السبت، 15 مايو، 2010

عيناكِ

عيناكِ




عيناكِ ... عيناكِ



عندما كنت صغيراً ...

كنت أحب زرقة السماء ...‏

كنت أحب اخضرار لون الماء ...‏

كنت أغرق في لون الفضاء ...‏

ما كنت أعرف أني ألتقي القمر ...‏

لقاء الزهرة مع ندى المطر‏

عيناها السماء ...‏

ووسع عينيها فضاء ...‏

وحبيبتي وردة في رمال الصحراء‏

اعذريني‏

اعذريني إن لم أستطع‏

إخفاء حبكِ ...‏

فليس كل سر يدوم‏

شمس كانت تلازمني‏

وصور للعشق ...‏

لم تحرسه سيوف جفوني‏

اعذريني إن تخطيت حدودي‏

بجنوني‏

ومزقت صمت السنين‏

اعذريني إن أردت أن أكون‏

واستعملت الحركة‏

عوضاً عن السكون‏

إني أردت البوح بحبي لفتاتي‏

أرى فارقاً بيننا‏

ويقتلني الحياء‏

كم أتمنى أن أجن وأبوح بما في‏

صدري‏

أنا جرح دائم النزيف‏

وحبي كابوس مخيف‏

دفتر أشعاري‏

جاءت تطلب دفتر أشعاري‏

لتسافر في قلب اليأس‏

علها تصل إلى سر من أسراري‏

تبعثر أوراقي‏

علها تلمس آفاقي‏

تقرأ ما كتب في أسفاري‏

عن آلهات الجمال‏

وتسكن كهوف أفكاري‏

أحبكِ رغم البعد‏

بسمتك وحدها تدفعني لكتابة مئات‏

قصائد حروفها من الذهب‏

وطلّتك تطفئ كل ما في داخلي من‏

لهب ...‏

شعرك فلك النهر الأسود‏

يجري في أعماقي‏

وأحترق احتراق الشهب‏

أحبك رغم البعد‏

حباً في تاريخ العشاق لم يكتب‏
********************
تحياتى الشاعر الحزين
علاء الدين

هناك 36 تعليقًا:

مي يقول...

تقرأ ما كتب في أسفاري‏
عن آلهات الجمال‏
وتسكن كهوف أفكاري‏
أحبكِ رغم البعد
الله على جمال كلاماتك رووووووعة
بتغيب كتير ليه
متحرمناش من ارق احساس بنحسه ارجوك يا علاء

اشكرك لكلاماتك الرقيقة دى
دومت مبدعا

الزهرة البرية يقول...

ممممم متأخرة أنا ومقصرة طبعا يبقى لازم نشوف حاجة نرد بيها مش عارفة هلاقى عندى ولا لا الكلام حلووو كتييييييييير هرد انا بلسانها وبطرقتى تسمح لى

يخفى فى جنباته شئ أعلمه أوقنه تماما كإيقانى للفراشات حول الأزهار لكنه لا يفصح فيرتاح عقلى وتستقر كلماتى يخشى قلبى ويحيد بعينبه بعيداً عن نظراتى تلح الأسئلة بداخلى عما يدور بداخله فعشقه بين لكنه لا يبدى أى اعترافات يجلس أمامى ليس كباقى العشاق يخفى عيناه بين يده وكأنه يخفى معها أشواق عيناى تقتله وصمته يقتلنى وبين نظرته ونظراتى تذوب الكلمات

مش عارفة حساه غريبة اللى أنا كتبته مش عارفة هى حاجة ارتجالية كده يارب تبقى كويسة

دمت بكل الخير والسعادة

mrmr يقول...

جميل هى احساسك المرهف
وتعبيرك عن عينيها بقولك
عيناها السماء
ووسع عينيها فضاء
مش عارفه اعلق حقيقى على ايه ولا ايه من كتير جمال القصيده
تعيش وتبدع يا شاعر

الشـوكة الــنـاعـمـة يقول...

طبعا مش جديد عليك الابداع
كلماتك دافيه اوى
وكلها حب
تحياتى

موجة يقول...

علاء
ازيك ياعلاء
عامل ايه والجيش عامل معاك ايه
كنت عاوزة انزل بوست اسمه عليش دخل الجيش
بس بلاش بقى
يلا
ان الله حليم ستار
اما عن عينااااااااااك
فده تحفه فنيه من تحفك
وكمان متتكسفش وتقول انك كاتب الخاطرة دى ليا
اى نعم هى مش واسعة زى الفضاء ولا لونها زى زرقه الماء ولا السماء
بس برضو ليا
اهو بس
تسلم كيبوردك ياعليش

NaiRa يقول...

عيناها السماء ...‏

ووسع عينيها فضاء ...‏

وحبيبتي وردة في رمال الصحراء‏

اعذريني‏

اعذريني إن لم أستطع‏

إخفاء حبكِ ...‏

فليس كل سر يدوم‏


اولا عاوزه اقولك يا علاء انى افتقدك كتير اوى فعلا
مش بحس بالاحاسيس والمشاعر الحلوه دى غير لما بشوف بوستاتك
ثانيا بقى فى جمال وروعه احساس بالطريقه دى
خلتنى بجد افقد النطق لانى مش عارفه لو نطقت هقول ايه ولا اعلق على ايه القصيده كلها حلوه اوى
عجبنى وصفك ليها اوى انك يمكن شايفها زى الملايكه
وانك كمان فى حبك اللى هو محتوى اسرارك وحياتكا لشخصيه مش قادر تخبى حبك ده انك بتعلنو على الملأ لكل الناس عشان بتحبها حبك صافى وطاهر
كل اللى هقولو
ارجوك وبجد رجاء خاص مش تغيب كده ومتخليش الجيش ياخدك مننا
وان شاء الله تنزل اجازه قريبه وتنزلنا بوست حلو كده

NeNo

شجن الروح يقول...

‏‏
وصور للعشق ...‏
لم تحرسه سيوف جفوني‏
اعذريني إن تخطيت حدودي‏
بجنوني‏
ومزقت صمت السنين‏
اعذريني إن أردت أن أكون‏
ــــــــــــــــــــــــ
ما اعذبها من كلمات فدائما لنثرك رونق يجبر من يتصفحه ان يصفق لك من روعته

فراشة يقول...

ازيك يا علاء عامل ايه
اولا طبعا بعتذر جدا عن تاخيرى
وعشمى كبير انك تسامح على اساس انك كريم بقى مش كده
ههههههههه

البوست كالعادة وزى كل مرة تحفه ويجنن ومتنوع وفيه كل حاجه حلوة

(وحبيبتي وردة في رمال الصحراء‏
اعذريني‏
اعذريني إن لم أستطع‏
إخفاء حبكِ ...‏
فليس كل سر يدوم‏)
الجزء ده ملوش حل بجد
اولا تعبير وردة فى رمال الصحراء ده تعبير فى ذروة الروعه بجد والله
لانه بيبين قد ايه هى رائعة رغم ماحولها من جفاء وصعاب وشقاء لكنها فى وسط كل هذا خرجت تنير حياتك
ثانيا كلمة اعذرينى دى فيها حب بقدر كبير يحمله قلبك لها
فيها رقه وحنيه جميله قوى بجد

اما ليس كل سر يدوم فدى طبعا تعبير يجنن بيعبر عن انطلاق الحب فى اعماقك وخروجه الى الدنيا فلم يعد قادر على الكتمان

بجد يا علاء ماشاء الله عليك تعبيراتك حلوة قوى

بس الغريب بقى انك رغم تصريحك فى البوست كله عن افصاحك بحبك لها لكن جيت فى جزء واصابك الحياء ان تخبرها

(إني أردت البوح بحبي لفتاتي‏
أرى فارقاً بيننا‏
ويقتلني الحياء‏
كم أتمنى أن أجن وأبوح بما في‏
صدري‏
أنا جرح دائم النزيف‏
وحبي كابوس مخيف‏)

واصبحت ترى فروق بينكم وصعاب فى البوح وحياء ان تخبرها واصبح من الجنون لديك اخبارها بحبك
بالرغم انى عايزة اقولك ليه كل ده
لكن من ناحيه الصياغه والتاثير فالتناقض ده خلى البوست اروع واروع

(أحبك رغم البعد‏
حباً في تاريخ العشاق لم يكتب)
الجملة دى بتوجع قوى لكن قوية قوى

مش عارفه اقولك ايه غير ماشاء الله عليك بجد رائع

تحياتى يا كابتن ودايما برغى وكلامى كتير بس انت بقى اللى كتاباتك جميلة نعمل ايه بقى
وبعتذر تانى عن التاخير
سلام

نهر الحب يقول...

السلام عليكم ورحمة الله وبركاته
عامل ايه ياشاعر ياجميل
يارب دايما تكون بخير.


(أحبك رغم البعد‏)

جميل جدا ما كتبت والأجمل أن برغم البعد يتواجد الحب ولا ينتهى...
فهل ممن يقدر أو يستحق؟؟؟؟


دمت ودام احساسك

نهر الحب

الشاعر الحزين يقول...

الحقيقه كل تعليق أنا قرأته أكتر من مره وفيه تعليقات قرأتها أكتر من عشر مرات وبجد والله أنا حسيت انى عاجز عن الرد على التعليقات الجميله دى

لكن أنا طبعا هرد على كل تعليق لوحده لكن سامحونى أخد مهله بس عشان أعرف أفكر فى ردود لأنى بجد حاسس ان عقلى وقف عن التفكير

لكن بجد أى كلمة شكر مش هتكون كافيه لأى كلمه اتكتبت فى أى تعليق

موجة يقول...

جيت بس امسى
اجى ولا لاء
انا جيت وخلاص

اميرات الاسرار يقول...

السلام عليكم


كلمات رائعه جدا واحساسك جميل ورومانسى

ياريت تشرفنا فى مدونتنا المتواضعه
دمت بخير

اميرات الاسرار

شذا الروح يقول...

طبعا كلمات رائعه تحياتى لقلمك الساحر

ولكن سؤال؟
هل ماكتبته انت على يقين به
هل الحب كلمات فقط ام افعال
لو اعترض طريقك الحب اكيد هتحافظ عليه
بما انك واقع فى اعماق العشق
اكيد هتحرم نفسك وتعطيه ودايما ترفعه ومتقللش منه
انا احب كلمة الا وهى تحبنى نعم اذا اسعدنى
تحياتى لقلمك واتمنى افعالك تساوى كتاباتك

تحياتى
شذا الروح

فراشة يقول...

ايه يا علاء انت لسه عقلك واقف عن التفكير

طب اعمل ريستارت
اتصرف نزله ويندوز
شكله كده مهنج على الاخر
هههههههههه

على فكرة انا مش حتنازل عن الرد على تعليقى مليش دعوة بقى

يالا سلام

star in the sky يقول...

ياااااااااااااه وحشتنى اووى بوستاتك

من بدرى مش عديت على البلوج

جميلة جدااا

star in the sky يقول...

نسيت اقولك

انا فيلسوفة القرن ال 21 :D

يارب تكون افتكرتنى بقى

موجة يقول...

علااااااااااااء
ايه يابنى هم اعتقلوك فى الجيش ولا ايه
الا بالحق انت فى سلاح ايه
على الله تكون فى سلاح الصاعقة عشان تهيص فى البانجوووو
ههههههههههههه
سورى بهزر معاك بس افتكرت فيلم عبود ع الحدود
ابقى طمنا اول ما تاخد اجازة بقى
سلامات للصحرا
وعاوزة معاك زلطة سمرا قلبها احمر منقطه ابيض
جيش بقى وعندكو كل حاجة عجيبة

الشاعر الحزين يقول...

خالص اعتذارى على التأخير

والله ما كان بإيدى

أتمنى تسامحونى

الشاعر الحزين يقول...

مى

ربنا يكرمك يا مى بتحرجينى والله بذوقك ورقتك

متشكر جدا على تعليقك الجميل ده

نورتينى جدا والله

الشاعر الحزين يقول...

الزهره البريه

هقولك ايه بس ؟؟؟

ما أنتى عارفه ان دايما تعليقك بيذود الخاطره جمال والله

بس أقولك على حاجه المره دى بجد الإضافه هايله لأنى حسيت فيها بنوع من التغيير والتناقض وهو ده المطلوب بالظبط

متشكر جدا جدا وطبعا منورانى
دايما

دمتى بكل الخير

الشاعر الحزين يقول...

mrmr

والله أنا اللى مش عارف أقولك ايه بصراحه بجد متشكر جدا على ذوقك

نورتينى جدااااااااا

دمتى بكل الخير

الشاعر الحزين يقول...

الشوكه الناعمه

الله يكرمك يارب والله ده من ذوقك بس

متشكر جدا على التعليق الرقيق ده

دمتى بكل الخير

الشاعر الحزين يقول...

موجه

ههههههههههههههههههه

يخرب عقلك يا موجه والله عسل عسل عسل

وحلوه عليش دى ده على أساس انى خليجى يعنى ولا ايه ؟

بس حلوه منك على قد سنك يا موجه

ربنا يخليك يا موجه بجد دايما خيرك عليا وبعدين يا ستى الخاطره دى متجيش نقطه فى بحر الكلمات الرومانسيه اللى ممكن توصف رقة ورومانسية موجه

نورتينى جدا والله يا موجه وتعليقك له مذاق خاص جدا

دمتى بكل الخير

الشاعر الحزين يقول...

NaiRa

شوفى بقى يا نيره أنتى لازم تسامحينى لأنى بجد وقفت كتييييييييييير قوى قدام تعليقك ده وبصراحه مبقتش عارف أرد أقول ايه بقيت حاسس ان الكلام ده كتير قوى عليا وأنا بجد مستاهلش كل ده

لكن أرجع وأقولك أنا بجد عاجز عن الشكر

دمتى يارب بكل الخير

الشاعر الحزين يقول...

شجن الروح


ربنا يكرمك يارب ويبارك فيك

بجد متشكر جدا جدا جدا على التعليق الجميل ده

نورتينى جدا وأتمنى تتكرر الزياره

دمتى بكل الخير

الشاعر الحزين يقول...

فراشه

اااااااااااااااااه جالك الموت يا تارك الصلاه هنا بقى واستوب وقف العقل عن التفكير ووقف القلم عن التعبير

دا حتى الكاى بورد مبقاش عارف يكتب أعملك ايه بس وأعمل ايه لتحليلك الأكثر من ممتاز

والله وأنا بقرأ تعليقك بقيت أحس ان أنتى كنتى بتكتبى معايا الخاطره بقلمك يعنى بجد تحليلك فى منتهى الدقه وبجد بجد أنا ماذلت أتعلم منك


طبعا وكالعاده مش هعرف أشكرك على تعليقك لأن مفيش كلام ينفع يتكتب فى الحالات اللى زى دى لأنه مش هيكفى

ده غير نورك اللى دايما مالى المدونه واللى أتمنى بجد انه ميتقطعش أبدا أبدا

دمتى يارب بكل خير

الشاعر الحزين يقول...

نهر الحب

عليكم السلام ورحمة الله وبركاته

متشكر جدا جدا على ذوقك وعلى تعليقك الجميل ده

ربنا يكرمك يارب وبعتذر جدا جدا على تأخيرى فى الرد

دمتى بكل الخير

الشاعر الحزين يقول...

موجه تشرف وتنور فى أى وقت وفى أى مكان

صباح الفل يا جميل

الشاعر الحزين يقول...

أميرات الأسرار

متشكر جدا على المرور الكريم

وان شاء الله أزور مدونتكم


دمتم بكل الخير

الشاعر الحزين يقول...

شذا الروح

متشكر جدا على مرورك الكريم

وأنا أيضا أتمنى أفعالى تساوى كتاباتى

دمتى بكل الخير

الشاعر الحزين يقول...

فراشه


خلاص يا ستى فرجت والحمد لله

اطلعى فوق واقرأى الكلام اللى أنا معرفتش أرد بيه على تعليقك

الشاعر الحزين يقول...

star in the sky

يادى النور

طبعا حد يقدر ينسى سميه الفيلسوفه ؟؟؟

نورتينى جدا والله يا سميه

دمتى بكل الخير

الشاعر الحزين يقول...

موجه


هههههههههههههههههههه

على فكره يا موجه أنا لا فى صحراء ولا كلام من ده خالص بالعكس دا أنا سلاحى أجهزة قياده واتحولت منه على منطقة التجنيد فى المنصوره ومنها على مكتب التجنيد والتعبئه اللى أنا تابع ليه يعنى من الاخر أنا بينى وبين الجيش بتاعى خمس دقايق فى التوك توك والحمد لله قاعد فى مكتب محترم وعندى تليفزيون وريسيفر وبصحى الساعه 7 الصبح وبخلص شغل الساعه 3 وبرجع البيت

لكن بقى أحيانا بيحصل عندنا حالات طوارئ وهو ده اللى كان حاصل الاسبوعين اللى فاتوا يعنى كنا بنام فى المكتب عشان الشغل كان كتير جدا

شوفتى بقى أنا غلبان ازاى ؟؟

ههههههههههههههه

نورتينى والله وبصراحه مش عارف أقولك ايه دايما صاحبة واجب وبتسألى عليا

بجد متشكر قوى على سؤالك

دمتى يارب يارب بكل الخير

موجة يقول...

ايه ده بقى يعنى انت مش هتجيب لى زلطة سمرا قلبها احمر يعنى ولا ايييييييه
ما علينا
جيش اخر زمن
ال قاعد فى مكتب وعندك ريسيفر
ناقص تقولى فى نادى جمب المكتب وبيسين بقى وكده
يلا ياعم
ربنا معاك
متغبش علينا تانى

ساسو يقول...

بجد شاعر بمعني الكلمه
رقه وجمال موجودين في كلماتك
بجد مدونتك جمييييييييييله جدا
وانت بجد شاعر حقيقي
تحياتي

florieda يقول...

عيناها السماء ...‏

ووسع عينيها فضاء ...‏

وحبيبتي وردة في رمال الصحراء‏

جميلة الكلمات
موفق ف اختيارها وف اسلوبك البسيط