الاثنين، 30 مارس 2009

أحببته ==== ولكن !!!!!!

أحببته ==== ولكن !!!!!!








أحببته ولكن


أحببته بكل كلمه على لسانى


أحببته وشغل تفكيرى ووجدانى


أحببته واقتحم حياتى وكيانى


وكان قلبه سكنى وعينيه عنوانى


أحببته ووعدنى بأجمل الامانى


أحببته وشاركنى افراحى وأحزانى


وعدنى بأنه لن يتركنى ولن ينسانى


وأنه سيظل يحبنى ما طال به الزمان




لكنه كذاب ومخادع وانانى


تغنى لى بأجمل الاغانى


وذهب وتركنى لاشواقى واحزانى


تركنى لعذابى وطول حرمانى


فياليته يعانى ما اعانى


ويتعذب ويذوق الحرمان


بعد ان اخذ احلامى واخذ الامانى


ضاع منى وتركنى اعانى


لكننى لن اظل مكانى


وان عاد ونادانى


لن اعود اليه ثانى


فأنا الضحيه وهو الجانى


*****


كلمات الشاعر الحزين
علاء الدين

هناك 63 تعليقًا:

فراشة يقول...

اووووووه اول تعليق
جميلة جدا يا علاء
بجد اسلوبك حلو قوى
الواحد تعب من الهجر والفراق
وآخرتاه مع الحب ده
هو لازم كده فراق وتعب وهجر وحزن
ماينفعش سعادة وفرح مع الحب ابدا
يالله اظاهر انها طبيعه
بس معلش بكره احلى بإذن الله
تحياتى
بجد البوست حلو قوى

الشاعر الحزين يقول...

مبروووووووك عليكى يا فراشه أول تعليق

وفعلا أنا سعيد جدا ان البوست عجبك

لكن هى دى الحقيقه ومش عارف أهرب منها فين

على العموم شرفتينى قوى بالزياره دى والله

مهندس / على درويش يقول...

السلام عليكم /

بجد كلامك حلو واحساسك عالي
وقلم دا جميل وحزين فعلا

بس انا سعات بحس ان كلمه الحب دي موجوده في معظم المدونات للحزن والندم
وقليل ما قرأت الفرحه بالحب

بس طبعا الكلام دا جميل واسلوبك جميل



تحياتي

ساره يقول...

لايوجد عقل للحب
فهل يسئل من ليس بعاقل؟

ولا يوجد قلب للعقل
فالعقل ليس له مشاعر

خاطرتك جميله
والنهايه خطيره
كرامه وعزه نفس
تحصل فقط عندما
نخلط العقل مع القلب

تحياتي يا علاء الدين

fnoonh يقول...

الله الله الله ايه الابداع ده مشاء الله تبارك الله

بجد كلمات رائعة واسلوب اروع

بس مش عارفه ليه ديما اقرا كلام في الحب المنتهي الحزين ما بقراش ليه في حب دائم ابداوسعيد يلا ممكن يكون غلط الحب ده او قد يكون نصيب واقدار

تقبل خالص تحياتي وتقديري

ايمان روحي يقول...

يـــــــــــــــــــــــــأه
كلمات قويه كتير
ورائعه جدا
شي مش جديد عليك الابداع
والتألق
موضوع قمة في الروعه
سلمت اناملك
تحيــــاتي

aidy يقول...

جميــــــــــــلة جدا يا شاعر

فبعد الوداع لا يجدى نفعا العودة ولا العتاب

وانا بقرأها تذكرت خاطرة كنت كتباها

كان إسمها العتاب

وكانت نهايتها : ـ

فالحب لا يعرف بعد الوداع والسقوط والانكسار

عودة ً وإيابا

فعذرا ً لن يجدى نفعا العتابا


تحياتى ليك ....

Ophelia - cfd يقول...

حلوه اوى

بس ليه كدا يعنى هو مفيش حب سعيد

بجد ولا إيه :D ?

طـائر الليــل الحـزين يقول...

الله عليك
جميلة قوى الكلمات
فيها كتير قوى
تعرف انا حسيت بيها قوى
اصلنا لما بنحب بنشوف كل حاجة حلو
عشان بنشوفها بعيون الحبيب
وبنصدق كل حاجة من كتر ما بنكون واثقين فيه
وقتها بنصدق كلامه انه عمره ما هيبعد وعمره ما هينسى
وفجأة بنلقى العكس
وبنحس بالظلم
بجد البوست جميل جدااااا
انا قريته كذا مرة
وكل مرة بشوف وحس غير المرة اللى قبلها
تحيااااااااتى
ايها الشاعر
يا من ملكت كل المشاعر
وجردت منها كل المحبين

حفيدة البنا يقول...

السلام عليكم ورحمه الله وبركاته؛
كلمات رائعه وجميله ورقيقه
لكنها تحمل بداخلها حزن عميق!!حزن تعجب وزهول...ليس كل حب ضائع.
أرى أن من السهل على الإنسان أن يحب لكن من الصعب عليه أن يكرة.
دمتم مبدعين
ووفقكم الله دائماً وابدا وحقق لكم كل ماتمنيتموه ورزقكم حباً يجمعكم تحت ظل عرشه يوم لاظل إلاظله.
جزاكم الله خيراً على زياره مدونتى والدعاء لى
شرفتمونا وجزاكم الله الجنه
والسلام عليكم ورحمه الله وبركاته

غروب يقول...

الخيانه شئ فظيع جدا الحقيقه

انا بس مش عارفه فين ضمير الانسان اللى بيخون ويجرح انسان تانى كل ذنبه بس انه احبه واعطاه كل ما يستحق واكثر

هل الولد مش بيكون عارف ان ده هيترد ليه اكييييييييد

اما في اخته او امه او بنته؟؟؟

والبنت ؟؟؟؟؟؟
مش عارفه انها كده خسرت انسان حبها وخسرت نفسها اولا

عموما هى غلطه البنت اولا واخيرا

لانها اعطت الولد حقوق ليس له

الحب الغير مقنن شئ وهمى

لا يجوز البكاء عليه

تحياتى

غروب

الشاعر الحزين يقول...

مهندس على درويش

وعليكم السلام ورحمة الله وبركاته

شرفتنى جدا جدا بمرورك الكريم

واسعدنى كلامك قوى لكن ان شاء الله سوف ترى كلمة الحب بمعنى الحب ان شاء الله فى البوست القادم أو اللى بعديه

وشكرا جدا على مرورك الكريم

الشاعر الحزين يقول...

ساره الغاليه

شرفتينى ونورتى المدونه والله

وتعليقك جميل قوى

والحمد لله ان البوست عجبك دى لوحدها شهاده أفتخر بيها

شكرا جدا لمرورك الكريم

الشاعر الحزين يقول...

fnoonh

نورتينى والله وزيارتك لمدونتى غاليه قوى

ويارب دايما كده تزورينا

وان شاء الله أوعدك أنزل بوست كله حب سعيد وليس منتهى

ولكى منى كل الشكر والتقدير على المرور الكريم

الشاعر الحزين يقول...

إيمان روحى

أنا مش قد الكلام الجميل ده
ربنا يكرمك ويبارك فيكى يارب
كلامك جميل وتعليقك اجمل

دمتى بكل خير يارب

الشاعر الحزين يقول...

aidy

الحمد لله انها نالت اعجابك

أنا هاجى فين جنب موهبتك الرائعه

أنا بحاول أتعلم منك

تقبلى كل شكرى وتقديرى

الشاعر الحزين يقول...

زهرة الأمل

ان شاء الله بوعدك يكون فيه حب سعيد قريب
وهتقرأى حاجه هتعجبك بإذن الله

ولكى منى خالص التحيه

الشاعر الحزين يقول...

طائر الليل الحزين

أنا مش عارف أرد على تعليقك والله

بجد أنا عاجز عن الكلام

أنتى بجد قولتى فى حقى مالا أستحق

ربنا يكرمك يارب ويبارك فيكى

وأتمنى أن تتكرر زيارتك الجميله دى

الشاعر الحزين يقول...

حفيدة البنا

وعليكم السلام ورحمة الله وبركاته

أسعدنى جدا مروركم الطيب الكريم

وأتمنى أن تتكرر الزياره

وربنا يبارك فيكى ويكرمك يارب ويتقبل دعائك

لكى منى كل التقدير والاحترام

الشاعر الحزين يقول...

الجميله غروب

زيارتك دى أسعدتنى جدا جدا

أولا لوعدتك لينا بالسلامه

ثانيا لكلامك الجميل ده وتعليقك الرائع

ولكى منى كل التقدير والاحترام والتحيه

زهرة الياسمين يقول...

راااائعه من روائعك يا استاذ
اول حاجه اتصبح فيها.. تصدق انها قبل كوب الشاي خخخخخ

تشكر صراحة عالكلمات اللطيفه
و المعاني الجميله دي

يعطيك ألف عافيه شاعرنا ^.^

الشاعر الحزين يقول...

مجرد نقطه

ربنا يكرمك يارب

بس تصدقى بقى ان كوباية الشاى أحسن وأهم وأفيد كمان

ههههههههههههههههه

زيارتك للمدونه ذادتها نور والله

لكى خالص تحياتى

MǿиY El-Shreef يقول...

والله ياعلاء بنقول مش هنرجع

بس لو كنا بنحب بجد هنرجع :(

حتى لوانجرحنا .. الجرح بيعلم .. بيعلمنا حجات كتير منها ازاي ماجرحش مره تاني

تسلم ايدك

كلماتك حلوه اوي

انا بحب الشعر العامودي

نايس بلوج (=

(Joudy) يقول...

بجد سعيدة بزيارتك لمدونتى اللى هى كانت بمثابة تصريح لدخول مدونتك اللى بصراحة مهما وصفت فيها مش هيكفيها بجد حلوة جدا يارب أكون ضيفة خفيفة عليك وتقبل مرورى وخالص تمنياتى بالتوفيق

جوجو يقول...

السلام عليكم

ضاع منى وتركنى اعانى

لكننى لن اظل مكانى

وان عاد ونادانى

لن اعود اليه ثانى

فأنا الضحيه وهو الجانى

جميل اوى البوست وخاصة المقطع ده

عجبنى اووى

تحياتى

بـِصَمتـِـ أميرة ــــى يقول...

انا الضحية وهو الجانى
هقولك كلمة واحدة بس جواها بتاع 7000 كلمات مدح عايزة اقولهالك بس انا بلوة فى المدح بس هقولك بكل اناقة
شابووووه
بجد بجد رائع
chapeau


تقبل مرورى
ملكة بحجابى

غير معرف يقول...

ضاع منى وتركنى اعانى

لكننى لن اظل مكانى

وان عاد ونادانى

لن اعود اليه ثانى

فأنا الضحيه وهو الجانى


الله ابيات جوووونان

وانا معك بكل كلمة قولتها الي باعنا نبيعه ولا نعبره كمان

مش هنفضل نبكي العمر كله على حد ميستهلش حبنا

بجد بجد ابيات بقمة الرووووووووعة

وبالنسبة لسرق الابيات ولا يهمك

بتحصل بالنت كتير حاجات زي دي

انا عندي مدونة شعرية وبحط فيها اشعار منقولة لو لقيت حاجة عندي ليك خبرني عشان احط اسمك عليها ^ـ^

اشعار بتعجبني بنقلها من هنا ولا هنا ومش بعرف اسم الي كتبها بكتفي بكتابة منقولة وبسسس ربنا يسامحني بقى

دمت مبدع

الشاعر الحزين يقول...

MǿиY El-Shreef

سعيد جدا جدا بزيارتك الراقيه للمدونه

وسعيد أكتر بتعليقك الأكثر من رائع

وبشكرك جدا وأتمنى أن تتكرر الزياره

الشاعر الحزين يقول...

(Joudy)

أنتى أحرجتينى والله باكلام الجميل ده

مش عارف أقولك ايه
بس بجد متشكر جدا جدا على الزياره وعلى التعليق الرائع وأتمنى أن تتكرر الزياره

الشاعر الحزين يقول...

جوجو

عليكم السلام ورحمة الله وبركاته

متشكر جدا جدا على الزياره الجميله دى

ويارب الغيبه مش تتطول زى كل مره

لكى منى كل الشكر والتقدير

الشاعر الحزين يقول...

ملكه بحجابى

أنتى كده بقى خليتينى أنا اللى مش عارف أتكلم

ومش عارف ازاى أشكرك على الكلمه الرائعه دى وعلى الزياره الجميله دى

بجد متشكر جدا جدا جدا
وأتمنى أن تتكرر الزياره

الشاعر الحزين يقول...

نواره الفنانه

ربنا يكرمك يارب دايما زيارتك بتنور مدونتى والله

لكن بالنسبه للسرقه أنا خلاص فوضت أمرى لله سبحانه وتعالى هو اللى هيرجعلى حقى وحسبى الله ونعم الوكيل فى اللى سرقنى وظلمنى

لكى منى كل الشكر والتحيه

نبض الحياة يقول...

ما اصعب هذا الاحساس
وما اصعب ان يقابل الحب بخداع وجرح
وما اكثر ذلك هذه الايام .
كلمات لا استطيع وصف جمالها ووقعها على النفس .
دمت مبدعا .
واعتذر كثيرا لتأخرى فى التعليق وذلك لأن النت سىء جداااا .
تحياااااااتى لك .

الشاعر الحزين يقول...

نبض الحياه

هنا لا يوجد مجال للإعتذار

يكفى ويكفى جدا مجرد قرائتك للبوست واعجابك به وهذا كل ما يهمنى فى الامر

ولكى منى كل الشكر والاحترام

DoNyA يقول...

كلمات حلوه اوي يا شاعر
بس انا مش بحب الشعر المقفي المنمق اوي
بحب الشعر الحر اللي فيه كلمات قويه تهز وجدانك من قوتها
لكن شعورك القوي
بما تقوله ظاهر بين وقع كلماتك

فتحياتي

zainab يقول...

السلام عليكم

أخى علاء

بجد يا علاء كلامك مؤثر قوى وعبرت عنه بأسلوب جميل جدا

ربنا يبعد عننا الأحزان و لو انها شئ ضرورى فى حياتنا و مافيش حياة من غير حزن عشان نحش بطعم الفرح بس يارب يصبرنا

تحياتى

الشاعر الحزين يقول...

DoNyA

هتصدقين لو قلتلك ان ده أهم تعليق بالنسبالى ؟

لأن دى أول مره يتوجه ليا نقد

وأنا فعلا سعيد جدا بالنقد ده

بالرغم من انى أساسا مش بكتب شعر مقفى

الا أحيانا بسيطه أنا دايما كلماتى نثريه بسيطه

نورتى المدونه وأشكرك على زيارتك وأتمنى أن تتكرر الزياره

الشاعر الحزين يقول...

zainab

تعليقك حلو قوى وفعلا عندك حق

بس بجد أنتى قولتى أهم حاجه وهى

ربنا يصبرنا
يااااااااااااارب

متشكر قوى على المرور الكريم

عاشقه الرومانسيه يقول...

ايه ده؟؟؟؟؟؟؟
انت كتبت حكايتى من غير ماتقصد
جميله الكلمات
اعتذر على تقصيرى فى زيارتك

عاشقه الرومانسيه يقول...

احذف التعليق ده لانه موقع اباحى
To Visit My

منــار فايد يقول...

الشاعر الحزين
بشكر مروك عندي جدا جدا
انا من المنصوره برضو
انا قريت سريع كدا في مدونتك
وليا مرور لاحقا ان شاء الله

حلوه اوي القصيده دي والاجمل انك كاتبها على لسان واحده مش لسان واحد

تحياتي

غير معرف يقول...

لكنه كذاب ومخادع وانانى

تغنى لى بأجمل الاغانى

وذهب وتركنى لاشواقى واحزانى

تركنى لعذابى وطول حرمانى

فياليته يعانى ما اعانى

ويتعذب ويذوق الحرمان

بعد ان اخذ احلامى واخذ الامانى

ضاع منى وتركنى اعانى

لكننى لن اظل مكانى

وان عاد ونادانى

لن اعود اليه ثانى

فأنا الضحيه وهو الجانى
-----

الله عليك بجد

الكلام مش كل حاجه
كتير بيتكلم وبيغني وبيقول ويعيد ويزيد .. وكل دا .. كدب!

انت عبرت باسلوب سلس وسهل وجميل في نفس الوقت
واحساسك العالي هو سر وصول الكلام دا للي قدامك..

استمر

دمت مبدع

تحياتي

ريمان يقول...

السلام عليكم

كنا ماشيين حلوين فى اول البوست

بعد كده لقيت خداع وكده قولت يا ربى مفيش حاجه بتدوم على حالها ابدا


جميله اوى الخاطره بتاعتك

اللى يكدب ويخون مش يستحق والله اننا نكتب عنه ولا نفكر فيه اصلا

تحياتى ليك

الشاعر الحزين يقول...

عاشقة الرومانسيه

بدون أى اعتذار المهم أن أنتى فى الأخر نورتى المدونه بتعليقك المميز

بس الحكايه دى صعبه قوى وأتمنى انها تكون مش سابت أثر كبير عليك وتكونى خلاص نسيتيها

تمنياتى لكى بالتوفيق والحياه السعيده

الشاعر الحزين يقول...

شباك موارب

أنا والله أكتر سعاده بزيارتك الكريمه دى وأتمنى انها تتكرر

دمتى بالخير

الشاعر الحزين يقول...

hager za3bal

أنا سعيد جدا والله بزيارتك ليا

وسعيد أكتر بالتعليق الرائع ده

وأتمنى أن تتكرر الزياره

ولكى جزيل الشكر ووافر الاحترام على هذا التعليق المميز

الشاعر الحزين يقول...

ريمان

مربية الأجيال

فينك من زمان يا ست الكل ؟

كل شويه أدخل مدونتك ومش ألاقى موضوع جديد

بس المهم الحمد لله أن أنتى وصلتى

وبشكرك جدا جدا على التعليق المميز ده

موجة يقول...

السلام عليكم ورحمة الله وبركاتة
والله ياعلاء انت قلت اللى كان على لسانى
متشكرة ليك خليت لسانى ينطق ويقول اللى كان مستصعبة
وابقى اسمح لى اخد البوست ده كدة زى ماهو واحطة عندى فى مدونتى باسمك
لو ما تسمح
انا مش زعلانة
استمر ياعلاء فانت مبدع والله الموفق

ريمان يقول...

من بعد اذنك يعنى يعنى

هخطف لينك مدونتك عشان احطه عندى فى الريدر بتاعى

اه

اظن انى مش محتاجه استأذن

بس قولت اجى اخد الاذن برضه

عشان انا مؤدبه خالث خالث

ساره يقول...

علاء الدين العزيز

لك تاج عندي اذا حاب تجاوب عليه

تحياتي

بـسـمـــة صـــــلاح يقول...

ليه الحزن دا يااستاذ علاء
قطعت قلبي
بجد كلمات معبرة قويه
فنان
وبعدين متسميش نفسك الشاعر الحزين لازم يكون في تفائل
بجد تفائلوا بالخير تجدوه
دا مجرد نصيحه مش تسلط
تحيـ بسومةـاتي(:

غير معرف يقول...

هااااااااااي

كيفك ان شاء الله تمام

ليك تااااج عندي تعال خده ^ـ^

روئه مشاكل يقول...

الشاعر الحزيننننن


كلمات مؤثره اوى
واحساس عالى ومتعب

الشاعر الحزين يقول...

موجه

البوست يزيد نور لو دخل مدونتك

وليا الشرف والله ان البوست بتاعى عجبك

ومتشكر جدا على المرور الكريم

ولكى منى كل التحيه

الشاعر الحزين يقول...

مؤدبه خالث خاث ؟؟؟؟؟

هههههههههههههههه

ايه الأدب ده كله ؟

ياستى المدونه كلها بتاعتك خدى كل اللى أنتى عايزاه وانتى ماشيه ولا يهمك

بس براحه عشان اللى هتاخديه ممكن يوقع منك ويتكسر
ههههههههههههه

الشاعر الحزين يقول...

ساره الغاليه

أنا خلاص ياساره وصلت وأخدته وان شاء الله هيكون محلول قريب قوى

الشاعر الحزين يقول...

بسومه

فين يا ستى التفاؤل ده ؟

أنتى بس قوليلى بيتباع فى أى محل وأنا هروح أشترى علطول والله

هههههههههههههههه

متقلقيش يا بسومه احنا الحمد لله عندنا شويه شويه شويه تفاؤل كده على قدنا

متشكر قوى على النصيحه الغاليه دى

الشاعر الحزين يقول...

روئه مشاكل

أخيرا نورتى مدونتى

بجد بجد بجد منوره المدونه والله

ويارب تتكرر الزياره الجميله دى

تحيااااااااااتى لكى دائما

الشاعر الحزين يقول...

نـــــــواااااااااره الفنانه

حاضر يا ست الكل من عنيا

هروح أهو

أنا رايح استانينى هناك

شاب كــ طخين ـــــا يقول...

كلمات جميله اوى
واحساسك عالى اوى مشاء الله
تقبل تحياتى مدونتك جميله اوى
سلاااااااام

الشاعر الحزين يقول...

امبارح كان عمرى عشرين

حوده

منورنى والله ياباشا

وأشكرك جدا على زيارتك الغاليه دى

وأتمنى انها تتكرر

NaiRa يقول...

نايس كلمات بجد

قلمك بجد عنده زوق اوى وكمان افكارك

بس الحب صدفنى مش دايما بيبقى صعب اوى كده وفيه هجر وفراق

ممكن يبقى فيه شويه مشاكل لكن فراق وهجر دايما صعبه شويه

ويارب اى حب يكمل على خير بدون فراق او تعب

دومت بالتميز انت وقلمك الحزين

ابتسامة حزن يقول...

جميله جدا ياعلاء

احب انا الكبرياء