الاثنين، 15 مارس 2010

علمونى واكتشفت

بسم الله الرحمن الرحيم




طبعا فى البدايه أنا مش لاقى كلام أقوله




مش عارف أعتذر ولا أعمل ايه ؟؟




لكن خلاص أنا جاى دلوقتى وبقول انى قررت قرار مهم قوى




خلاص مش هيكون فيه غياب تانى ان شاء الله




طبعا كل الشكر والتقدير لكل اللى سأل عنى




أسيبكوا بقى مع بوست خفيف كده لكن مهم قوى




*****************




علمونى واكتشفت





علمونى ............ ...ولكنى اكتشفت


قد تكون أشياء صغيرة ولكني أجدها كبيرة

:::. علموني .:::

علموني أن لا أحلف لأنه تكريما لخالقي الذي أبدع خلقي وتقديرا لنعمة النطق لدي ألا أقول إلا الصدق

:::. اكتشفت .:::


أن بعض الناس يحلفون وهم كاذبون


:::. علموني .:::


أن لا أكذب ليس لأن الكذب حرام ..لكن علي أن أسمو بنفسي عن قول الكذب


:::. اكتشفت .:::

أن للكذب عند بعض الناس ألوان ومبادئ .


من مبادئهم أنهم لا يكذبون ولكن يتجملون وهذا كذب ابيض .


:::. علموني .:::


أن اسمع كلام الكبار لأنهم يعرفون مصلحتي ..


:::. اكتشفت .:::


إن الآباء يريدونناأن نتفوق ليفتخروا بنا ويشار إليهم بأنهم أحسنوا التربية .


والمعلمة تعلمنا بشكل أفضل إذا حضرت عندها المديرة أو الموجهة وقد تدرسنا الدرس قبل يوم .. فالهدف الأول مصلحتها .


:::. علموني .:::


أن اعتذر إذا أخطأت ..


:::. اكتشفت .:::


أن بعض الناس يعتبرون الاعتذار ضعفا .. والأقوياء المسيطرون والكبار لا يعتذرون .


:::. علموني .:::


أن آكل كل ما في طبقي من طعام لان إبقاء القليل يعني رميه وهذا عدم تقديرللنعمة


:::. اكتشفت .:::


أنهم يرمون ثلاثة أرباع ما يطبخون .


:::. علموني .:::

أن استمع أكثر مما أتكلم لأن الله خلق لي أذنان اثنتان وفم واحد ..


:::. اكتشفت .:::

أن أكثر الكبار يتكلمون بما لا يعلمون ولا يعرفون فن الاستماع .. ولا وقت لديهم للاستماع لهمومك الصغيرة .


:::. علموني .:::


أن أعامل الناس كما أحب أن يعاملوني ...


:::. اكتشفت .:::

أن بعض الناس بمظهرهم الملائكي يلدغون الثعابين


:::. علموني .:::


أن الوضوء خمس مرات في اليوم لا حافظ على نفسي نظيفا طاهرة .. وعليه فإن قلبي وعقلي يجب أن يكونوا أنظف واطهر ...


:::. اكتشفت .:::

أن الكثير من الكبار يعملون بأيديهم وأفكارهم أحيانا المحرمات ثم يتوضئون ويصلون .

:::. علموني .:::


انني ابن شعب متكافل متراحم رسولنا أوصانا بالجار حتى ظنوا انه سيورثه

.. وأننا شعب غني نتبرع لكل فقراء العالم ..


:::. اكتشفت .:::


أن بيننا عائلة مع 7أطفال يعيشون مشتتين بالشوارع في سيارة لعدم تمكنهم من استئجار غرفة تؤويهم .


:::. علموني .:::

أن الآباء يريدون الاولاد ليساعدوهم ويعتمدوا عليهم عندما يكبرون


:::. اكتشفت .:::


أن الأولاد يلتهمون بحياتهم وأولادهم ومستقبلهم

وينسون ويبتعدون عن أهلهم وقليل منهم من يقف بجانب أبيه الشيخ ليمسك يده ليوصله إلى المسجد

:::. علموني .:::

أن أحافظ على عهودي ووعودي ..


:::. اكتشفت .:::

أنهم ينسون ويتجاهلون ويبتعدون .


:::. علموني .:::

أن اعتز بنفسي واثق بها واعتمد عليها ...


:::. اكتشفت .:::


أنني بهذا العمر أريد أمي لأدفن رأسي في حضنها وأبكي .


علموني وعلموني وعلموني ...


:::. اكتشفت .:::

أنهم لم يعلموني كيف أعيش هذه الحياة


فهل أعيشها كما تعلمتها ؟؟ أم كما اكتشفتها

****************************

تحياتى الشاعر الحزين

علاء الدين

هناك 40 تعليقًا:

الزهرة البرية (Joudy) يقول...

لا مش مصدقة استنى كده

Joudy

الزهرة البرية (Joudy) يقول...

مش عارفة أختار ايه ولا ايه الكلام كله بجد جميييييييل ومعناه فوق الوصف بجد اتعلمنا كتيييير وفجأة لقينا كل اللى بنتعلمه من صح وخطأ حلال وحرام عادات وتقاليد كلها بتتحطم على صخور الواقع صعب هذا الاحساس أن تقدس ما تعلمته لتجد الواقع مخالف لها تماما ولكن إذا كان ما تعمناه صحيح فليسقط الواقع

تحياتى ليك ولقلمك

Joudy

الزهرة البرية (Joudy) يقول...

احتلال بقى أنا غيرت مكانى تماما هتلاقينى على جناح يمامة ياريت تنورنى هناك

الزهرة البرية (Joudy) يقول...

يوووووووووه من فرحتى نسيت أقولك حمد الله على السلامة يالا بقى

كفاية كده غلست كتييير

بنت الأسلام يقول...

عودا حميدا

أنهم لم يعلموني كيف أعيش هذه الحياة


فهل أعيشها كما تعلمتها ؟؟ أم كما اكتشفتها

جميله قوى
بس من رأى المتواضع أن نعيش الحياة كما أكتشفناها
تحيتى

طوبه فضه وطوبه دهب يقول...

يااااااااااااااه اخيرا ايه الغياب دا كله ربنا يكرمك وتكون عوده بلا غيبه يارب ويكرمك وان تعمل ما تعلمت وما يتوافق مع الواقع اعمل ما تراه صحيحا وما يقبله ربك وعقلك وضميرك نورت التدوين من تانى

فكرة من الزمن ده يقول...

حمد الله على سلامتك ياعلاء
وحشتنا يا عم ايه الغيبة دي
والبوست ده تحفة والله وخصوصا السؤال الاستنكاري هههههههه حلوة استنكاري دي
كمان في المفيد كله

لكن انا بختلف معاك في نقطتين



أن اسمع كلام الكبار لأنهم يعرفون مصلحتي ..


:::. اكتشفت .:::


إن الآباء يريدونناأن نتفوق ليفتخروا بنا ويشار إليهم بأنهم أحسنوا التربية .



مش دايما الكبار بيكون تفكيرهم صح او اختياراتهم لينا صح
ممكن بتكون صح من وجهة نظرهم لكن لو جربناها احنا بنكتشف اننا ممكن نقرر لنفسنا صح

والاباء بيحبو اننا نتفوق مش علشان يفتخرو بينا
بالعكس دي طبيعة ربنا زرعها فيهم انه ياخافو علينا ويحبونا دايما احسن منهم واكيد لما بنبقى موضع فخر مايقدروش مايفخروش بينا




أن أعامل الناس كما أحب أن يعاملوني ...


:::. اكتشفت .:::

أن بعض الناس بمظهرهم الملائكي يلدغون الثعابين





في الجون

وللاسف مش بس الاسرة اللي انت شفتها دي اللي حياتها بؤس
ده فيه غيرهم كتييير واللي بيدور بيلاقي عجب


تحياتي ياعلاء وماتتأخرش كده تاني
مش كفاية احمد وميمي يبقى انت كمان

حياه بلا عنوان يقول...

السلام عليكم ورحمه الله وبركاته
طبعا حمدالله على السلامه
وثانيا القرار ده قرار سليم ميه فى الميه وتمام قوى
اما عن الموضوع فجميل طبعا واهلا بيك بالعوده من تانى
تحياتى

هيثــم رمضـــان يقول...

ألف حمدالله علي السلامه شاعرنا الجميل , كلمات جميله جداً وأفكار عميقة جداً , ورأيّ أن نعيش الحياة بالشكل الصحيح سواء كنا تعلمناه أو أكتشفناه بأنفسنا.

تحياتي

فراشة يقول...

وانا اقول المدونة منورة والاشعة الوهاجة منتشرة فى التدوين كله
اتارى الكابتن نور مدونته من تانى

حمدالله على السلامه ياعلاء
بجد اجمل قرار اخدته
يارب دايما تكون بخير

اما بالنسبة للبوست فمش محتاج كلامى لأنه طبعا رائع
بس لو فترة غيابك اكتشفت فيها كل الاكتشافات دى فبصراحه انت الكسبان اكيد

وان كنت تعلمت كل ماتعلمته هذا فأنت خير طالب ونعم ماتعلمته
وان كنت قد اكتشفت فى حياتك كل مااكتشفته هذا فأنت خير معلم وخير فاهم للحياة الصعبة التى نعيشها

فجميعنا طلاب فى مدرسة الحياة ندرس كل يوم ونتعلم
اما من يتمكن من الاكتشاف فليسوا سوى قلائل وانت ماشاء الله اكتشفت كتير

وبكده انت دلوقتى الاستاذ واحنا طلاب لديك فى مدرسة الحياة نتعلم مما قد اكتشفته انت

اما عن سؤالك الاخير وبصراحه صعب قوى
انا كمان مش لقياله اجابه
( اكتشفت
أنهم لم يعلموني كيف أعيش هذه الحياة

فهل أعيشها كما تعلمتها ؟؟ أم كما اكتشفتها)

بس اللى اكيد هو ان ماتعلمناه يصير كدمائنا كلا كما تعلم
اما مااكتشفناه فهذا الذى يمكن ان يغير بنا الكثير ممكن ان يعدل خطأ فيما تعلمناه وممكن ان يؤكد صحيح مما تعلمناه وممكن ان يلغيه نهائيا

فحياتنا لا تستغنى عن الاثنين
ورغم هذا فأنا مازالت لا اعلم ااعيشها كما تعلمتها ام كما اكتشفتها وكيف اعيشها من الاساس؟

حمدالله على السلامه مرة تانية
واسمع عنك دايما كل خير

الشاعر الحزين يقول...

الزهرة البرية

جودى ربنا يكرمك يارب والله فرحان جدا برجوعى عشان هكون موجود تانى معاكوا

بس جميل اسم الزهره البريه مبروك عليك

طبعا نورتينى جدا والله

وياستى احتلى براحتك المدونه بتاعتك

طبعا الله يسلمك يارب ويبارك فيك حتى لو نسيتى تقولى فهى أكيد وصلت من غير ماتقوليها

نورتينى جدا والله يا جودى

الشاعر الحزين يقول...

بنت الأسلام

ربنا يكرمك متشكر جدا على الزياره الجميله دى

وأنا رأيى من رأيك بس للأسف الاكتشاف بيوصل متأخر

نورتينى جدا جدا


دمتى بكل الخير

الشاعر الحزين يقول...

طوبه فضه وطوبه دهب

أهو أنا بصراحه بقى وبجد مش عارف أقولك ايه ولا أشكرك ازاى

بجد ربنا يكرمك يارب ويبارك فيك ومتشكر جدا على سؤالك عنى فى غيابى وان شاء الله مفيش غياب تانى

والله فرحت جدا بتعليقك

نورتينى جدااااااااااااااااااا

الشاعر الحزين يقول...

فكرة من الزمن ده

أهلآ يا صباح الفل

ايه بس النور ده معقول فكره بذات نفسها هنا ؟؟ أنا مش مصدق نفسى بصراحه

الله يسلمك يارب ويكرمك والله لو تعرفى قد ايه كنتوا واحشنى وعالم التدوين قد ايه كنت مفتقده ؟؟ يااااااااااااااااااااااااه لكن الحمد لله رجعت وبإذن الله بدون غياب تانى

ندخل بقى على الاختلافات

هو أنتى عرفتى لوحدك انه سؤال استنكارى ولا حد غششك ؟؟ ههههههههههه

شوفى يا ستى أنا طبعا معاك ان مش كل الآباء كده لكن صدقينى فى الزمن ده أصبحوا كتير قوى وعلى فكره أنا فعلا بشوف أمثال حيه فى الواقع وبناءا عليه كتبت اللى شفته

عموما طبعا زيارتك ليها مذاق خاص وأنتى عارفه انى بحب النقد جدا بالرغم من ان أنتى برده لسه مش قولتى أى نقد لكن هعتبره نقد بقى وخلاص

نورتينى جدا والله يا فكره وبإذن الله مفيش غياب تانى

دمتى بكل الخير يارب

الشاعر الحزين يقول...

حياه بلا عنوان

عليكم السلام ورحمة الله وبركاته

الله يسلمك يارب ويكرمك ويبارك فيك

متشكر جدا والله على الزياره الجميله دى

وان شاء الله القرار هيستمر بدون غياب بإذن الله

نورتينى جدا والله

دمتى بكل الخير

الشاعر الحزين يقول...

هيثــم رمضـــان

الله يسلمك يا باشا والله أنت اللى جميل ورائع كمان ربنا يكرمك يارب

طبعا رأيك صح جدا


نورتنى جدا والله يا باشا

دمت بكل الخير

الشاعر الحزين يقول...

فراشة

ايه بس الإحراج ده ؟؟ طيب الواحد يرد يقول ايه دلوقتى ؟

ربنا يكرمك يارب ويسلمك من كل شر ويبارك فيك

والله مش عارف أقولك ايه أحرجتينى بزوقك

وبصراحه تعليقك على البوست اضافه قويه جدا للبوست بشكرك جدا عليها

وطبعا نورتينى ويارب دايما

دمتى بكل الخير

miroooo يقول...

السلام عليكم
اخيرا وصلت بالسلامه يا علاء حمد الله على سلامتك والله مبسوطه جدا بالاخبار الجميله دى وانك مش هتغيب علينا تانى بمشيئه الرحمن
طبعا البوست تحفه وكلامك رائع بس بالنسبه للاجابه عن السؤال اللى فى اخر البوست انا من رايى انك تعيش الحياه كما تعلمتها واكتشفتها يعنى الاتنين مع بعض
انا سعيده جدا انى لاقيتك موجود وكمان سعيده اكتر لما زورتنى
دمت بكل الخير

shoshta_ joker يقول...

السلام عليكم........
علاء بجد بعد الى قراته
مش عاوزة اقول غير حاجتين
وحشتنى اوووووى بلاش تغيب تانى

قد ايه التفاصيل الى الناس فاكرة انها عارفاها لما بتترتب بطريقة معينة ممكن نستفيد بيها بشكل اكتر واكبر بكتير


عجبتنى اوى وعلمتنى كمان وقت مقراتها

أن استمع أكثر مما أتكلم لأن الله خلق لي أذنان اثنتان وفم واحد ..
دومت بخير

فى رعاية الله
shemo

هديـــل الـروح يقول...

عودا حميدا ..بوست جميل فعلا طول ما احنا فى حياتنا لازم هنتعلم كل يوم بس المهم نستفيد ونبص للجانب الايجابى علشان يحطينا دفعه للأمام

غير معرف يقول...

للاسف لم يعلمنى احد شيئا

ولكنى اكتشفت اننى تعلمت اشياء لا اريدها

غير معرف يقول...

على فكرة انا سمية كمال الدين

فيلسوفة القرن ال 21

:D

اخبارك ايه ؟؟ يارب تكون تمام وبخير

miroooo يقول...

انا عايزه اعلق هنا الف مرة لو اقدر
بجد مفتقدينك جداااا ووحشتنا جدا جدا
ونفسى متغيبش عننا تانى
اتمنى تكون دايما بخير ومش هاقولك بلاش حزن لان ده شىء اساسى فى الحياه بس يارب مايكونش بنسبه كبيره عندك زى ما انا حاسه
اتمنالك دوام السعاده والبهجه

الشاعر الحزين يقول...

miroooo

عليكم السلام ورحمة الله وبركاته

يادى النور يادى النور الأميره ميرو بنفسها عندى دا أن ربنا بيحبنى

ازيك يا ميرو عامله ايه والله واحشانى جدا جدا جدا

ربنا يخليك يارب ويسلمك من كل شر

وأنا الحمد لله خلاص بجد ان شاء الله مفيش غياب تانى

ادعيلى انتى بس

طبعا مش عارف ازاى أشكرك على الكلام الجميل ده وبجد والله دايما منورانى

الشاعر الحزين يقول...

shemo

عليكم السلام ورحمة الله وبركاته
ربنا يخليك يارب والله أنتى واحشانى أكتر وأزياءك كمان وحشتنى لكن خلاص بإذن الله هتلاقونى على قلبكوا علطول مفيش غياب تانى ان شاء الله

طبعا نورتينى جدا ويارب دايما منورانى

الشاعر الحزين يقول...

هديـــل الـروح

ربنا يكرمك ويبارك فيك وطبعا عندك حق بس ياترى مين يسمع

بشكرك جدا جدا على زيارتك الجميله دى

ويارب دايما منورانى

الشاعر الحزين يقول...

star in the sky

يادى النور يا بروفوسيره نورتينى والله جدا وحشتنى فلسفتك والله يا سميه بس ان شاء الله هقرأ كل اللى فاتنى

متشكر قوى على تعليقك الجميل ده يا سميه ويارب دايما تنورينى

الشاعر الحزين يقول...

miroooo

لا بقى دا أنا بجد بقى ربنا بيحبنى

ميرو مره تانيه عندى والله يا ميرو مش عارف أقولك بس صدقينى والله أنا كنت تايه وأنا بعيد عن التدوين لكن أعمل ايه قدرى أكون كده ربنا يستر على اللى جاى

والله تعليقك ده فرحنى قوى قوى يا ميرو ربنا يسعدك يارب ويكرمك ويبارك فيك

miroooo يقول...

والله انا اللى ربنا بيحبنى لانى دخلت مدونه زى مدونتك وباقرا كلام زى كلامك الجميل والحزين فى نفس الوقت وانى بتواصل مع شخص متميز وانسان بمعنى الكلمه زيك
اتمنى متغيبش عننا تانى وكمان بادعيلك والله
ربنا ييسر لك كل الصعاب
دمت بكل الخير

NaiRa يقول...

:::. علموني .:::

أن اعتذر إذا أخطأت ..

:::. اكتشفت .:::

أن بعض الناس يعتبرون الاعتذار ضعفا .. والأقوياء المسيطرون والكبار لا يعتذرون .

ازيك يا علاء يارب تكون بخير طبعا مبسوطه جدا انى رجعت ولقيتك هنا ويارب دايما وسط اخواتك وسو نايس بوست

طـائر الليــل الحـزين يقول...

فى الاول هنعدى موضوع الاعتذار ده عشان من الواضح انى مش انا لوحدى اللى بعيد
بس انا فرحانه انى لما رجعت كنت انت موجود منور التدوين من تانى
والبوست بتاعك جامد جداااااااااااااا
وكله واقعى فعلا
بجد انا مش حسه ان كنت بعيد
ما انت طول عمرك بتقول وبتتكلم عن اللى جوانا واللى برانا
سواء فينا او حتى فى اللى حوالينا

غير معرف يقول...

الف الحمد لله على سلامتك

يااه كل دا غياب

وحشتني والله

الف مبروووك عالجهاز الجديد ^ـ*

البوووست جميل جدا واحترت اختار ايه لانه كله راااااائع

متبقاش تغيب عننا تاني

والف الحمد لله على سلامتك فرحت لما لقيت تعليقك عندي بس انا هالايام مشغولة وعلى اخري فاعذرني عالتاخير :)

سي يو ^ـ^

منــار فايد يقول...

الله الله
علموني واكتشفت جميله جدا ياعلاء
وباين انها خلاصه عمر عندك...

بوست كله عقل وملاحظات جامده
وحجات اخدت بالي منها قبل البوست ماكنتش واخده بالي منها...

تحياتي اليك ياشاعر
ويارب انت بخير علطول

just dream يقول...

مش شرط اللى الأهل علموه لينا بيكون هو الصح دايما لازم احنا نجرب وندخل معترك الحياه ويشوف اللى يناسب أفكارنا وتربيتنا يعنى الأهل يربونا ويسبونا بقى نشوف الحياه بعيونا احنا وزى مابيقولوا الحياه تجارب
بجد بوست جميل وبيقول حاجات كتير
تقبل مرورى الاول فى مدونتك الجميله دى

الشاعر الحزين يقول...

miroooo

بصراحه مش عارف أتكلم ولا عارف أقول ايه

بجد أحرجتينى برقتك وذوقك

ربنا يكرمك يارب ويبارك فيك

والله دايما بتسعدينى بتعليقك وبكلامك الجميل قوى ده بجد متشكر جدا جدا جدا

ويارب يقبل منك

نورتينى جدا جدا والله

الشاعر الحزين يقول...

NaiRa

حمدا لله على السلامه يا نيره

والله أنا اللى فرحان جدا انك رجعتى تانى وبجد منوره التدوين كله

ويارب دايما منوراه

دمتى بكل الخير يارب

الشاعر الحزين يقول...

طـــائر الليــــل الحـــــزين

بجد تعليقك ده والله حسيت انه هزنى من جوايا

بجد ربنا يبارك فيك يارب

وحمدا لله على السلامه

ويارب دايما منوره التدوين

بجد متشكر جدا على التعليق الجميل قوى ده

دمتى بكل الخير

الشاعر الحزين يقول...

نـــوارة


الله يسلمك يارب ويبارك فيك يا ست الكل

والله بجد كنت مفتقد تعليقاتك وبوستاتك الدسمه جدا

والله أنا اللى فرحت بوجودك

وربنا يكون فى عونك ويعدى انشغالك على خير وتكونى دايما معانا

دمتى بكل الخير

الشاعر الحزين يقول...

منــار فايد


يادى النور

حمدا لله على السلامه يا عم الحاج

منوره والله

بس عندك غرامة تأخير وأنا مش هتنازل عنها شوفى بقى هتقدريها أنتى بكام وأنا فى انتظارها

بس بجد والله نورتينى جدااااااااااااااااااااا

الشاعر الحزين يقول...

قول ياااارب

طبعا أنا سعيد جدا بمرورك الأول لمدونتى المتواضعه وأتمنى ميكونش المرور الأخير

طبعا كلامك مظبوط جدا وبأيدك فيه

متشكر جدا على تعليقك الجميل وعلى الأضافه الهايله دى بجد متشكر جدا

نورتينى جدا

دمتى بكل الخير