الأحد، 5 يوليو، 2009

من أنت ؟؟؟؟؟؟




بسم الله الرحمن الرحيم


*************************


كنت أنوى إجابة التاج الذى أُهدى إلىَ


ولكنى توقفت عنده كثيرا جدا جدا ولم أستطع الإجابه


لذلك أعتذر لا عن عدم الإجابه ولكن عن تأخرها قليلا


فإنى ان شاء الله سوف أجيب عليه


ولكن الآن أترككم مع هذه الخاطره




من أنت



كنــت أراك أمـامي تتمايـل وتلون أيـامي

فأصبحت أراك بعيـدا تتحايـل لتخرب أحـلامي

كنــت أراك نجومـا تتدافـع لتنير زمـاني

وبدأت أراك رياحـا تدفعني لتحطم وجـداني

وجـدت فيـك مـلاذا وشراعـا يوجـه مـركبتي

ففاجأني إعصار خارق يجرحني ويحطم أجنحتي

أهـرب منـك لعلـي أخبـئ آلامــي وأحـزاني

ولكنـه سرعان هـواك يدفعني فيخل بميزاني

فما من قلب يعشق فيسقيني وينسيني زماني؟

وما مـن حـب صـادق يرويني ويجدد أحـلامي؟

اسمعنـي وتمعن قولي وتذكر ما فعل زمـاني

كنــت أحــب حــلاك وأغدو بلقائك شخص ثان


*****************


كلمات الشاعر الحزين


علاء الدين

هناك 67 تعليقًا:

جوجو يقول...

السلام عليكم

طبعا جميل كالعادة

بجد كلماتك متوازنة جدا ورقيقة جدا

تحياتى

ماء تشرين يقول...

ازيك ياعلاء طبعا جميله كالعاده
ياعنى حتى الحب مفهوش امان او استمراريه ابدا

تقبل مرورى

ساره يقول...

من انت؟؟

انا اكيد عارفه من انت
انت القمــــــــــــــــــــــر

:)

الخاطره رائعه يا علاء
ماراح تقدر تعرف اي شخص الا من المواقف
المواقف هي اللي تبين معادن الناس

تحياتي

فراشة يقول...

عودا حميدا يا علاء

زى ماتوقعت حترجع بخاطرة جميلة جدا
ولاون الحزن عاودك من جديد

تحياتى لك وحمدالله على السلامه

ঔღঔ نـــوارة ঔღঔ يقول...

كنــت أراك أمـامي تتمايـل وتلون أيـامي

فأصبحت أراك بعيـدا تتحايـل لتخرب أحـلامي

كنــت أراك نجومـا تتدافـع لتنير زمـاني

وبدأت أراك رياحـا تدفعني لتحطم وجـداني

وجـدت فيـك مـلاذا وشراعـا يوجـه مـركبتي

ففاجأني إعصار خارق يجرحني ويحطم أجنحتي

أهـرب منـك لعلـي أخبـئ آلامــي وأحـزاني

ولكنـه سرعان هـواك يدفعني فيخل بميزاني

فما من قلب يعشق فيسقيني وينسيني زماني؟

وما مـن حـب صـادق يرويني ويجدد أحـلامي؟

اسمعنـي وتمعن قولي وتذكر ما فعل زمـاني

كنــت أحــب حــلاك وأغدو بلقائك شخص ثان

روووووووووووعة

عجبتني جامد لدرجة اني مش عارفة علق :)

تسلم ايدك عالابداع المتواصل

دمت بالف خير

شباك موارب يقول...

علاء
ازيك؟؟
يارب تكون كويس
وكله تمام
كلامك رقيق

ولازم تجاوب التاج بقى

سلامي

همسة يقول...

السلام عليكم ورحمتة الله وبركاتة
بسم الله ماشاء الله كلماتك جميلة جدا وعبرة قوى وحسيت بيها
دمت مبدعا
شكرا لمرورك العطر فى مدونتى
تحياتى

ريمان يقول...

حلوه اوى اوى اوى


بجد عجبتنى جدا


القصيده دى واقعيه جدا

لان كتير اوى بنتعرف على اشخاص ونظن فيهم شىء وبعد كده يخيب املنا فيهم ويبانوا على حقيقتهم ونلاقيهم على عكس ما كنا متوقعين


تحياتى

يسلم قلمك

ريمان يقول...

يا ريت تبقى تفتح اميلك عشان عايزاك ضرورى يا علاء

بقايا إنسانه .... يقول...

نفسى مرة أكون عندك أول تعليق

بص يا علاء اعمل نفسك مش واخد بالك من التعليقات اللى قبلى
واعتبرنى أول تعليق

أوك

بما انى أول تعليق بقى أحب أقولك

انك شاعر فعلا والله يا علاء

وتستاهل كل خير

وقلمك مبدع

وكلماتك ناطقه بالاحساس

وإحساسك دائما متميز

دمت بخير وسلام

ومبسوطة جدا انك رجعت تانى تكتب

تقبل تحياتى

متنساش زى ما اتفقنا (( التعليق الاول ))

سلام بقى

سهوره

yoyo يقول...

صباحك سكر يا علاء

برغم ان الكلمات بجد بتوجع القلب
الا انها جميلة جدا
وفيها توازن و موسيقى رائعة

من أنت ؟!
من تكون ؟!
كيف اشعلت فى قلبى الظنون
كيف اخلت الى نفسى الجنون

أما رق قلبك لحالى
أو تأثر وجدانك لوجعى
انت قتلت القلب
مزقت اشلاء الروح
ونسيت انه هناك شخص
كان يوما لحبك يحيا
واليوم بحبك يموت و يفنى

yoyo يقول...

احساس مؤلم جدا اننا نحب شخص و يسىء القلب الاختيار
و نفيق على واقع مرير

اخبارك ايه ؟!
يارب تكون بالف خير

دمت اخى بكل خير و سعادة
تحياتى
يويو

حاسوباتيه يقول...

حلوه جدا واصعب حاجه ان الحب الي مفروض يبني يبقى يدمر وده افضل البعد عنه

(Joudy) يقول...

جميلة يا علاء حقيقى ومعبرة جدا واعذرنى انى مش هعلق بكلام زى العادة ده بس لأنى مش مجمعة ومش عندى الملكة للكلام فى الوقت الحالى


دمت بكل الخير والسعادة

aidy يقول...

جميلة اوى يا شاعر بجد

كلماتك المرة دى فيها احساس حزين بس جميل اوى

تحياتى ليك

مصعب صلاح يقول...

السلام عليكم

بجد كلاماتك روعة جدا

بس دي أكيد وانت بتكتبها كنت زعلان جدا

تقبل مروري

fL0weR-giRL يقول...

السلام عليكم

جميله جدا

كنــت أراك أمـامي تتمايـل وتلون أيـامي

فأصبحت أراك بعيـدا تتحايـل لتخرب أحـلامي

كنــت أراك نجومـا تتدافـع لتنير زمـاني

وبدأت أراك رياحـا تدفعني لتحطم وجـداني

عجبتني اوي الحته دي
^_^انا فعلا بحس ان الحب عامل زي البحر تبئي فيه بأمان وفجأه تيجي موجه توديك الا حيث لاتعلم يعني غدار
........

حياه بلا عنوان يقول...

الله على البوست بجد كلمات جميله قووووى من انت ياااه سؤال جميل ومطروح فى كل مكان ومع كل شخص بس هل كل شخص منا عارف الاجابه على من أنت ولا كله بيحاول يجيب اجابه بس مش هى الاجابه الصح بحيك على البوست الجميل تحياتى

ليس فقيرا من يحب يقول...

السلام عليكم
دى اول زيارة ليا للمدونه والحمد لله انى عطرت فيها
جميله ورشيقة كلماتك بجد روعه واحساسك اروع

كنــت أراك نجومـا تتدافـع لتنير زمـاني

وبدأت أراك رياحـا تدفعني لتحطم وجـداني
جميل جدا كلامك وواقعى

تقبل تحياتى وفى انتظار جديدك

MǿиY El-Shreef يقول...

عمرك مابتكتب حاجه وحشه

كل حرف دايما بيلمس حته فينا

ومعلش يا علاءلو زعلان مني

انا بجد ظروفي مش كويسه الفتره دي

..

marwa يقول...

كلامك منسق وموزون ومحسوس بيدل على انك موهوب ومبدع ومشاعرك صادقة

فما من قلب يعشق فيسقيني وينسيني زماني؟

وما مـن حـب صـادق يرويني ويجدد أحـلامي؟

كلامك صح القلب العاشق لا يوجد غير في الحب الصادق الذي أصبح نادرا في هذه الأيام

بتمنى لك مزيد من الابداع والتميز
دمت بكل خير

الشاعر الحزين يقول...

جوجو

عليكم السلام ورحمة الله وبركاته

متشكر جدا على الكلام الجميل ده ويارب دايما أكون عند حسن الظن ودايما كلماتى تعجبك

متشكر جدا

الشاعر الحزين يقول...

ماء تشرين

الحمد لله أنا عارف انى مقصر فى حقكوا والله بس غصب عنى

ومتشكر طبعا على الكلام الجميل ده

طبعا منورانى دايما

الشاعر الحزين يقول...

الغاليه ساره

القمر بنفسه اتنازل ودخل مدونتى ؟؟

ده كرم كبير قوى منك والله

كده خالصين هههههههههههههه

منورانى دايما والله يا غاليه

الشاعر الحزين يقول...

فراشة

متشكر جدا جدا على سؤالك بجد مش عارف أشكرك ازاى والله

ورأيك طبعا ده وسام على صدرى

منورانى دايما وأنا مديونلك سامحينى

الشاعر الحزين يقول...

ঔღঔ نـــوارة ঔღঔ


ربنا يخليك يارب والله ده كتير عليا

بجد مش عارف أقولك ايه بجد متشكررررررررررر جدااااااااااا

منورانى دايما يا حماتى العزيزه

الشاعر الحزين يقول...

شباك موارب

متشكر جدا على سؤالك

أنا الحمد لله لسه عايش

ان شاء الله هجاوب التاج متقلقيش

بس لما أفوق من الحاله دى بس

منورانى طبعا والله

الشاعر الحزين يقول...

همسة

عليكم السلام ورحمة الله وبركاته

ربنا يكرمك متشكر جدا جدا على الكلام الجميل ده

ومتشكر أكتر على زيارتك الغاليه

بجد نورتينى جدا

الشاعر الحزين يقول...

ريمان

مش عارف أقولك ايه والله

بس رأيك ده فعلا بيهمنى جدا جدا

متشكر جدا على كلامك الجميل ده

ودايما منورانى وأنا مقصر فى حقك سامحينى

الشاعر الحزين يقول...

بقايا إنسانه ....

هو أنا أطول ان سهوره بذات نفسها تبقى عندى أول تعليق ده أكبر شرف ليا ولمدونتى والله

وبعدين اعتبرى نفسك أول وتانى وثاث تعليق كمان

وبعدين مش عارف أقولك ايه على كل الكلام الجميل ده

بجد ده أكتر من حقى

ربنا يخليك يارب وتسلمى ويسلملى كلامك الجميل

أوعى تحرمينى من تعليقك تانى

والله منورانى جدااااااااااااا

جارة القمر يقول...

جميل ماخطه قلمك هنا

احترامي

الشاعر الحزين يقول...

yoyo

بجد اضافه قويه جدا جدا وكلماتك زودت الموضوع جمال

بجد كلماتك والله فى منتهى الجمال وأحلى بكتير من كلماتى

بجد بشكرك قوى على الاضافه الهايله دى

وبشكرك أكتر على سؤالك عليا

أنا الحمد لله تقريبا بخير الى حد ما

دايما تعليقك والله بيسعدنى

الشاعر الحزين يقول...

حاسوباتيه

متشكر جدا على الزياره الغاليه دى

بالرغم من ان زيارتك قليله فى مدونتى لكن دايما غاليه بجد وبستفيد كتير منها

بجد متشكر جدا

نورتينى

الشاعر الحزين يقول...

(Joudy)

يكفى بس والله زيارتك الغاليه لمدونتى

بالرغم طبعا من انى بكون سعيد جدا جدا بكلماتك الجميله اللى بتضيف لموضوعى الجمال والرونق

لكن يكفى زيارتك بجد غاليه جدا

منورانى دايما

الشاعر الحزين يقول...

aidy

هنروح من الحزن فين بس يا نهاد

الحزن لينا واحنا ليه

خليكى انتى بس مع النخليتين بتوعك وسيبينا احنا مع الحزن

بهرج معاكى طبعا

ومتشكر جدا جدا على المرور الرقيق جدا ده

وبجد نورتينى

الشاعر الحزين يقول...

مصعب صلاح

أحلى حاجه فيك انك فاهمنى يا مصعب

صباح الفل

طبعا منورنى

الشاعر الحزين يقول...

fL0weR-giRL

متشكر جدا جدا على الزياره الأولى

وعلى كلامك الجميل

وأتمنى تتكرر الزياره

بجد نورتى مدونتى المتواضعه جدا

الشاعر الحزين يقول...

حياه بلا عنوان

كلامك جميل قوى بجد وفعلا عندك حق

كل واحد بيدور على الاجابه اللى تريحه هو وفى الاخر بتطلع مش صح

بشكرك جدا جدا على المرور الجميل

نورتينى

الشاعر الحزين يقول...

ليس فقيرا من يحب

جميل قوى قوى اسم مدونتك

بجد عجبنى قوى

وطبعا متشكر جدا جدا على الزياره الأولى ومتشكر أكتر على التعليق الجميل

وأتمنى متكونش أخر زياره وان شاء الله يبقى التواصل

نورتى مدونتى المتواضعه جدا

الشاعر الحزين يقول...

MǿиY El-Shreef

متشكر جدا جدا يا مونى على كلامك الجميل ده

وأنا عارف ومقدر ظروفك ومش زعلان محدش يقدر يزعل من أخواته وأصحابه

نورتينى طبعا

الشاعر الحزين يقول...

marwa

متشكر جدا جدا على الزياره الجميله دى وعلى الكلام الرقيق ده بجد متشكر جدا

وسعيد جدا بأول زياره وأتمنى متكونش الأخيره

وبجد نورتى مدونتى المتواضعه جدا

الشاعر الحزين يقول...

جارة القمر

ربنا يكرمك

رأيك وسام على صدرى

ومتشكر جدا على المرور الغالى

نورتينى

كيــــــــــــارا يقول...

الله يجد تحفففففه

كلام قوي وحساس اوي :)

الشاعر الحزين يقول...

كيـــــارا

ربنا يكرمك يارب

زيارتك دى بجد غاليه جدا جدا جدا

متشكر جدا والله على الزياره الغاليه

وأتمنى تتكرر تانى

بجد نورتينى

ايوشة يقول...

السلام عليكم ورحمة الله وبركاته
وحشنى اشعارك واحاسيسك جدا بس ممكن فعلا انسان يكون هو الامل فى الحياة او الحياة كلها وبعدين يعمل كده وبكل بساطة يدمر حياة غيره
الدنيا اتغيرت وبقينا حتى مش عارفين نفسنا احنا مين للاسف
مرسيى للمرورك على المدونة والله يسلمك ههههه وولا لا يهمك انا عارفة ان الكيبورد بيعمل ساعات حركات مش حلوة

الشاعر الحزين يقول...

ايوشة

عليكم السلام ورحمة الله وبركاته

أيوه كده

مش واخده بالك ان المدونه نورت
بجد والله كنتى سايبه فراغ كبير قوى

وعوده حميده بإذن الله

ومتشكر جدا على كلامك ده

وبالنسبه للكاى بورد أنا برده هغيره عشان ميغلطش تانى

منورانى والله

مهندس / على درويش يقول...

ما شاء الله
لا أجد ما أقوله فالكلمات جميله وعطرها لامس وجداني


تحياتي

shemo يقول...

السلام عليكم.........
ازى حضرتك .....بجد الكلمات جميلة اوووى عندك اسلوب فى القفية جامد....
كنــت أراك أمـامي تتمايـل وتلون أيـامي

فأصبحت أراك بعيـدا تتحايـل لتخرب أحـلامي...عجبتنى اوى اول الخاطرة

.........دومت بخير.... فى رعاية الله.
shemo

الشاعر الحزين يقول...

مهندس / على درويش

متشكر جدا ربنا يبارك فيك

ايه الغيبه الطويله دى

بجد نورتنى من تانى

الشاعر الحزين يقول...

shemo

ربنا يكرمك متشكر جدا والله للزياره الغاليه

وبجد نورتينى جدا جدا

خالد فوده - Khaled fouda يقول...

شكرا علي الزياره الغاليه يا باشا
ومواضيعك كلها جامده
دمت في ابداع وسعاده

*****************************8
بوست جديد علي مدونتي
عن الحشيش والتحشيش بالصور
اتمني الزياره
http://baa7s.blogspot.com/

سماء يقول...

كلماتك رائعة وعانى جميلة


فما من قلب يعشق فيسقيني وينسيني زماني؟

وما مـن حـب صـادق يرويني ويجدد أحـلامي؟

اسمعنـي وتمعن قولي وتذكر ما فعل زمـاني

كنــت أحــب حــلاك وأغدو بلقائك شخص ثان

تقبل مرورى

لنحيا فى اجواء الحب يقول...

ده اول مرور ليا على مدونتك وواضح انه مش هيكون الاخير بجد انت رائع وبجد ربنا يوفقك ومنى سلام مصرى دائما

سلوى يقول...

جميله
وواقعيه

احييك على كلماتك
دمت بكل الخير

فراشة يقول...

ازيك يا علاء عامل ايه

ياترى انت دلوقتى افضل ولا لسه برده فى شىء متضايقك
يارب تكون بخير ومستنيه كل جميل لديك

حفيدة البنا يقول...

جميله جدا
والاجمل :
وجدت فيك ملاذا وشرعا يوجه مركبتى *
ففاجأنى اعصارا خارق يجرحنى ويحطم اجنحتى
جميله اوى الجمله دى
دمتم بالابداع
بس بدون حزن الله يكرمك
سلام عليكم

آفشنا حرامي يقول...

نتمنى مشاركتم معنا
لأن كل ما يهمكم يهمنا
وحرية القلم ملك لنا كلنا

الشاعر الحزين يقول...

خالد فوده - Khaled fouda

لا شكر على واجب يا باشا

وأنت اللى مواضيعك أجمد

وأنا بافعل دخلت مدونتك وعلقت هناك

نورتنى جدا

الشاعر الحزين يقول...

سماء

متشكر جدا جدا على الزياره

وسعيد جدا بأول زياره وأتمنى مش تكون الأخيره

نورتى مدونتى المتواضعه

الشاعر الحزين يقول...

لنحيا فى اجواء الحب

سعيد جدا جدا بزيارتك الأولى

ومتشكر جدا على كلامك الجميل ده

وأتمنى فعلا متكونش الزياره الأخيره

بجد نورتنى جدا

الشاعر الحزين يقول...

سلوى

متشكر جدا جدا على الزياره الغاليه

وسعيد جدا جدا بأول زياره

وأتمنى مش تكون الأخيره

نورتينى جدا

الشاعر الحزين يقول...

فراشة

مش عارف أقولك ايه والله يا فراشه

بجد انا متشكر جدا على سؤالك

بس الحمد لله على كل حال

محتاج دعواتك بس

متشكر جدا جدا على سؤالك

الشاعر الحزين يقول...

حفيدة البنا

ربنا يكرمك

ويارب دايما اكون عند حسن ظنكم

لكن الحزن قدر ومنقدرش نمنع القدر

نورتينى جدا

الشاعر الحزين يقول...

آفشنا حرامي

واله انا نفسى أشارك معاكم بس لو عرفتوا الموضوع ده بيسببلى ايه هتعذرونى

بس ربنا يسهل وان شاء الله أحاول

ربنا يوفقكم

fnoonh يقول...
أزال المؤلف هذا التعليق.
kimo يقول...

الابداع يتحدث

قلم رائع

نوف يقول...
أزال المؤلف هذا التعليق.