الاثنين، 27 سبتمبر 2010

الصمت أصبح عنوانى

الصمت أصبح عنوانى



بصراحه مش عارف أتكلم ولا أقول ايه عن الغياب الطويل ده

لكن أعتقد لو حد عنده أى سؤال ممكن يستنتج الإجابه من الخاطره

وأتمنى انها تعجبكوا








الصمـــــت أصبح عنواني

الصمـــــت .... ســــــيكون لشفاهــــــي قــــــــــــرار

ومــن فيض دمعــــي على الــذي جـــرى جداولاً وأنـــــهار

ومـــن ألامي وجروحي عزفـــــاً تبكي لهُ الطيــــورُ وحتى الأحجـــار

ســــــأرحل عن هذه الدنيا فما عرفتُ فيها يومــــاً طعم الراحةِ والرضـــاء

سقتني الأيام مرَ حليبها ولم ترضعني ســــوى الحزن والشــــــقاء

أحبائي نكروني رغم أنني كنتُ في حبهم صريحاً ومعنى للنقـــــــاء

وأنــا من كنتُ في حياتهم سوى إنسان ساذجٍ يكسوهُ الغبـــــــاء

ألوذُ بنفسي هنا ... وهنا لإرضائهم لكنهم من كانوا جفاءً في جفاء

أطفأت الدنيا شموعُ ميلادي ولم تكن لي فرحةٌ بل رثـــــــــاء

فلا من صبحٍ أتى ولا نجمٌ ولا قمرٌ في سمــــــــاء

ســــــأرحل واعلمُ أن قلبي يحتضر وليس لعمري من بقــــاء

ألا كلمات تتردد في داخلي لا يسمعها بشرٌ ولن ترى نور الضياء

وداعـــــاً يا دنيــــــا البــــــــــلاء

وداعــــــاً يا دنيـــــــا الشقـــــــــاء

وداعــــــــاً وأنـــــا منكِ بـــــــــــراء

***

كلمات الشاعر الحزين

علاء الدين


هناك 22 تعليقًا:

mrmr يقول...

خاطره مليئه بالحزن والشقااااااااء
ياريت ترمى كل حزن عرض الحائط وانظر بنظره اخرى كلها امل وحب وامانى ليوم جديد سعيد بدون الم ولا حزن ولا دموع واهااااات

حمد الله بالسلامه ومتغبش علينا تانى
ربنا يسعد اوقاتك

NaiRa يقول...

مش هينفع اقولك حاجه واظن انت فاهم ليه لانى اتكلمت معاك قبل كده فى الموضوع
وكل اللى هقولو نو كومنت وربنا يهدى

موجة يقول...

ياااااااااااه
فينك يا علاء
بجد الغيبة طولت اوووى
وانت بتقول نستنتج من الخاطرة
لاء
سورررى
انت قول كان فى ايه وطمنا على الاقل عليك
اما عن الخاطرة
خاطرة حزينة من شاعر حزين
ولكن
لماذا كل هذا الياس
انه لايأس مع الحياه ولا حياه مع اليأس
ولا تتوقف الحياه عن موضوع لم ينتهى او لم يكتمل
ايا كان هذا الموضوع وابعاده
ارفع عن راسك قبعة الاحزان والبس بدلا منها ثوب الفرحه والنسيان
فانك تستحق الفرحة كما تستحق الحياه
اعطى لقلبك ونفسك شيئا من الحنان
حتى تستطيع العيش فى امان
بس بس بس
سيبك م اللغة العربية الغريبة دى
انت عامل ايه
فكك كده ونفض
وطنش تعيش تنتعش
تحياتى
:)

ساسو يقول...

حمدالله علي سلامتك يا علاء
غبت كتير
بس رجوعك زرع الفرحه في المدونه

ليه بس الحزن والأسي دا كله
خليك متفائل
عندك امل في بكره
ثقه بربنا سبحانه وتعالي
خليك دايما ناظر للحياه نظره تفاؤل ونظره كلها امل وحنيه
خليك واثق انك سبب سعاده الناس مش شقاؤهم
خليك دايما حاسس انك اسعد الناس
الحزن مش بيفيد صاحبه
لأ دا بيتملكه
وبيسيطر عليه
وبيهد فيه
اطرد الحزن بايدك
واتغلب عليه قبل ما يتغلب عليك

ارمي كل حمولك
وانسي همك وجرحك
صدقني هتعيش مرتاح هادي البال

يارب يا علاء السعاده تبقي عنوانك وطريقك
والفرح يبقي صاحبك ورفيقك
والحزن تنساه وينساك للأبد

متغبش تاني

الحــ ــزين يقول...

طولعمركمبدع

وكمان وحشتنىاوى
كويس انى اطمنت عليك

ياريت انت كمان تبقى تطمنى
سلام

miroooo يقول...

واحشنا جدا جدا يا علاء
حمد الله على سلامتك
بس البوست حزين اوى ومؤلم بجد
ليه كده بس؟ ربنا يهديلك الحال يارب
اتمنى انك ترجع تانى
بس الدنيا اكيد مش كلها وحشه اوى كده مهما كانت المشاكل اللى بتواجهك اكيد فى وسط الظلام بيطلع شعاع نور
لازم تتقرب من ربنا اكتر وهو الوحيد اللى عنده الحل
ربنا يطمنا عليك
لازم تعرف ان كلنا هنا بنحبك وبنحترمك جدا

ربنا يهدى الحال ان شاء الله

حرّة من البلاد..! يقول...

أرى أن الصمت أصبح لغتنا وعنواننا نحن الغرباء في دنيا الشقاء ,أحزاننا يغلفها الصمت ,يقودنا نحو المجهول بلا دليل أو عنوان .
جميل وأبداع ما خطته أناملك .
تقبل مروري .

الشاعر الحزين يقول...

mrmr

الله يسلمك يارب يا مرمر

متشكر جدا جدا على مرورك الغالى ده وصدقينى هفكر كتير قوى فى كلامك لأنه صح جدا وربنا يصبرنى

دمتى بالخير

الشاعر الحزين يقول...

NaiRa

أوك يا نونا كلامك على راسى والله

وكفايه بس زيارتك الغاليه

ويارب تدوم

دمتى بكل الخير

الشاعر الحزين يقول...

موجة


ايه الكلام الكبير قوى ده يا ستى ده كتير عليا والله

عموما معلش أنا والله الغياب كان غصب عنى جدا

أما بالنسبه للخاطره فسيبيها على الله

ومتقلقيش أنا مش من النوع اللى بيستسلم

نورتينى جدا والله يا موجه

دمتى بالخير

الشاعر الحزين يقول...

ساسو

الله يسلمك يارب ويبارك فيك

مش عارف أقولك ايه والله على الزياره الجميله دى والكلام اللى زى البلسم ده

بجد كلامك جميل وفكرت فيه كتير وصدقينى اللى جاى ان شاء الله خير

نورتينى جدا والله

دمتى بكل الخير

الشاعر الحزين يقول...

الحــ ــزين


حبيب قلبى ربنا يوفقك يارب ويبعد عنك الشر فى أى مكان ويرجعك سالم

ربنا يكملك سفرك على خير يارب وترجع أحلى انسان فى الدنيا

الشاعر الحزين يقول...

miroooo

ميرو القمر ربنا يخليك يارب يا ميرو وأنتوا كمان والله واحشنى جدا وبحبكوا جدا جدا والغياب والله كان غصب عنى سامحينى

كان نفسى قوى بجد أطمن عليك والحمد لله اطمنت عليك

يارب دايما تكونى بخير

نورتينى جدا والله يا ميرو

دمتى بكل الخير

الشاعر الحزين يقول...

حرّة من البلاد..!

مرحبا بيك فى أول زياره لمدونتى المتواضعه جدا وأتمنى الزياره تتكرر

وأشكرك جدا جدا على التعليق الرائع

نورتينى جدا

دمتى بكل الخير

شهرزاد الحكايات يقول...

عندما تتوه منا الأحرف ونفقد طعم الكلام .. يصبح الصمت الملاذ الأخير لنا .. سلمت الأنامل وتقبل مروري

الشاعر الحزين يقول...

شهرزاد الحكايات

متشكر جدا على زيارتك الأولى وأتمنى تكرار الزياره

نورتينى جدا

دمتى بالخير

Dr/ walaa salah يقول...

مدونتك جميله ورومانسيه جدا

جميله كلماتك برغم حزنها

في انتظار جديدك

شجن الروح يقول...
أزال المؤلف هذا التعليق.
شجن الروح يقول...

لا اعلم تحيرت معى الكلمات تحيرت ان تثنى على روعه وعذوبه معانيها ام على شجنها
ولكن لا استطيع الا ان اقول
لا تكن مثل مالك الحزين
هذا الطائر العجيب الذي
يغني أجمل الحانه وهو ينزف
فلا شيء في الدنيا يستحق من دمك نقطة واحده

mona 3iny يقول...

حلوة اوي تسلم ايدك

فينك عايزة اطمن عليك

Unknown يقول...


thank you

سعودي اوتو

Unknown يقول...

thx

كشف تسربات المياة
غسيل خزانات
شركة نظافة عامة