الحياه
ان شاء الله تلاقى من يحاول ان يكون مدادا لقلمك حتى تعود للكتاله بروح يملاها الحماس والحب
تقبل ارق الامنيات بالتوفيق ان شاء الله

shoshta_ joker يقول...

السلام عليكم.....
بجد مش عارفه رجعوك ليه وحشة ولا اقول ايه بالظبت ليه يا علاء كدا
اكيد للضيق فرج الكلمات صعبة اوى ياررررررررررب ترجع تانى ع خير للمدونة وللناس الى بيحبوك.
ربنا يعدى ايامك ع خير دايما
دومت بخير يارررررررررب
فى رعاية الله
shemo

mira يقول...

اولا بتمنى ترجع بالسلامه وربنا يوفقك بالخير دائما
وثانيا ليه كل الحزن والياس دة
وبعدين ازاى تمزق قلبك وتحرق مشاعرك
الانسان لا يستطيع ان يعيش من غير مشاعر ولا احاسيس هما سر الحياه
لا تجعل الظروف والمواقف تسيطر عليك وتجعلك تستسلم وتهد حياتك وتجعلك حبيس بعيد عن الناس ابحث عن ما هو جميل اكيد فى حاجه ولو واحدة جميله فى حياتك وعيش بيها اكيد هاتقويك
واخيرا تمنياتى لك بالبهجه والسرور

miroooo يقول...

ايه ده يا علاء؟
اغيب شويه ارجع الاقيك كده؟ بجد انا هانتظر منك الجديد وتكون قصيده رومانسيه دى مخصوص علشان خاطرى مش عايزاك تبقى حزين اوى كده
فى حد يبقى عنده قلب جميل كده زيك وعايز يدوس عليه دى ميزتك يا علاء ودى اجمل حاجه يمتلكها بنى ادم وبقت شىء نادر
اتمنى ان ربنا يكرمك ويرجعك بالف سلامه
علشان تنور عالمنا كله
دمت بكل الخير

حفيدة البنا يقول...

اكيد حضرتك كده سفرت!
جميله بس كالعاده كلها يئس وإحباط وحزن ومش عوزة أقول قسوة..
وفقكم الله وأعانكم على الشدائد
وننتظر عودتكم بالسلامه والجديد
تحياتى

فكرة من الزمن ده يقول...

يارب يعدي ايامك كلها على خير
ياعلاء يا ابن ام علاء
وترجع تنورنا تاني
ويوفقك في خطوات حياتك كلها

وبالنوسبة للبوست
انت عارف رايي في كتابتك
مفيش بعد كده يسلم قلمك
تحياتي

miroooo يقول...

السلام عليكم
ازيك يا علاء؟ ايه الغيبه دى كلها؟
يارب تكون بخير يارب
طمنى عليك ياريت ترجع بسرعه
انا منتظره الجديد قريب